aKolosi 3:5 - Izere New Testament

⁵ Kamok anong ni tun yin riye̱ natoon ike̱re̱ kazatse na, ike̱re̱ kyo̱ndi, kunye rikuna be kunye kpe̱de̱ng be rinyisi rikan be amaan kuse ne amaan kudi ike̱ng, iyong gip i se kyo̱ndi ku kuus itsi.

aKolosi 3:5 Referans Kwoze

aRom 8:13

Kamok ke yin sor yin kaye̱e̱r kuse rinerawe, yin tà kus yin. Amma ke yin sor yin kaye̱e̱r Kabik, ne yin won yin kunye rine̱n, yin ta se̱ yin kutser.

aGalati 5:24

Áfe a ta nye afe aYeso Kiristi n fe̱r kuse rinerawe be kunye amaan ike̱re̱ iriri'me ne iya kuro̱m ta shim.

aRom 6:13

Sang tu no̱o̱k yin afe kuro̱m yir abas akak kamok rine̱n baꞌ nong ku ta sor ares amaan kunye baꞌ. Amma no̱o̱k yin Adakunom rice yin kyo̱ndi áner aya a tú ku tun ba kaye̱e̱r riku nong a tú ku bun kaye̱e̱r kutser. Ne i no̱o̱k yin rice yin kyo̱ndi ares ku ninye ike̱re̱ i ta se gye̱r nasho̱o̱n Adakunom.

1 aBitrus 2:11

Áfo̱ yin, áya mi ta shim, mi ta nye yin akusuk, kum yin ta nye yin átsen kaye̱e̱r kazatse na, yin be yin kasa aze baꞌ, ye i ra kam yin be kudi ike̱ng kuri kufe rinerawe. Kuse kuri kuyong ko̱n itsom be kabik yin.

1 aKoranti 6:18

Kuteng yin kunye kye̱re̱. Sang koakye kuri rine̱n ánerawe ta nye ne ri beseng kuro̱m wu baꞌ, amma aner aya a ta nye kye̱re̱ be kuro̱m wu, beseng kuro̱m wu.

Afisa 4:19

Á te be rice ba dar isum. Á no̱o̱k rice ni inye ike̱re̱ isum, á be shim kunye ike̱re̱ ife isum dide̱ng.

2 aKoranti 12:21

Mi fok inyim ye ke mi bun i be̱ nufe yin, Adakunom mi tin sak ta fok isum nasho̱o̱n yin. Mi ta nye riye̱ riwe kamok whe̱re̱ kaye̱e̱r áya a tá nye rine̱n, amma an tan shishing kuse ba baꞌ, rine̱n kunye rikuna, ne kuwun kuya ba ta nye dide̱ng.

Ike̱ng a ta tonong aYohana 21:8

Áner aya a tá fok inyim be áfe a tá gaar kuno̱o̱k katsak ne áfe amaan kunye ne áfe kufe̱s ánerawe be áfe kunye rikuna be áfe a tá ya kukur, be áfe a ta ya ike̱re̱ iduk iben cei be áfe abo̱o̱s, karo̱ kusor ba se kaye̱e̱r icen kuro̱ng be itong ikan i ta se kyo̱ndi ife abindiga. Iyu ne i ta nye riku rife̱ afa.”

aRom 7:23

Amma kaye̱e̱r kuro̱m'i, mi fok ike̱ng ikak ze̱e̱r ta nye itomong be iya riye̱ mi ta shim. Ike̱ng i ta sak kuro̱m'i be riye̱ mi ta can, ne i te kyo̱ndi asam kaye̱e̱r kukuus ike̱ng iya i ta se kaye̱e̱r kuro̱m'i.

aMatiyu 15:19

Kamok kaye̱e̱r riye̱ ne amaan kuto̱ro̱ng nes, ike̱re̱ kyo̱ndi kufe̱r akak, be rikuna, ne kunyiis kuro̱m kpe̱de̱ng, be itsang, ne abo̱o̱s, be kukas Adakunom.

