aKolosi 4:3 - Izere New Testament

³ Nye yin aduwa kamok yir gip, nong ase̱ Adakunom tin karak yir iren kutaas rife̱ wu nong ta taas yir kanye̱k aKiristi kaya ka ta se nune̱re̱ng kafe sang akak ta ren baꞌ, kamok anong ne a min te nitso̱m.

aKolosi 4:3 Referans Kwoze

Itomong Ámanzo 14:27

Á tá fa se no̱ na Antakiya'me ne á tusung áfikuus á ta ka taas ba ike̱re̱ iya Adakunom tan nye nubo̱k ba. Á tá taas ba kuri iren iya Adakunom tá karak nong ase̱ áner aya a tá nye áner aYahuda baꞌ tin no̱o̱k katsak.

aKolosi 1:26

riya ri ta se nune̱re̱ng aye̱ be aye̱ ne izam izam amma kyo̱o̱rna an te̱s ázhe̱l'e.

2 aKoranti 2:12

Nizen mi ta fa tseng na aToruwas nong ta se nye awazi Rife̱ Ritek aKiristi, mi se se̱ Agwo̱m Ágwo̱m tsang a min n karak iren.

2 aTimoti 2:9

Kamok anong ne mi ti so̱ risam na ma a min te nitso̱m gip kyo̱ndi aner aya a tá nye amaan ike̱ng, amma a ta kyem a ta rosom rife̱ Adakunom baꞌ.

aFilipi 1:7

I se gye̱r mi ta to̱ natoon yin cice̱r anong, kamok yin se yin riye̱ mi, kamok yin cice̱r gung yin rice be mi kaye̱e̱r ritek Adakunom. Mi ta se nitso̱m ka mi ta sen te̱ne̱ng ne i ti nyeseng ye Rife̱ Ritek'e nye katsak.

Afisa 4:1

Kamok anong, mi aya mi ta se nitso̱m kamok mi ta kuus Agwo̱m Ágwo̱m, mi ta nye yin akusuk ye yin ra sor yin kusor kutek kuya ku ta se kyo̱ndi agbang kuyis kuya a tá ka yis mo yin.

1 aKoranti 16:9

kamok a min i karak iren dide̱ng aze ne itomong'e ya kasho̱o̱n dide̱ng, ne ákak kuse á ta nye amudo̱n'i ni itomong'e whe̱r aze.

1 aKoranti 4:1

Kamok anong ni sok yir kyo̱ndi ásam aKiristi, áya Adakunom tú ku won ba ike̱re̱ wu iya i ta se nune̱re̱ng nubo̱k.

1 aTasalonika 5:25

Ároneng, nye yin aduwa kamok yir gip.

aMatiyu 13:11

aYeso fe̱ be ba ye, “Yin a ta no̱o̱k yin kukyem kuren ike̱re̱ rigwo̱m kaza, ike̱re̱ i ta se nune̱re̱ng. Amma ba a tu shim ba'me baꞌ.

aFilimon 1:22

Ike̱ng ikak izining mi ta shim ke wan ren gbak nye, nye kutu átsen kamok mi, kamok mi n te riye̱ kube̱ nufe yin ke Adakunom fok aduwa yin a tin won.

aFilipi 1:19

Kamok mi ren be aduwa yin ta nye yin ne kutobok afe Kabik aYeso Kiristi tin tobok, ni igang'e, a tin shesh.

2 aTimoti 1:16

Won Agwo̱m Ágwo̱m tu ro̱ riye̱ áfekasa aOnesiforus, kamok koakye izen a yiir ni tsesek a fok isum ye mi se nitso̱m baꞌ.

Afisa 3:1

Kamok anong, mi aBulus a min te nitso̱m kamok aYeso aKiristi ne kamok yin áya sang yin ta nye yin áner aYahuda baꞌ.

aRom 16:25

Won kuyiik tu sor kufe Adakunom, wu afe a tana kyem a tana ka sak yin ta nyeseng yin be agap kaye̱e̱r kuno̱o̱k katsak yin, natoon Rife̱ Ritek na mi ta taas natoon aYeso Kiristi, Rife̱ Ritek riya ri tin tonong yir ike̱re̱ iya sang a ta tsang a ren gbugbang baꞌ,

Afisa 3:3

Iyong ne i nye ike̱ng Adakunom tin te̱s'e kaye̱e̱r kanye̱k wu kaya sang akak ta ren baꞌ, kyo̱ndi mi tá tsang i ka zibir yin'e cie̱k.

Afisa 3:4

Kum yin tan fa yin, yin ta kyem i se̱ yin akanang ike̱ng ife mi ta ren natoon kuse aKiristi.

Afisa 3:9

Kamok Adakunom nye itomong be mi nong ase̱ a ta tonong kanye̱k itomong wu kanang kaye̱e̱r yin cice̱r. Kanye̱k Adakunom aya a ta nye ike̱re̱ cice̱r, a ta ne̱r áfe izam agbugbang'e.

aKolosi 4:18

Mi aBulus ne i zibir ashou na be kubo̱k'i, tu tiburum yin ye mi na aze nitso̱m baꞌ. Ritek Adakunom se mak be yin.

2 aTimoti 4:2

wan ri tsesek ninye awazi rife̱ Adakunom, ko be izen ko dar izen. Nees ánerawe, kuzhe̱e̱r ba ne i kutsesek ba ne i ka bo̱so̱p ba'me kaye̱e̱r awhiwhe̱.