aKolosi 4:5 - Izere New Testament

⁵ Sak yin riye̱ be kutseng yin kaye̱e̱r áner aya sang á ta nye áfikuus baꞌ. Ni nye yin itomong be koakye izen ife yin ta se̱ yin.

aKolosi 4:5 Referans Kwoze

1 aTasalonika 4:12

Nong ase̱ kuse yin ta se̱ kuyiik nufe áya sang a ta nye áfikuus baꞌ, ne i bun i se̱ yin ike̱re̱ ife rice yin fan i bin fereng yin na akak.

aYakub 3:13

Angan ne a be kukyem ne a ren ikeng kaye̱e̱r yin e̱? Won a tu tonong be kuse wu kutek, be kunye kutek ne kumees rice riya ri ta ne kaye̱e̱r kukyem.

aRom 16:19

Koangan n fok itak yin ta kuus yin rife̱ aKiristi, kamok anong mi be riye̱ rikan be yin. Amma mi shim yin tuse yin be ritse̱ng natoon kunye ike̱ng iya i ta se gye̱r, tu ren yin kunye imaan'e baꞌ.

aYakub 3:17

Amma kukyem ku ta ne naza, nime̱se̱ng'e cice̱r se jel ne kushim kutek be kuto akak, ne kumees rice, be kuro̱ riye̱ kunye kutek kufe katsak dar kushim rice.

aMatiyu 10:16

Mi sen ka tom yin kyo̱ndi itsamang kaye̱e̱r agabu katse, kamok anong be yin ritseng kyo̱ndi íwhen ne i se yin whiwhe̱ kyo̱ndi ábo̱p.

1 aTimoti 3:7

Ako̱k kasho̱o̱n ikilisiya ra nye aner aya áfurin ta fe̱ itek natoon wu, fan á bu ku te isum ne a kpa nubo̱k Amaan Aner.

aKolosi 3:16

Won rife̱ aKiristi tu nyeseng be agap dide̱ng kaye̱e̱r aye̱ yin, ne i naka bo̱so̱p yin'e, ne i naka nyesek yin ibo̱ro̱ng, be koakye kuri kukyem, ne i bom yin abom aZabura, ne i kerek yin Adakunom, ne i bom yin abom afe a ta nye afe Kabik, ne i nye yin riye̱ rikan kaye̱e̱r aye̱ yin be Adakunom.

aMarkus 4:11

Ayong aYeso fe̱ be ba ye, “A ma ka no̱o̱k yin kukyem kuren ike̱re̱ rigwo̱m Adakunom i ta se nune̱re̱ng, amma ba áfe a ta se nufang, koakye ma be kumaas,

aYakub 1:5

Ke akak yin be kukyem kuren ikeng baꞌ, a ra rip Adakunom, afe a ta no̱o̱k koangan washak. A tu ku no̱o̱k be riye̱ rizining sang be aye̱ afa baꞌ.

1 aBitrus 3:1

Yin ányining iwe̱ne̱ng, yin gip, kuus yin ike̱ng iya átek yin ta fe̱ be yin, nong ke ákak ba kuse áya sang á tá min no̱o̱k katsak rife̱ Adakunom baꞌ, kashim kuse ányining ba tà sak á tin no̱o̱k katsak sang ma akak fe̱ ike̱ng ikak be ba baꞌ.