aKolosi 3:11 - Izere New Testament

¹¹ Kamok anong sang tu ye̱re̱k yin ye áner aYahuda se ze̱e̱r be áner aya sang á ta won dar á nye áner aYahuda baꞌ. Áya a tá mu ku nye ba izhak ka áya a tá won dar a ka nye ba izhak baꞌ. Aner aya a ta nye kye̱re̱ se ze̱e̱r be aner aya a ta won dar a karak rice baꞌ. Asam se ze̱e̱r be igon kari baꞌ, kamok aKiristi ne a nye koakye ne a se kaye̱e̱r koakye.

aKolosi 3:11 Referans Kwoze

1 aKoranti 12:13

Di, Kabik Kazhe̱l'e a ti nye yir abatisma kaye̱e̱r kuro̱m kuzining cice̱r yir, aner aYahuda ka aya sang a ta nye aner aYahuda baꞌ, ka asam ka aner a ta nye asam baꞌ, a min no̱o̱k yir Kabik kazining cice̱r yir nong ta so̱ yir.

aRom 10:12

Kamok áner aYahuda be áya sang a ta á nye áner aYahuda baꞌ se ze̱e̱r baꞌ. Agwo̱m Ágwo̱m'me se azining, a ti nye rigwo̱m natoon koangan, ne a no̱o̱k koangan afe a ta yis kaye̱e̱r riyerek wu kurum wu washak,

Afisa 3:6

Kanye̱k'e se ye kamok kutaas Rife̱ Ritek Adakunom, nong áner aya a ta nye áner aYahuda baꞌ ta se̱ kuya kutse mak be áner Isarela. Ba te kyo̱ndi aner azining ne á se̱ kukap mak be áner Isarela, kaye̱e̱r ike̱ng iya Adakunom tá tsang a fe̱ ye wu ta no̱o̱k kamok aYeso Kiristi.

Afisa 1:23

Áfikuus'e nye kuro̱m aKiristi. Kaye̱e̱r áfikuus'e ne aKiristi shining, kyo̱ndi wu be rice wu ta shining koakye kuri ike̱ng kaye̱e̱r koakye kuri iren.

aRom 3:29

Ka Adakunom nye Adakunom áner aYahuda tsek a? Aser, a nye Adakunom áfe áya sang á ta nye áner aYahuda baꞌ gip aꞌa? Ei, a nye áfe aya sang a ta nye áner aYahuda baꞌ gip,

aGalati 5:6

Kamok ke yir se yir kaye̱e̱r aYeso Kiristi, ku nye yir izhak ka ku won dar ku nye'me, sor ike̱ng ikak baꞌ, ike̱ng i ta nar nye kuno̱o̱k katsak a ta kyem a di kaye̱e̱r kushim.

aYohana 17:23

Mi sor kaye̱e̱r ba ne wan kaye̱e̱r'i. Won ba tù gung rice dide̱ng, nong ase̱ kazatse tà ren ye wan ti tom, ne ka ren ye mi tú shim ba kyo̱ndi wan tin shim.

aGalati 2:20

A min tigak mak be aKiristi, sang mi ba sor kusor rice mi baꞌ, amma aKiristi ne a sor kaye̱e̱r'i. Kusor mi ta sor kaye̱e̱r kuro̱m, mi sor kamok mi min no̱o̱k katsak ni Igon Adakunom, afe a tin shim ma a no̱o̱k rice wu kamok'i.

1 aKoranti 7:19

Izhak nye ike̱ng ikak baꞌ, ku won dar kunye izhak nye ike̱ng ikak baꞌ, kukuus Itsi Adakunom nar.

