aKolosi 3:3 - Izere New Testament

³ Kamok yin tsang i kus yin, kutser yin se nune̱re̱ng nufe aKiristi kaye̱e̱r Adakunom.

aKolosi 3:3 Referans Kwoze

aGalati 2:20

A min tigak mak be aKiristi, sang mi ba sor kusor rice mi baꞌ, amma aKiristi ne a sor kaye̱e̱r'i. Kusor mi ta sor kaye̱e̱r kuro̱m, mi sor kamok mi min no̱o̱k katsak ni Igon Adakunom, afe a tin shim ma a no̱o̱k rice wu kamok'i.

aRom 6:2

Wayo, cie̱k! Aye̱ yir n kus ni itak rine̱n. I ta bun i nye yir ane̱ i ta sor yir kaye̱e̱r rine̱n e̱?

aKolosi 2:20

Kum i tá kus yin mak be aKiristi ma yin kam yin be kukuus amaan nabik kazatse na, akye̱ sak yin bun i ru sor yin kyo̱ndi yin ru bun i kuus yin kazatse'me e̱?

aYohana 5:24

“Katsak'e, mi ta ka tak yin, koangan ne a ta fok rife̱ mi, ne a ni no̱o̱k katsak ni wu aya a tin tom, a be kutser kufe izen izen. A tu ku to̱ amok baꞌ, kamok an wher riku a ta se̱ kutser.

aRom 8:2

Kamok kukyem Kabik ku ta nyesek kutser kaye̱e̱r aYeso Kiristi sak mi sor ne̱k, kaye̱e̱r kukyem rine̱n ne riku.

aRom 5:10

To̱, i ta se ye yir tsang i nye yir ámudo̱n Adakunom, amma a ti nye yir igaas be riku igon wu, shita kyo̱o̱rna baꞌ a ta min sak yir i ta te yir áferime̱ wu, a tin shesh yir kamok igon wu ta be kutser.

2 aKoranti 5:14

Koakye ne yir nye yir, sang kamok rice yir baꞌ, amma kamok ku shim aKiristi yir ne ku sak yir ta nye yir ike̱re̱'ong, yir ti no̱o̱k yir katsak ye aner azining ku kamok ánerawe cice̱r, kamok anong ne ánerawe cice̱r kus.

aYohana 5:21

Kyo̱ndi Ada'me ta dorok áya a tan kus ne a ka no̱o̱k ba kutser, anong ne Igon'e nyesek aya riye̱ wu ta shim kutser.

aYohana 3:16

“Kamok kushim afe Adakunom ta shim kazatse dide̱ng, ma a no̱o̱k asuze̱r Igon wu, kamok koangan afe a tin no̱o̱k katsak ni wu, tà wei baꞌ, amma a ta se̱ kutser kufe izen izen.

aYohana 14:19

A tú ku won izen cie̱k, kazatse tà bin di baꞌ, amma yin tin di yin. Kamok mi be kutser, yin gip yin tà sor yin be kutser.

1 aBitrus 3:4

Won izem yin tu ne kaye̱e̱r aye̱ yin ingya, izem i tana gang baꞌ kyo̱ndi kumees rice ne kuse tatan, iyong ne i nye iyiik'e dide̱ng nasho̱o̱n Adakunom.

aMatiyu 11:25

Nizen iyong aYeso fe̱ ye, “Mi be riye̱ rikan Ada, Agwo̱m Ágwo̱m atek kaza be kaben, kamok wan ta ne̱r áya a ta be ritseng ne áya a ta ren ike̱ng, ike̱re̱ na ne i tonong áya a ta be kumees rice.

aKolosi 3:4

Nizen iya aKiristi, aya a ta nye kutser yin, tana wuruk de̱s, yin gip, yin ta wuruk yin de̱s mak be wu kaye̱e̱r kuyiik wu.

