aKolosi 4:12 - Izere New Testament

¹² Abafaras a ta nye azining kaye̱e̱r yin ne a bun a nye asam aYeso Kiristi ta nye yin ashou. A yiir rus ne a ka nye yin aduwa dide̱ng koakye izen nong yin ta kyem i nyeseng yin be agap ne i nye yin ike̱ng iya Adakunom ta shim. Kyo̱ndi áya a ta min no̱o̱k katsak na Adakunom be riye̱ rizining.

aKolosi 4:12 Referans Kwoze

aRom 15:30

Ároneng, mi ta nye yin izong kaye̱e̱r riyerek aYeso aKiristi Agwo̱m Ágwo̱m yir, ye i ra gung yin rice be mi kaye̱e̱r kucan'i ne i nye yin aduwa kamok'i. Nye yin anong kamok kushim yin kuya Kabik Kazhe̱l'e ta ka no̱o̱k yin.

aKolosi 1:9

Kamok anong ne isak kum nizen iya yir tá fok yir itak natoon yin, yir won kunye yir aduwa kamok yin baꞌ. Yir nye yir izong ye Adakunom ra ka tonong yin ike̱ng iya wu ta shim dim nong ase̱ yin ta se̱ yin kukyem Kabik, ne i ren yin ike̱ng kunye.

aFilimon 1:23

Abafaras afudang'i, i ta se yir nitso̱m mak kamok aYeso Kiristi, ta nye yin ashou.

aKolosi 1:28

Iyong ne i sak yir ta taas yir itak aKiristi, yir kpam yir koangan ne ibo̱so̱p yir ánerawe'me be koakye kuri kukyem yir nong ta tseng yir be koangan mumak kaye̱e̱r aKiristi.

aKolosi 1:7

Abafaras, afudang itomong yir a tá nye asam Adakunom kyo̱ndi yir gip, aya a ta be katsak kaye̱e̱r itomong aKiristi ne a be̱ a tá ka tak yin Rife̱ Ritek'e, a nye itomong'e rice yir.

2 aBitrus 1:1

Mi aSiman Bitrus, asam aYeso aKiristi ne i bun i nye amanzo wu, yin áya i ta se̱ yin agbang kuno̱o̱k katsak kyo̱ndi yir ta ma se̱ yir kamok kuse kutek Adakunom yir aya a ta nye Aner Kashesh yir aYeso Kiristi.

aGalati 4:19

Inoon'i naya mi ta sen niso̱ risam kyo̱ndi aner abining ta te̱s ma yin te yin kyo̱ndi aKiristi.

aGalati 1:10

To̱, yong yin di yin ye, mi shim ánerawe tin kerek ka Adakunom e̱? Ka yin di yin ye, mi shim ta kare̱p ánerawe riye̱ a? Ke i fa nye ye mi ru shim ta kare̱p ánerawe riye̱, ke mi ba nye asam aKiristi baꞌ.

aRom 15:14

Ároneng, mi be rice mi ren ye yin be rice yin, yin be yin kuse kutek dide̱ng ne i ren yin ike̱ng dide̱ng ma i kyem i naka bo̱so̱p yin'e.

aZhud 1:24

To̱, nakerek nye nafu, wu aya a ta be kukyem ku ka tor mo yin fan i bu kpas yin, a ta tseng be yin nasho̱o̱n agbang kuyiik wu dar rine̱n be riye̱ rikan dide̱ng.

Ibrani 5:14

Naya na ta se kpakarak nye nafe áner aya a tan te anerawe, áner kuri ayong ne á ninye itomong be kuto̱ro̱ng ba nong á ta kyem á ren ike̱ng iya i ta nye itek be imaan'e.

Ibrani 5:7

Nizen aYeso tá se aze nazatse, a tá kuto̱ naza a tá nye aduwa ne a nye izong be nanyisi nufe Adakunom aya a tana kyem a ku shesh kaye̱e̱r riku. Adakunom tú fok kamok a nye aner a tá mees rice.

aKolosi 1:22

Amma kyo̱o̱rna Adakunom mu ku bun be yin kamok riku aKiristi nuro̱m nong yin ta se yin zhe̱l nasho̱o̱n Adakunom dar rizik, dar kufe̱ imaan'e natoon yin,

2 aKoranti 13:11

Ni igang'e, ároneng, ma yin katuk kakak. Naka tsesek yin nong ta shining, fok yin izong'i, sor yin be riye̱ rizining, sor yin caang. Be anong ne kushim Adakunom ne kameneng riye̱ ta se mak be yin.

1 aKoranti 14:20

Ároneng, won yin kuto̱ kyo̱ndi inoon. Kaye̱e̱r amaan kunye te yin kyo̱ndi inoon nazhizhe̱k'e, amma be yin kuto̱ro̱ng kuri kufe risho̱n.

1 aKoranti 2:6

Gip be anong, yir fe̱ yir rife̱ riya ri ta nye rife kukyem kuri rife áner á tan kyem ánerawe nabik sang kuri rife ágwo̱m kazatse ka kuri kufe áner izam na áya a tana wei baꞌ.

aYohana 12:26

Koangan afe a ta shim a ta te asam mi, a tin kuus dim. Karo̱ kafe mi tu ku se, a tà se azong gip. Ada mi tà tiyiik aner aya afe a tin nye itomong cice̱r.

aMatiyu 5:48

Kamok anong, shining yin, kyo̱ndi Ada yin afe a ta se kaye̱e̱r kaza ta shining.

aYakub 5:16

Kamok anong naka taas yin rine̱n yin, ne i naka nye yin aduwa nong a se ta te yin atser. Aduwa aner ajel'e be agap dide̱ng ne nye itomong.

aYakub 1:1

aYakubu asam Adakunom ne afe Agwo̱m agwo̱m yir aYeso Kiristi, mi nye ánerawe irem kuso̱k be afa aya a ta te shaam kaye̱e̱r kazatse ashou.

1 aTasalonika 5:23

Won Adakunom be rice wu aya a ta nyesek kameneng riye̱ tu sak yin tu sor yin zhe̱l kaye̱e̱r koakye kuri iren. Won kabik yin cice̱r be aye̱ yin ne iro̱m yin tu sor gugo̱k be rine̱n ma katuk kube̱ Agwo̱m Ágwo̱m yir aYeso Kiristi.

aLuka 22:44

A tá se kaye̱e̱r kudaam dide̱ng, yong a ti barang kunye aduwa. Kutsin wuruk kyo̱ndi naso̱k ku tá teng ne ku kpas kaben.

aLuka 1:1

Ánerawe whe̱re̱ n nye ike̱re̱ iya ba tá kyem á nye nong á ta zibir ike̱ng ikak natoon ike̱re̱ iya i tá shining kaye̱e̱r yir na.

aKolosi 1:29

Kamok anong ne mi nye itomong ma i ti te iso̱r be kuri agap aya aKiristi tin no̱o̱k, aya a ta nye itomong dide̱ng kaye̱e̱r'i.

aKolosi 4:9

A tà be̱ mak be aroneng yir akak aOnesimus aya yir tu ku shim yir ne a be kuse kutek. Ba ta ka tak yin koakye i ta sen tseng azena.

aYakub 1:4

Ku naka tsesek yin ta tseng ma nigang'e, nong ase̱ yin ta shining yin, ne kyem yin sang ta raar yin nikeng ikak baꞌ.