aLuka 1:13 - Izere New Testament

¹³ Amaleka'me fe̱ be wu ye, “Sang tu fok inyim baꞌ, aZakariya, an fok aduwa wan. Abining wan Alisabatu tà ka tes igon, wan tú ku te riyerek ye aYohana.

aLuka 1:13 Referans Kwoze

Itomong Ámanzo 10:31

A tá fe̱ ye, ‘aKoneliyus, Adakunom n fok aduwa wan ne a yiring be kutobok kuya wan tá tobok áfe rizor.

aLuka 2:21

Nama inom ikara be kutes'e, izen a tana ku nye izhak tá fa nye, yong a tú ku te riyerek ye, aYeso, riyerek riya amaleka tá tsang a ku te'me kum ne an be kafa wu baꞌ.

aMatiyu 14:27

aYeso wor a fe̱ be ba ye, “Na ka tsesek yin, mi'ong. Sang yin tu fok yin inyim baꞌ.”

aMatiyu 28:5

Amaleka'me fe̱ be anyining'e ye, “Sang yin tu fok yin inyim baꞌ. Mi ren yin sen tse̱r yin aYeso, aya a tú ku tigak.

aLuka 1:30

Ayong amaleka'me fe̱ be wu ye, “Sang wan tu fok inyim baꞌ, aMarya, wan n se̱ ritek Adakunom.

aMarkus 16:6

Ayong a fe̱ be ba ye, “Sang tu te yin zhing baꞌ, yin tse̱r yin aYeso afu aNazaret aya a tú ku tigak aꞌa? An dorok! A kuse aze na baꞌ. Di yin karo̱ a tú ku mees.

aMatiyu 1:21

A tà tes igon, wan tù ku te riyerek ye aYeso, kamok wu ne a tà shesh ánerawe kaye̱e̱r rine̱n ba.”

aLuka 1:14

A tà sor ike̱ng riye̱ rikan dide̱ng nufuan. Ánerawe whe̱re̱ tà nye riye̱ rikan kamok kutes wu.