Itomong Ámanzo 15:17

Be anong ne ribir ánerawe tin tse̱r mi Agwo̱m Ágwo̱m, aner aya sang á ta nye áner aYahuda baꞌ, cice̱r ne aya a ta ka yis ba be riyerek'i tà te anaan. Anong ne Agwo̱m Ágwo̱m fe̱, wu afe a tá nye ike̱re̱ na,’

aKolosi 2:10

be anong ne yin shining yin kamok yin ta sor yin kaye̱e̱r wu. Wu ne a nye ako̱k kasho̱o̱n koakye kuri kukyem ne koakye kuri rigwo̱m.

aRom 1:14

Itomong kuse rice mi natoon áya a tan karak anyisi be áya a ta rusek nawhi ne áya a ta ren ike̱ng be áya a ta ren ike̱ng ikak baꞌ.

aYohana 15:5

“Mi ne i nye ritin kakon anap'e, yin nye yin íwhang'e. Aner aya a sor kaye̱e̱r'i ne mi ma se kaye̱e̱r wu, wu ne a tà tes dide̱ng. Kamok sang ke be mi baꞌ, yin tà kyem i nye yin ike̱ng ikak baꞌ.

Itomong Ámanzo 28:4

Áner kuwo̱p'e tá fa di iwhen'e tá re̱ nubo̱k aBulus, yong á fe̱ ye, “Katsak'e, aner na nye aner a ta fe̱s ánerawe. A wher ashi gye̱rtatan, gip be anong rine̱n rusek rice wu.”

Itomong Ámanzo 28:2

Áner kuwo̱p'e ti tonong yir ritek makiyi. Ayong á ti shan yir ibo̱k ifa cice̱r yir ne á ni kas yir kuro̱ng kamok iza sen kpa ne karo̱ shirim.

aYohana 14:23

aYeso fe̱ be wu ye, “Koangan afe a tin shim a tà kuus ike̱ng iya mi tá bo̱so̱p. Ada mi tù ku shim, ne yir be yir nufu ne i sor yir mak be wu.

2 aYohana 1:9

Katsak'e, mi ta ka tak yin, koangan afe sang a ta kuus kubo̱so̱p aKiristi ta shim baꞌ, a yiir nye ike̱re̱ wu ta shim tsek, an te azining be Adakunom baꞌ. Aner aya a ta yiir kuus kubo̱so̱p aYeso Kiristi an te azining be Ada ne aYeso Igon Adakunom'me.

1 aYohana 5:20

Yir ren yir gip ye Igon Adakunom m be̱ nong a tin no̱o̱k yir kuren ike̱ng nong ta ren yir aya a ta nye katsak. Yir se yir kaye̱e̱r Adakunom a ta nye katsak, kamok yir se yir kaye̱e̱r Igon wu aYeso Kiristi. Wu ne a nye Adakunom afe katsak ne a nye kutser kufe izen izen.

Afisa 6:8

Kamok yin ren yin ye Agwo̱m Ágwo̱m tà no̱o̱k koangan ishorong wu kamok koakye kuri ike̱ng itek aner'e tá nye ko a tu nye asam ka aya a ta sor washak.

Afisa 3:17

nong ase̱ aKiristi ta sor kaye̱e̱r aye̱ yin kamok kuno̱o̱k katsak yin. Mi nye aduwa ye, kushim ta nyeseng be agap kaye̱e̱r aye̱ yin. Won kushim tu nye ritin'e,

1 aKoranti 14:11

Ke mi kyem iren ike̱ng iya akak ta sen fe̱'me ni írem iduk baꞌ, i nye ye mi te aner atsen nufu, ne wu ma te atsen nunaan gip.

aRom 3:22

Adakunom sak koangan aya a tin no̱o̱k katsak na aYeso Kiristi ta te gye̱r nasho̱o̱n wu. Sang a ti kasa baꞌ.

Afisa 2:14

Kamok aKiristi be rice wu ne a ti be̱e̱n yir kusor caang, wu ne a sak áner aya a ta nye áner aYahuda be áya sang á ta nye áner aYahuda baꞌ, ta te azining. Kubar ku tá se natite ba, a yirik, ku tá nye ku won dar ku naka shim.

Afisa 2:15

A wobok Itsi áner aYahuda'ong be itsi wu ne igo̱o̱n wu be riku. A nye anong be kutes iri ifa'ong nong a tá se̱ kutes kuzining kufas. A nye anong, nong a ta be̱e̱n kusor caang natite ba.