aKolosi 2:8 - Izere New Testament

⁸ Sak yin riye̱ fan akak ba ka wo̱ro̱k yin be kuri kuto̱ro̱ng kuri kufe kazatse na nong ta won yin iren katsak. Kuto̱ro̱ng kuri kuyong nye kukpe̱de̱ng'e. Ku nye igo̱o̱n ánerawe ne iren kunye ike̱re̱ kuri kufe kazatse na sang kuri kufe aKiristi baꞌ.

aKolosi 2:8 Referans Kwoze

1 aTimoti 6:20

aTimoti, ni sak riye̱ be ike̱ng iya a ta ka no̱o̱k amana'me. Kam be akpe̱de̱ng itak ne rife̱ kuzhe̱e̱sh Adakunom ra wan abo̱o̱s a ta yis ye kuren ike̱ng,

Afisa 5:6

Sang tu won yin akak ta ka wo̱ro̱k yin be nadirik kamok be kuri rine̱n kuri riyong ne riye̱ kubeseng Adakunom tin tiik natoon áfe kushonong.

aMatiyu 7:15

“Nye yin tatan be áner kuzarap áfe abo̱o̱s. Á be̱s nufe yin be kuse itsamang, amma katsak'e, á se kyo̱ndi ámaan ágabu katse.

aGalati 4:9

Amma kyo̱o̱rna yin ta ren yin Adakunom be katsak, ka a ta fe̱ ye Adakunom ta ren yin, akye̱ sak yin bun i sen kuburung yin na kpe̱de̱ng igo̱o̱n i ta won dar i be agap anong e̱? Yin bun i shim yin, ta te yin ásam ba gbak a?

aKolosi 2:20

Kum i tá kus yin mak be aKiristi ma yin kam yin be kukuus amaan nabik kazatse na, akye̱ sak yin bun i ru sor yin kyo̱ndi yin ru bun i kuus yin kazatse'me e̱?

2 aTimoti 3:13

Amma ámaan aner ne áner á ta sok rice ba á ta gor karo̱ ba tu kuse tin barang kute amaan'e dide̱ng ma a tà wo̱ro̱k ánerawe whe̱r ne á ma ka wo̱ro̱k ba.

2 aBitrus 3:17

Amma yin ároneng áfe riye̱ mi, kum yin tá ren yin ike̱re̱ na, to̱, sak yin riye̱ be kuri áner á ta gaar kukuus Adakunom, fan kubo̱so̱p ba kufe abo̱o̱s ba ka ko̱ro̱k yin nong ta won yin iren yin itek iya yin ta min nyeseng yin be agap.

Ibrani 13:9

Sang tu won yin kubo̱so̱p kuduk ta ko̱ro̱k aye̱ yin baꞌ. I se gye̱r aye̱ yir ta se̱ agap kaye̱e̱r ritek Adakunom sang be kukuus itsi kuya naya baꞌ. Kukuus itsi kuya naya ti barang áner aya a ta kuus itsi iyong ike̱ng ikak baꞌ.

2 aYohana 1:8

Kamok anong sak yin riye̱, fan yin bin wei yin nishorong itomong yin, amma nong ta se̱ yin ishorong yin mumak nufe Adakunom.

aGalati 4:3

Anong ne i se gip, nizen iya i ta ru nye yir inoon, i se yir kaye̱e̱r risam ku kuus igo̱o̱n kazatse na

2 aKoranti 10:5

Yir yirik yir nanan be koakye kuri ike̱ng ife kuka ta be nong a tin te̱ne̱ng kuren Adakunom ne i nye yir koakye kuri ike̱ng iya i tana sak kuto̱ro̱ng ánerawe ta sor áfe ku kuus rife̱ aKiristi.

aKolosi 2:18

Aner akak shim ku tonong kuri kumees rice ba ta be ne á tonong ye ba ya ámaleka iben ne á shim ku ka zhe̱e̱sh yin ye kamok yin ta nye yin anong baꞌ, tin daam yin natoon ba baꞌ. Áner kuri ayong fe̱ ye ba ye̱re̱k ike̱ng ikak kyo̱ndi nabos, amma amaan kuto̱ro̱ng ba tu ku sak ba ta ya kuka kpe̱de̱ng tsek.

