aKolosi 3:1 - Izere New Testament

¹ Kum a tá ma ka dorok yin mak be aKiristi, to̱, ni te yin riye̱ natoon ike̱re̱ iya i ta se kaye̱e̱r kaza, naro̱ aKiristi ta mu ku sonong nabas kubo̱k riya Adakunom.

aKolosi 3:1 Referans Kwoze

aRom 8:6

Ke rine̱n ne ri te nye rigwo̱m natoon wan, wan ta ku, amma ke Kabik ne ka te nye rigwo̱m natoon wan, wan ta se̱ kutser ne kameneng riye̱.

aMatiyu 6:33

Kamok anong, tse̱r yin rigwo̱m Adakunom ne i nye ike̱ng iya wu ta shim, a tà ka no̱o̱k yin ike̱re̱'me cice̱r.

2 aKoranti 4:18

Kamok sang ike̱re̱ áfe anyisi ta di ne yir ye̱re̱k yir baꞌ, amma ike̱re̱ iya sang a ta di be anyisi baꞌ. Ike̱re̱ iya a ta di be anyisi sor nizen cie̱k tsek, amma ike̱re̱ iya a ta di be anyisi baꞌ, sor ma izen izen.

aKolosi 3:2

Ni te yin riye̱ natoon ike̱re̱ iya i ta se kaye̱e̱r kaza sang ife kazatse baꞌ.

aMatiyu 6:20

Amma tusung yin kurum yin kaye̱e̱r kaza, naro̱ iwhe̱e̱s be itse̱ tana ya baꞌ, naro̱ ákpatang tana fo nong á ta kok baꞌ.

Ibrani 12:2

Won tin sak yir anyisi na aYeso wu ne a ta nye ritin kuno̱o̱k katsak yir ne a nye aner aya a tana sak kuno̱o̱k katsak yir tanan mumak. A tsesek kaye̱e̱r risam riku wu kamok ike̱ng riye̱ rikan i ta se nasho̱o̱n. A fok isum riku wu natoon kukon baꞌ. Kyo̱o̱rna a se nusonong nubo̱k riya itsik rigwo̱m Adakunom.

aLuka 12:33

Re̱e̱s yin ike̱re̱ yin nong ta no̱o̱k yin áfe rizor itso̱m'e, be kunye anong ne yin ta sak yin kurum naro̱ afe sang ku tana beseng baꞌ, kaye̱e̱r kaza, naro̱ kaya ákpatang tanin be̱ bubarak ka itse̱ tana ya baꞌ.

Ibrani 1:3

Igon'e ne ka nye akanang kuyiik Adakunom, a tas Adakunom kyo̱o̱n. A yiir koakye ike̱ng be kukyem rife̱ wu. Nama a tá sak yir ta te yir zhe̱l kaye̱e̱r rine̱n yir, yong a sonong nubo̱k riya Aya a ta nye a yiik'e kaye̱e̱r kaza.

aLuka 22:69

Kyo̱o̱rna, Igon Anerawe tà sonong nubo̱k riya Adakunom afe kukyem.”

aKolosi 2:20

Kum i tá kus yin mak be aKiristi ma yin kam yin be kukuus amaan nabik kazatse na, akye̱ sak yin bun i ru sor yin kyo̱ndi yin ru bun i kuus yin kazatse'me e̱?

Ibrani 8:1

Rice rife̱ yir tin fe̱ yir se ye, yir be yir agbang atsi akak kyo̱ndi ayong afe a tá sonong nubo̱k riya itsik rigwo̱m Adakunom ayiik'e kaye̱e̱r kaza.

aRom 8:34

Angan ne a ta kyem a ta te̱n anerawe amok e̱? aYeso Kiristi, aya a tá ku, sang a ku tsek baꞌ, a tú ku dorok nure̱k be kutser, aya a ta se nubo̱k riya Adakunom ne a nye izong kamok yir.

Ibrani 10:12

Amma aKiristi tá nye asidaka wu kutak kuzining kamok rine̱n ánerawe, a sonong nubo̱k riya Adakunom.

aMatiyu 26:64

aYeso fe̱ be wu ye, “Ei, i se kyo̱ndi wan tá fe̱'ong. Amma mi fe̱ be yin ye, nasho̱o̱n yin tà di yin Igon Anerawe nusonong nubo̱k riya Atek kukyem, ne i ku di yin a ta saase kaye̱e̱r ane̱n.”

Afisa 4:10

Wu aya a tá tiik'e ne a nye aya a tá bun a ngarak ring ring natoon kaza, nong a ta shining koakye naza be kaben be kukyem wu.

aMarkus 14:62

aYeso fe̱ be wu ye, “Ei, yin tà di yin Igon Anerawe nusonong nukim kubo̱k riya Aner Kukyem. A ta saase kaye̱e̱r ane̱n natoon kaza.”

Ibrani 1:13

Ámaleka anyaka ne Adakunom kun fe̱ be wu ye, “Sonong nubo̱k riya mi, ma mi sak ámudo̱n wan te ike̱ng kusak atak wan e̱?”

Itomong Ámanzo 2:34

Sang aDauda be rice wu ngarak kaye̱e̱r kaza kyo̱ndi aYeso baꞌ, gip be anong a fe̱ ye, “ ‘Agwo̱m Ágwo̱m fe̱ be Agwo̱m Ágwo̱m'i ye, “Sonong nubo̱k riya mi

aLuka 20:42

aDauda be rice wu gip a fe̱ kaye̱e̱r Kufumung aZabura ye, “ ‘Agwo̱m Ágwo̱m fe̱ be Agwo̱m Ágwo̱m mi ye, “Sonong nubo̱k riya mi,

aMarkus 16:19

Nama aYeso tá fe̱ anong be ba, a tú sok a tá tseng'e kaye̱e̱r kaza nong a ta se sonong nubo̱k riya Adakunom.

aMarkus 12:36

Kabik Kazhe̱l'e ne ka sak aDauda ta fe̱ ye, “ ‘Agwo̱m Ágwo̱m fe̱ be Agwo̱m Ágwo̱m mi ye, “Sonong nubo̱k riya mi, ma mi sak ámudo̱n wan ta kpa kaben.” ’

1 aBitrus 3:22

aKiristi tseng kaye̱e̱r kaza, a se nubo̱k riya Adakunom, ámaleka cice̱r ne ribir áya a tin nye rigwo̱m natoon kaza se nubo̱k wu.

Itomong Ámanzo 7:55

Amma Itifanus a tan shining be Kabik Kazhe̱l'e sok anyisi wu naza a tá ye̱re̱k kaza. Ne a di kuyiik Adakunom, ne a di aYeso tan nyeseng nubo̱k riya Adakunom.

aMatiyu 22:44

“ ‘Agwo̱m Ágwo̱m fe̱ be Agwo̱m Ágwo̱m mi ye, “Sonong nabas kubo̱k riya mi, ma izen iya mi sak ámudo̱n wan kpa natak wan.” ’

Afisa 5:22

Yin ányining iwe̱ne̱ng kuus yin ike̱ng atek yin ta fe̱ be yin kyo̱ndi yin ta kuus yin Agwo̱m Ágwo̱m.