Ibrani 7:25

Kamok anong, a ta kyem a shesh koangan a ta gor nufu a ta tseng nufe Adakunom, a ta sor ma izen izen ne a yiir nye aduwa kamok ba.

aKolosi 2:3

Kaye̱e̱r wu ne a ne̱r ayiik kukyem ne kuren ike̱ng cice̱r.

aYohana 5:40

Gip be anong, yin gaar yin kube̱ nunaan nong tà se̱ yin kutser.

aYohana 4:14

amma koangan ne a so̱ ashi mi tana ku no̱o̱k a tà ba fok kuto̱ kukoor baꞌ. Ashi mi tana ku no̱o̱k ta sor itop ashi kuro̱m wu, ife i tana ku no̱o̱k kutser kufe izen izen.”

Ike̱ng a ta tonong aYohana 2:17

Aner aya a ta be ato kufok a ra fok ike̱ng iya Kabik ta fe̱ be ikilisiya. Aner aya a ta canang kazatse, mi tù ku no̱o̱k naya a ta ne̱r a ta yis ye, amanna. Mi tù ku no̱o̱k kuta kukan a ta min zibir riyerek rifas natoon'e. Akak kuse a ta ren riyerek'e baꞌ, ma ke aner aya afe a ta shan kuta'me.

1 aYohana 3:2

Aro̱, kyo̱o̱rna yir nye yir inoon Adakunom. Yir ren yir ike̱ng yir tana te yir nasho̱o̱n baꞌ. Amma yir ren yir ye izen iya aYeso tana bun a be̱, yir tà te yir kyo̱ndi wu ne i di yir kuse wu.

aFilipi 4:7

Be anong ne kameneng riye̱ kuri kuya Adakunom ta nyesek kuya ku ta nar koakye kuri kuren ánerawe, tà sak aye̱ yin be kuto̱ro̱ng yin ta nyeseng kpa natoon aYeso Kiristi.

1 aKoranti 15:45

Kufumung rife̱ Adakunom fe̱ ye, “Adakunom nye Adamu afe ime̱se̱ng'e be kutser.” Adamu afe igang'e nye kabik kafe ka ta nyesek kutser.

1 aKoranti 2:14

Aner aya a be Kabik Adakunom baꞌ, a ta shim ike̱re̱ i ta nye ife Kabik baꞌ kamok ike̱re̱ Kabik'e sor rifunam nufu. A ta kyem a ren ike̱ng Kabik'e tin fe̱ baꞌ, kamok aner aya a ta be kabik tsek ne a ta kyem a ren.

aRom 5:21

nong ase̱, kyo̱ndi rine̱n ta nye rigwo̱m wu be riku, anong ne ritek Adakunom ta nye rigwo̱m wu kyo̱o̱rna be kuse gye̱r nasho̱o̱n Adakunom. Anong ne ri ta tseng be yir kaye̱e̱r kutser kufe izen izen kamok aYeso Kiristi Agwo̱m Ágwo̱m yir.

aKolosi 1:5

Yin nye yin anong kamok yin min te yin riye̱ natoon ike̱re̱ itek iya a ta ma ka sak yin'e kaye̱e̱r kaza. Iyuna ne i nye itak katsak iya a tá ka tak yin kum ni ime̱se̱ng'e, Rife̱ Ritek, a tá ka tak yin ame.

2 aKoranti 5:7

Kusor yir ta sor yir nye kusor kuno̱o̱k katsak sang kamok ike̱re̱ yir ta ye̱re̱k yir baꞌ.

aRom 6:11

Anong ne yin gip, sok yin rice yin ye rine̱n n ku kaye̱e̱r yin, amma ne i sor yin kamok kuyiik Adakunom kaye̱e̱r aYeso aKiristi.

Afisa 3:9

Kamok Adakunom nye itomong be mi nong ase̱ a ta tonong kanye̱k itomong wu kanang kaye̱e̱r yin cice̱r. Kanye̱k Adakunom aya a ta nye ike̱re̱ cice̱r, a ta ne̱r áfe izam agbugbang'e.

1 aBitrus 4:2

Kamok anong, yin ba bun a sor yin kusor kuri kufe kazatse na be kukuus amaan kushim riye̱ yin baꞌ, amma yin nye yin ike̱ng iya Adakunom ta shim.