aLuka 1:3 - Izere New Testament

³ Kamok anong, mi be rice mi n nye nong tá ren koakye kum ni ime̱se̱ng'e. I ti se gye̱r gip, nong ta ka zibir ike̱re̱ na nye̱k nye̱k, wan aTiyofilus ako̱k kasho̱o̱n,

aLuka 1:3 Referans Kwoze

Itomong Ámanzo 1:1

aTiyofilus, kaye̱e̱r kufumung'i kufe ime̱se̱ng'e kuya mi tá ka zibir'e, mi zibir natoon itomong iya aYeso tá san i nye'me cice̱r, ne iya a tá san kubo̱so̱p ánerawe'me,

Itomong Ámanzo 26:25

Amma aBulus fe̱ ye, “Kunom ra be rigwo̱m, mi yirim baꞌ. Ike̱ng iya mi ta fe̱ na se gye̱r, i nye katsak.

Itomong Ámanzo 24:3

Ánerawe yir cice̱r ren anong, kunom ra be rigwo̱m. Yir te be yir riye̱ rikan dide̱ng.

Itomong Ámanzo 23:26

Kunom ra be rigwo̱m, mi, aKalaudiyus Lasiyas, ne i ta zibir kufumung na, wan Agwo̱mna aFelis, mi ta nye ashou dide̱ng.

Itomong Ámanzo 11:4

Ayong aBitrus san ku ka taas ba koakye ike̱ng nye̱k nye̱k, ye:

Itomong Ámanzo 15:19

“Kamok anong, mi ye i se gye̱r nong ta firik yir áya sang á nye áner aYahuda'me ba', aya a ta sen kuburung nufe Adakunom baꞌ.

1 aKoranti 16:12

Natoon aronyining yir Apolos, mi n so̱ ku kunye akusuk ye a ra be̱ nufe yin mak be ribir ároneng yir ákak. Riye̱ wu mak ri shim a ta be̱ kyo̱o̱rna nizham baꞌ, amma nizen iya a ta se̱ karo̱ a tà be̱.

1 aKoranti 7:40

Amma mi di ye a fok kusas kusor ke a sor anong, mi fe̱ anong kamok mi gip mi di ye mi be Kabik Adakunom.

Itomong Ámanzo 15:28

Yir di yir kyo̱ndi Kabik Kazhe̱l'e ta di gip ye, i se gye̱r nong yir ta ka daam yin be ike̱ng ikak i ta nar ike̱re̱ iyiik'e na baꞌ.

Itomong Ámanzo 15:25

Iyong ne yir ti sak yir i tá kasa yir áner akak nong yir tú ku tom yir ba nufe yin mak be ároneng yir aBulus be aBarnabas,

aLuka 1:1

Ánerawe whe̱re̱ n nye ike̱re̱ iya ba tá kyem á nye nong á ta zibir ike̱ng ikak natoon ike̱re̱ iya i tá shining kaye̱e̱r yir na.

Itomong Ámanzo 18:23

A tá fa te inom cie̱k ne a dorok na Antakiya ame. A tsang a tseng koake̱ niben aGalati ne aFirizhiya ne a tsang a tsesek áfikuus cice̱r.

1 aTimoti 4:6

Ke wan bo̱so̱p ároneng itak na, to̱, wan ta te aner itomong aYeso Kiristi afe katsak, aya a tan rasak kaye̱e̱r rife̱ natoon kuno̱o̱k katsak be kubo̱so̱p kutek wan ta kuus'ong.