aKolosi 2:9 - Izere New Testament

⁹ Kamok kaye̱e̱r aKiristi ne kuse Adakunom sor kaye̱e̱r kuro̱m,

aKolosi 2:9 Referans Kwoze

aKolosi 1:19

Adakunom be riye̱ rikan kamok kuse wu cice̱r ta se kaye̱e̱r Igon wu.

aYohana 1:14

Rife̱'me te anerawe ne a sor kaye̱e̱r yir. Yir n di yir kuyiik wu, kuyiik kuya ku ta nye kufe asuze̱r Igon ku ta ne nufe Ada wu tsek, a ta shining be ritek ne katsak.

aYohana 10:30

Mi be Ada'me i se yir ázining.”

1 aTimoti 3:16

Akak ta kyem a fe̱ kuri kuyiik ku ta se nune̱re̱ng kaye̱e̱r iren ikuus yir na baꞌ. A tonong rice wu kaye̱e̱r kuro̱m, Kabik ti tonong yir ye a nye afe katsak. Ámaleka tú ku di, á fe̱ itak wu nasho̱o̱n ánerawe ze̱r ze̱r, á ti no̱o̱k katsak ni wu kaye̱e̱r kazatse cice̱r, a tu ku sok a ta tseng'e kaye̱e̱r kaza be kuyiik.

aYohana 10:38

Amma ke iyong ne mi nye, ko ke yin tin no̱o̱k katsak ni mi baꞌ, ni no̱o̱k yin katsak ni itomong'e. Nong ase̱ ta ren yin ye Ada'me se kaye̱e̱r'i ne mi se kaye̱e̱r Ada'me.”

1 aYohana 5:20

Yir ren yir gip ye Igon Adakunom m be̱ nong a tin no̱o̱k yir kuren ike̱ng nong ta ren yir aya a ta nye katsak. Yir se yir kaye̱e̱r Adakunom a ta nye katsak, kamok yir se yir kaye̱e̱r Igon wu aYeso Kiristi. Wu ne a nye Adakunom afe katsak ne a nye kutser kufe izen izen.

aYohana 14:20

Katuk'ong ne yin tà ren yin ye mi be Ada mi yir se yir azining, ne mi ma te azining be yin.

aYohana 17:21

Ada, aduwa mi se ye, ba ra te azining cice̱r, kyo̱ndi wan ta se azining be mi ne mi ma se azining be wan. Won ba gip á tu te azining be yir. Be anong ne kazatse tin no̱o̱k katsak ye wan ne i ti tom.

aTitus 2:13

Yir sor yir anong nong tin tor yir agbang kunom kuya yir ta min te yir aye̱, nizen Adakunom yir ayiik'e ne Aner Kashesh yir aYeso Kiristi tana tonong kuyiik wu.

aLuka 3:22

ne Kabik Kazhe̱l'e kyo̱ndi abo̱p ni tiik ni wu. Ne kuto̱ ne naza ye, “Wan ne i nye Igon'i kaya mi ta shim. Mi fok kusas wan dide̱ng.”

aMatiyu 1:23

“Di yin, kanamang tà be kafa, a tà tes igon, a tù ku yis ye Imanuwel. (Imanuwel sor, Adakunom se mak be yir.)”

2 aKoranti 5:19

Rife̱ yir se ye, Adakunom shishing ánerawe kazatse nong á ta te áferime̱ wu kamok aKiristi. Adakunom fa rine̱n ba natoon rice ba baꞌ. A ti no̱o̱k yir rife̱ ánerawe tana te áferime̱ wu.

1 aYohana 5:7

Kamok anong, íren itaar kuse yir tana ren yir katsak natoon aYeso.

aYohana 2:21

Agbang kutu kuya Adakunom iben aYeso tin fe̱'me nye kuro̱m wu.

aYohana 1:16

Kaye̱e̱r ritek wu ri ta se dide̱ng ne yir cice̱r se̱ yir ritek natoon ritek.

Itomong Ámanzo 17:29

“Kamok anong, kum yir ta nye yir inoon Adakunom, sang yir tu di yir ye wu se kyo̱ndi ike̱ng iya anerawe be izinariya ka azurfa ka ata, be ritseng wu baꞌ.

aLuka 14:22

“Ayong asam'me fe̱ ye, ‘Atekasa, mi n nye ike̱ng wan tá fe̱ ye i ra nye, gip be anong karo̱ ru kuse.’