1 aBitrus 1:18

Kamok yin ren yin ye a tá ka shesh yin kaye̱e̱r akpe̱de̱ng igo̱o̱n iya átukop yin tá ka won yin'e. A tá ka shesh yin be ike̱re̱ iya i tana beseng kyo̱ndi azurfa be izinariya baꞌ.

aRom 16:17

Kusuk yin ároneng, sak yin riye̱ be áfe a ta shim á ta shik kugung rice yin ne á ka sak yin ta kpas yin nike̱ng iya á tá ma ka bo̱so̱p yin'e. Kam yin be ba.

Afisa 4:20

Iyong ne i nye ike̱ng yin tá bo̱so̱p yin natoon aKiristi baꞌ.

aGalati 1:14

Mi nye kasho̱o̱n kaye̱e̱r áfe ku kuus itsi áner aYahuda ne i nar áner aYahuda'me ákak whe̱r aya a tá nye áfe izam'i, ne i be ifeng kukuus igo̱o̱n asho̱n yir.

aFilipi 3:2

Nye yin tatan be ágabu'ong, áfe á ta nye ámaan ike̱re̱. Á tsang á tse̱k iro̱m ba kpe̱de̱ng ye, ba sen naka nye izhak.

aMatiyu 16:6

Ayong aYeso fe̱ be ba ye, “Nye yin tatan be ayisti áner aFarisi ne áfe aSadusi.”

aMatiyu 10:17

“Sak yin riye̱ be ánerawe, kamok á ta tseng be yin naro̱ amok ne á ka whereng yin kaye̱e̱r atu aduwa ba.

aKolosi 2:22

Itsi kuri iyuna fe̱ natoon ike̱re̱ iya i tana gang cei, kamok i nye itsi be kubo̱so̱p ánerawe.

Afisa 2:2

riya yin tin se yin nizen iya yin tá kuus yin kuri kutseng kazatse na ne i kuus yin agwo̱m, aya a tin nye rigwo̱m natoon nabik naya na tase natoon kaza. Wu ne a nye kabik kaya ka ta whap aye̱ ánerawe áya a ta gaar ku kuus Adakunom.

Itomong Ámanzo 17:18

Anong ne áner Abikuriya ákak ne áfe aSitoyik'e akak aya a tá ren ike̱ng dide̱ng nyim nong á tá ya nanan be wu. Ákak ba fe̱ ye, “Akye̱ ne agwo̱m riwo̱ng na shim a tá fe̱ e̱?” Ákak bun á fe̱ ye, “A shim ke ánerawe kuus itsi iduk gak ayi.” Á fe̱ anong kamok ba tá fok aBulus ta fe̱ rife̱ natoon aYeso ne itak kudorok ikom nure̱k.

Itomong Ámanzo 17:32

Nizen iya ba tá fok aBulus tá fe̱ itak kudorok ikom nure̱k, yong á tú ku mas. Ákak fe̱ ye, “Yir shim tin barang yir kufok itak na gbak.”

1 aKoranti 8:9

Nye yin tatan, fan kusor ne̱k yin bu sak áya a tan kpa agap kaye̱e̱r kabik baꞌ, ta kpas.

1 aKoranti 10:12

Kamok anong, ke wan di ye wan n nyeseng be agap, to̱, nye tatan fan i bu kpa.

aGalati 5:15

Amma ke yin yiir ko̱ro̱ng yin ne i naka ros yin kyo̱ndi agabu, sak yin riye̱ ke anong baꞌ, cice̱r yin ta wei yin.

aKolosi 2:23

Nasho̱o̱n ánerawe igo̱o̱n kuri iyong se kyo̱ndi i be kukyem, i be̱n be ife̱ng dide̱ng ne kumees rice nikuus Adakunom ne kunye be kuro̱m kpe̱de̱ng, amma katsak'e igo̱o̱n na be kukyem ku tana tobok anerawe nong a ta won kukuus kushim riye̱ wu baꞌ.

Ibrani 3:12

Ároneng, sak yin riye̱ fan akak yin bu nye amaan kuto̱ro̱ng ne a won dar a ni no̱o̱k katsak, nong a ta won kukuus Adakunom afe kutser.