Ike̱ng a ta tonong aYohana 22:15

Áfe a tana sor nufang'e ne á nye áner aya kunye ba ta tas kufe ágabu, áfe a ta nye kubok, áfe a ta nye rikuna be áfe kufe̱s ánerawe ne áfe kuya ike̱re̱ iduk iben be áfe a ta shim kubo̱s abo̱o̱s.

aYakub 4:1

Akye̱ ne be̱s be kuren, be riwo̱ng nanu kaye̱e̱r yin e̱? I be̱s kamok ike̱re̱ yin ta shim yin iya i ta nye itso̱m kaye̱e̱r aye̱ yin aꞌa?

1 aKoranti 6:13

Ákak fe̱ ye, “A nye kafa kamok naya, naya kamok kafa,” ikak ta ra sor ma izen izen baꞌ. Adakunom tu ku whe̱se̱ng ba cice̱r. A nye kuro̱m kamok rikuna baꞌ, amma nong a tin tiyiik Adakunom, ne Adakunom ni sak riye̱ nuro̱m'e.

aRom 6:6

Yir ren yir ye an ti gak kuse yir kufe agbugbang kuri kufe rinerawe mak be wu fan ri bin be agap natoon yir. A nye anong fan i bu te yir ásam rine̱n baba.

Ibrani 13:4

Koangan ra tor kuwe̱ne̱ng yiik, koangan ra tor kuwe̱ne̱ng wu zhe̱l'e, kamok Adakunom tà to̱ aner a tá nye rikuna be áya a nye kpe̱de̱ng amok.

Ibrani 12:16

Sang tu won yin akak tu kuus ányining kpe̱de̱ng ka a tu se dar inyim Adakunom kyo̱ndi Isuwa tá sok risho̱n wu a tá re̱p acek wu'me kamok naya kakereng kazining baꞌ.

1 aTasalonika 4:3

Kushim Adakunom se ye: yin ra sor yin zhe̱l; won yin kunye rikuna.

1 aKoranti 5:1

Mi fok ye yin nye yin rikuna, kuri kuya áfurin gip ta nye baꞌ. Anerawe ko̱s be abining atek wu,

aRom 7:5

Kamok izen iya ife yir tá sor yir kaye̱e̱r kuraar yir kuri kufe rinerawe, Itsi ti wo̱k yir nunye rine̱n kushim riye̱ yir ma kunye yir'ong ti be̱e̱n yir riku.

aRom 1:29

An shining be iriri ike̱re̱ iya i ta se gye̱r nasho̱o̱n Adakunom baꞌ, be rikpe̱ ne kudi ike̱ng ne amaan kuto̱ro̱ng. Igak ku naka shishim be ku naka fe̱s be kuren ne ku naka wo̱ro̱k be amaan kunye. Ba te áfe imok,

aRom 1:26

Kamok anong, Adakunom tú ku won ba nong á tá kuus ike̱re̱ isum iya aye̱ ba tá shim. Ányining nye rikuna be ányining áfudang ba, anong ne Adakunom nye baꞌ.

1 aTasalonika 4:5

Sang be rinyisi rikan baꞌ, kyo̱ndi áfe a ta se nurin áfe sang á ta ren Adakunom baꞌ.

1 aKoranti 6:11

Anong ne ákak yin tsang a se, a ra ka kusu yin nong a ta sak yin n te yin zhe̱l. Yin n te yin gye̱r nasho̱o̱n Adakunom kaye̱e̱r riyerek Agwo̱m Ágwo̱m yir aYeso Kiristi ne Kabik Adakunom yir.

aKolosi 2:11

Kaye̱e̱r wu ne a tá nye yin izhak kaye̱e̱r kabik gip, nong ta tun yin kuse kuri kufe rine̱n. Sang izhak kuri iya anerawe ne a ta nye baꞌ, amma kuri iya aKiristi ne a ta nye.

1 aTimoti 6:10

Kamok kushim itso̱m ne kunye ritin koakye kuri amaan kunye. Áner ákak kamok kushim itso̱m dide̱ng ma á won kuno̱o̱k katsak ba nong á ta te rice ba kaye̱e̱r amaan risam dide̱ng.

Ibrani 13:5

Kam yin be kuse kumak shim itso̱m, ne i ni fan yin nike̱ng iya yin ta be yin, kamok Adakunom fe̱ ye, “Mi ta ka won baꞌ, ko cie̱k mi ta ka barak nigaan'e baꞌ, ko cie̱k.”