aLuka 1:6 - Izere New Testament

⁶ Cice̱r ba, á nye áner aya kutseng ba tá se gye̱r nasho̱o̱n Adakunom, á kuus Itsi be ike̱re̱ Adakunom tá fe̱ ye a ra kuus cei gye̱r gye̱r.

aLuka 1:6 Referans Kwoze

aFilipi 2:15

nong ase̱, yin ta se yin dar rizik ne i se yin zhe̱l, kyo̱ndi inoon Adakunom áfe sang á ta nye imaan'e nasho̱o̱n áner aya a ta nye amaan'e baꞌ. Yin ta se yin kyo̱ndi akanang ta se naro̱ ka ta se whi.

Itomong Ámanzo 24:16

Iyong ne i sak, koakye izen mi shim ta sor be agak riye̱ nasho̱o̱n Adakunom ka ánerawe baꞌ.

1 aTasalonika 3:13

Won wu tu sak yin tu nyeseng yin be agap kaye̱e̱r aye̱ yin ne i sor yin zhe̱l, fan ákak bu fe̱ ike̱ng ikak imaan'e natoon yin nasho̱o̱n Ada yir Adakunom nizen Agwo̱m Ágwo̱m yir tana bun a be̱ mak be ázhe̱l'e áfu cice̱r.

1 aYohana 2:3

Ke yir nye yir ike̱re̱ Adakunom tá fe̱ ye i ra nye yir, iyong ne i ta tonong ye koangan yir ren Adakunom.

2 aBitrus 3:14

Kamok anong, ároneng áfe riye̱ mi, kum yin ta sen tor yin Kunom'ong, to̱ nye yin koakye ike̱ng iya yin tana kyem i nye yin nong ta sor yin nasho̱o̱n Adakunom dar rizik ka rine̱n ayi. Sor yin nasho̱o̱n wu caang.

1 aYohana 3:7

Inoon'i, yin aya mi ta shim, sang tu won yin akak ta ka wo̱ro̱k yin baꞌ. Aner a ta nye ike̱re̱ i ta se gye̱r ne a se gye̱r nasho̱o̱n Adakunom kyo̱ndi aYeso ta se.

1 aYohana 2:29

Ke yin ren yin aYeso nye azhe̱l'e. To̱, yin ta ren yin ye koangan a ta nye ike̱re̱ i ta se gye̱r nasho̱o̱n Adakunom gip a tà sor igon Adakunom nabik.

aKolosi 1:22

Amma kyo̱o̱rna Adakunom mu ku bun be yin kamok riku aKiristi nuro̱m nong yin ta se yin zhe̱l nasho̱o̱n Adakunom dar rizik, dar kufe̱ imaan'e natoon yin,

2 aKoranti 1:12

Ike̱ng yir tin ya yir kuka nye, kamok yir sor yir kusor kuzhe̱l nazatse ne i sor yir be riye̱ rizining nizen iya yir tá se yir mak be yin. Yir sor yir zhe̱l be katsak kuri kufe Adakunom sang be ritseng kuri rife kazatse na baꞌ, amma kamok ritek Adakunom.

1 aKoranti 11:2

Mi be riye̱ rikan be yin kamok yin yiring yin be mi kaye̱e̱r koakye ne i kuus yin ike̱ng iya mi tá ka bo̱so̱p yin'e gye̱r kyo̱ndi mi ta ka bo̱so̱p yin'e.

Itomong Ámanzo 23:1

Iyong aBulus ti sak anyisi na nusonong áko̱k kasho̱o̱n ame a tá fe̱ be ba ye, “Ároneng, be riye̱ rizining mi n nye koakye ike̱ng Adakunom tin sak ye mi ra nye ma nizen iyuna.”

aLuka 16:15

aYeso fe̱ be ba ye, “Yin ne i shim yin ánerawe ta ka di yin ye yin nye yin áner katsak, amma Adakunom ren aye̱ yin. Ike̱re̱ ánerawe ta di yiik i se fe̱re̱ nufe Adakunom.”

aLuka 1:7

Amma á ra be igon baꞌ, kamok Alisabatu'e kun tes baꞌ, cice̱r ba tsang á kop dide̱ng.

aLuka 2:25

To̱, aner akak tuse na aUshalima a tú ku yis ye aSiman, afe a tá se gye̱r nasho̱o̱n Adakunom, ne a nye Adakunom itomong. A se be kutor afe a tana be̱ a tsesek Isarela. Kabik Kazhe̱l'e se mak be wu.

Itomong Ámanzo 2:25

aDauda fe̱ rife̱ natoon wu ye, “ ‘Mi di Agwo̱m Ágwo̱m nasho̱o̱n mi koakye izen wu se nubo̱k riya mi iyong sak mi tà fok inyim baꞌ.

Itomong Ámanzo 8:21

Wan ti se kaye̱e̱r áfe itomong na baꞌ, kamok riye̱ wan se gye̱r nasho̱o̱n Adakunom baꞌ.

aRom 8:4

Adakunom nye anong, nong a tin shining yir be koakye ike̱ng i ta se gye̱r nasho̱o̱n wu iya Itsi tá fe̱ ye a ra nye, yir aya sang i ta sor yir kaye̱e̱r kuse rinerawe baꞌ, amma kaye̱e̱r Kabik.