aKolosi 3:22 - Izere New Testament

²² Yin ásam, fok yin atek kasa yin kuto kaye̱e̱r koakye kuri ike̱ng. Sang tu nye yin kamok ba ta min sak anyisi natoon yin baꞌ, ye nong ase̱ a ta ka kerek yin tsek baꞌ. Amma nye yin be riye̱ rizining kyo̱ndi áner a ta fok inyim Agwo̱m Ágwo̱m.

aKolosi 3:22 Referans Kwoze

aGalati 1:10

To̱, yong yin di yin ye, mi shim ánerawe tin kerek ka Adakunom e̱? Ka yin di yin ye, mi shim ta kare̱p ánerawe riye̱ a? Ke i fa nye ye mi ru shim ta kare̱p ánerawe riye̱, ke mi ba nye asam aKiristi baꞌ.

1 aTasalonika 2:4

Yir ban i fe̱ yir kyo̱ndi áner aya Adakunom tá kasa ingya nong a tin no̱o̱k yir itomong kunye awazi Rife̱ Ritek wu. Sang yir fe̱ yir nong tà kare̱p yir ánerawe riye̱ baꞌ amma Adakunom aya a tá ren kuto̱ro̱ng yir.

aKolosi 3:20

Yin inoon, fok yin áda be ángo̱ yin kuto kaye̱e̱r koakye kuri ike̱ng, kamok ike̱ng Agwo̱m Ágwo̱m ta shim'ong.

aLuka 6:46

“Akye̱ sak yin ti yis yin ye, ‘Agwo̱m, Agwo̱m,’ ka i ra nye yin ike̱ng iya mi tá fe̱ baꞌ e̱?

aFilimon 1:16

Sang kyo̱ndi asam baba baꞌ, amma áner aya a ta nar ásam, kyo̱ndi aronyining wan aya wan tá shim dide̱ng. Mi ren wan ku shim dide̱ng ne i ni nar kyo̱ndi anerawe be aronyining kaye̱e̱r Agwo̱m Ágwo̱m yir.

2 aKoranti 7:1

Ároneng afe riye̱ mi, kum yir tan se̱ yir rife̱ Adakunom anong. Kamok anong, won i tu kam yir be ike̱ng i tana sak kuro̱m yir ne kabik yir tana won dar se zhe̱l, won i tu sor yir zhe̱l dar rizik kamok inyim Adakunom.

Itomong Ámanzo 2:46

Á ya kasho̱o̱n be kunyiis koakye katuk kaye̱e̱r Agbang Kutu Kuya Adakunom iben. Á ya naya mak ninasa ba kaye̱e̱r riye̱ rikan be riye̱ rizining.

aLuka 7:8

Kamok mi gip, akak ti nye rigwo̱m ni mi ne mi min i nye rigwo̱m na ákak. Ke mi fe̱ be ayu ye, a ra tseng, ne a tseng, ne i fe̱ be akak ye, a ra be̱, ne a be̱. Ke mi fe̱ be asam mi ye, a ra nye iyu, ne a nye.”

aMatiyu 8:9

Kamok mi se nubo̱k akak gip, ne ásozha akak se nubo̱k'i gip. Ke mi fe̱ be akak ye, ‘Tseng,’ ne á tseng ne mi fe̱ be akak ye, ‘Be̱,’ ne a be̱. Mi fe̱ be asam mi ye, ‘Nye iyu,’ ne a nye.”

aMatiyu 6:22

“Anyisi se kyo̱ndi apitila kuro̱m. Ke anyisi wan nye atser, kuro̱m wan cice̱r ta se na akanang.