aLuka 1:2 - Izere New Testament

² Kyo̱ndi áya a tin se ni ime̱se̱ng'e tin no̱o̱k yir, ne áfe a tá nye itomong kutaas rife̱'me tin tak yir.

aLuka 1:2 Referans Kwoze

aYohana 15:27

Yin gip yin tà fe̱ yin itak natoon'i dim, kamok yin se yin mak be mi kum ni ime̱se̱ng'e.

Itomong Ámanzo 26:16

Amma dorok nyeseng. Mi ti wuruk ni wan nong ta ka sak ta te aner itomong'i, ne i ta taas ike̱re̱ iya wan tá di natoon'i katuur be iya mi tana ka tonong nasho̱o̱n.

2 aBitrus 1:16

Nizen iya yir tá ka taas yin itak kukyem ne kube̱ Agwo̱m Ágwo̱m yir aYeso Kiristi, sang yir tá taas yin atin afe kasho̱o̱n ákak tá fe̱ baꞌ. Wayo, yir di yir agbang kuyiik wu be anyisi yir.

Ibrani 2:3

yir tà nye yir ane̱ ta wher yir ke yir gaar yir kushan agbang kashesh kuri kuyu e̱? Agwo̱m Ágwo̱m yir be rice wu ne a taas itak kashesh na ni ime̱se̱ng'e. Áner áya a tú ku fok ti tonong yir ye i se anong be katsak.

aMarkus 1:1

Iyuna ne i nye ime̱se̱ng Rife̱ Ritek natoon aYeso Kiristi, Igon Adakunom'me.

Itomong Ámanzo 1:3

Nama riku wu, a tonong rice wu nasho̱o̱n ba, ne a ku tak ba itak ku dorok wu be kunye ike̱re̱ iriri'me. A nye kuko̱s iso̱k inaas, ne a yiir i fe̱ itak natoon rigwo̱m Adakunom.

1 aBitrus 5:1

Mi ako̱k kasho̱o̱n ikilisiya, mi aya mi tá di kuri risam riya aKiristi tá so̱ be anyisi mi. Mi aya i tana se̱ ishorong'i nasho̱o̱n kaye̱e̱r kuyiik a tana tonong, mi nye áko̱k kasho̱o̱n ikilisiya áfudang'i a ta se kaye̱e̱r yin akusuk ye,

Itomong Ámanzo 4:20

Kamok yir ta kyem i te yir gbik natoon ike̱ng ife yir ta di yir ne i fok yir baꞌ.”

aLuka 24:48

Yin ne i di yin ike̱re̱ na, yin ne i ta tas yin ákak.

1 aKoranti 4:1

Kamok anong ni sok yir kyo̱ndi ásam aKiristi, áya Adakunom tú ku won ba ike̱re̱ wu iya i ta se nune̱re̱ng nubo̱k.

Itomong Ámanzo 1:8

Amma izen iya ne yin shan yin kukyem nizen iya Kabik Kazhe̱l'e tanin tiik natoon yin, yin tà te yin áner aya tana fe̱ yin itak natoon'i, ta san yin rife̱'me kaye̱e̱r aUshalima, be na aYahudiya be na aSamariya ne ma nigang kazatse cei.”

aMarkus 4:14

Aner ikap'e se kyo̱ndi aner a ta nas rife̱ Adakunom.

aRom 15:16

nong ta te aner itomong aYeso Kiristi nufe áya sang á ta nye áner aYahuda baꞌ. Mi nye itomong ritsi i ta taas Rife̱ Ritek Adakunom, nong aya sang a ta nye áner aYahuda baꞌ, ta sor asidaka Adakunom tana shan, áya Kabik Kazhe̱l'e tu ku sak ba á ta te zhe̱l.

aMarkus 16:20

Álimazhiri wu ame tseng nong á ta se taas Rife̱ Ritek koake̱. Agwo̱m Ágwo̱m ti nye itomong be ba dide̱ng. A tonong ye rife̱ ba be katsak be ike̱re̱ azhing iya ba tá nye mak be rife̱'me.]

aYohana 16:4

Mi ta ka tak yin ike̱re̱ na, nong ke izen'e nye yin tà yiring yin ye, mi ma ka ko̱ro̱k yin kuto. Mi ta tak yin iyu ni ime̱se̱ng'e baꞌ, kamok mi se mak be yin.

Itomong Ámanzo 8:4

To̱, áfikuus aya a tá te shaam tsang á nye awazi rife̱ Adakunom koake̱ ne ba tseng.

Itomong Ámanzo 14:25

Á taas rife̱ Adakunom na aPerga ne á tseng na Italiya.

Itomong Ámanzo 16:6

Ayong aBulus be áfudang wu tsang a gorok iben aFirizhiya ne aGalati kamok Kabik Kazhe̱l'e tú ku won ba nikum á ta taas Rife̱ Ritek Agwo̱m Ágwo̱m na Asiya baꞌ.

Itomong Ámanzo 17:11

To̱, áner aYahuda á tá se na aBiriya be kuse kutek ne á nar aya a tá se na aTasalonika, kamok á shan Rife̱ Ritek'e be ifeng dide̱ng. Á ti sak riye̱ á tá fa kufumung rife̱ ye̱r ye̱r ne á maas á tá di ka ike̱ng iya aBulus tá fe̱ nye katsak'e.