aKolosi 2:7 - Izere New Testament

⁷ Nyeseng yin be agap natoon wu, a ta nye ribor'e ne i ni barang yin kurasak kaye̱e̱r kuno̱o̱k katsak yin, kyo̱ndi a tá ka bo̱so̱p yin'e ne i tonong yin riye̱ rikan dide̱ng.

aKolosi 2:7 Referans Kwoze

Afisa 3:17

nong ase̱ aKiristi ta sor kaye̱e̱r aye̱ yin kamok kuno̱o̱k katsak yin. Mi nye aduwa ye, kushim ta nyeseng be agap kaye̱e̱r aye̱ yin. Won kushim tu nye ritin'e,

aKolosi 1:23

ke yin ya yin kasho̱o̱n be kuno̱o̱k katsak yin, ne i nyeseng yin kpa natoon'e. Sang tu won yin a ta ka zuur yin ma ta won yin ku ni te riye̱ riya yin ta min te yin nizen iya yin tá fok yin Rife̱ Ritek'e baꞌ. Rife̱ Ritek yin tá tsang i fok yin'ong ne a taas koakye kuri ánerawe á ta se nazatse ne mi aBulus ti te aner itomong'e.

2 aTasalonika 2:17

tà ka tsesek yin, ne a ka sak yin ta nyeseng yin kpa kaye̱e̱r koakye itomong ne kufe̱ kanu gye̱r.

1 aBitrus 5:10

Nama yin so̱ yin risam nizen cie̱k, Adakunom aya a ta be ritek cice̱r aya a tá ka yis yin nong ta se̱ yin kuyiik wu kufe izen izen kaye̱e̱r aKiristi be rice wu tà ka sak yin ta se yin gye̱r ne a ka tsesek yin ne a ka sak yin ta nyeseng yin be agap dide̱ng.

Afisa 5:20

Koakye izen, yiir tosong yin Ada Adakunom riye̱ rikan kamok koakye, kaye̱e̱r riyerek Agwo̱m Ágwo̱m yir aYeso Kiristi.

aRom 16:25

Won kuyiik tu sor kufe Adakunom, wu afe a tana kyem a tana ka sak yin ta nyeseng yin be agap kaye̱e̱r kuno̱o̱k katsak yin, natoon Rife̱ Ritek na mi ta taas natoon aYeso Kiristi, Rife̱ Ritek riya ri tin tonong yir ike̱re̱ iya sang a ta tsang a ren gbugbang baꞌ,

aZhud 1:24

To̱, nakerek nye nafu, wu aya a ta be kukyem ku ka tor mo yin fan i bu kpas yin, a ta tseng be yin nasho̱o̱n agbang kuyiik wu dar rine̱n be riye̱ rikan dide̱ng.

1 aKoranti 15:58

Kamok anong ároneng'i mi ta shim, nyeseng yin be agap, tu te yin tuk tuk baꞌ. No̱o̱k yin rice yin nong ta nye yin itomong Agwo̱m Ágwo̱m yir aYeso dide̱ng koakye izen, kamok yin ren yin ye itomong yin ta nye yin kamok Agwo̱m Ágwo̱m yir aYeso se bap baꞌ.

Ibrani 13:15

Kamok anong, won tu kerek yir Adakunom kaye̱e̱r aYeso be abom nanu yir. Iyong ta sor asidaka aya i tana no̱o̱k yir, tu ku kerek yir ne i tiyiik yir riyerek wu.

aKolosi 3:17

Koakye ike̱ng iya yin tana nye yin, ko kaye̱e̱r kufe̱ kanu ko kaye̱e̱r kunye ike̱ng, nye yin cice̱r kaye̱e̱r riyerek aYeso Agwo̱m Ágwo̱m, ne i tonong yin Adakunom riye̱ rikan kamok wu.

1 aTasalonika 5:18

Koakye kuri ike̱ng ne i ta se̱ yin, tonong yin riye̱ rikan be Adakunom kamok iyong ne i nye kushim wu be yin áya a ta se kaye̱e̱r aYeso Kiristi.

aLuka 6:48

A se kyo̱ndi aner aya a ta se be rino̱k. A rum karo̱ tsik nong a tin barak ribor'e natoon agudong. Ashi tá fa ta ne a carak kasa'me, a kyem a zuur baꞌ, kamok ribor'e ta se gye̱r.

Afisa 4:21

Katsak'e, yin a ta tak yin itak wu ne a ka bo̱so̱p yin rife̱ katsak natoon aYeso.

aZhud 1:20

Amma yin, ároneng áya mi ta shim, naka no̱k yin natoon kuno̱o̱k katsak yin kuzhe̱l'e ne i nye yin aduwa kaye̱e̱r Kabik Kazhe̱l'e.

2 aKoranti 1:21

Adakunom ne a sak yir be yin cice̱r ta nyeseng yir kpa kaye̱e̱r aKiristi. Wu ne a ti kasa yir,

aZhud 1:12

Áner ayong ta ka beseng yin na nyim yin nafe riye̱ rikan yin, á yas mak be yin dar isum dar inyim. A se kyo̱ndi áfe kufek áya a tin sak riye̱ natoon rice ba tsek. Á se kyo̱ndi ane̱n á ta nyim amma ke kuwun be̱ ne kushik. Ne á se kyo̱ndi nakon naya na ta tes baꞌ, ka kyo̱ndi nakon naya a tá turung ne na kus cei.

1 aKoranti 1:8

Wu tà ka berek yin ma nigang'e fan a ba ka se̱ yin be rine̱n katuk kube̱ Agwo̱m Ágwo̱m yir aYeso Kiristi.

Ibrani 13:9

Sang tu won yin kubo̱so̱p kuduk ta ko̱ro̱k aye̱ yin baꞌ. I se gye̱r aye̱ yir ta se̱ agap kaye̱e̱r ritek Adakunom sang be kukuus itsi kuya naya baꞌ. Kukuus itsi kuya naya ti barang áner aya a ta kuus itsi iyong ike̱ng ikak baꞌ.