aKolosi 2:23 - Izere New Testament

²³ Nasho̱o̱n ánerawe igo̱o̱n kuri iyong se kyo̱ndi i be kukyem, i be̱n be ife̱ng dide̱ng ne kumees rice nikuus Adakunom ne kunye be kuro̱m kpe̱de̱ng, amma katsak'e igo̱o̱n na be kukyem ku tana tobok anerawe nong a ta won kukuus kushim riye̱ wu baꞌ.

aKolosi 2:23 Referans Kwoze

1 aTimoti 4:8

Kamok kutabak kuro̱m se gye̱r nizen ikak, amma kutabak kabik anerawe se gye̱r ne ku nar'e kamok ku ta ka tobok kaye̱e̱r kusor kyo̱o̱rna be kusor kufe kasho̱o̱n nama riku.

aKolosi 2:18

Aner akak shim ku tonong kuri kumees rice ba ta be ne á tonong ye ba ya ámaleka iben ne á shim ku ka zhe̱e̱sh yin ye kamok yin ta nye yin anong baꞌ, tin daam yin natoon ba baꞌ. Áner kuri ayong fe̱ ye ba ye̱re̱k ike̱ng ikak kyo̱ndi nabos, amma amaan kuto̱ro̱ng ba tu ku sak ba ta ya kuka kpe̱de̱ng tsek.

aKolosi 2:8

Sak yin riye̱ fan akak ba ka wo̱ro̱k yin be kuri kuto̱ro̱ng kuri kufe kazatse na nong ta won yin iren katsak. Kuto̱ro̱ng kuri kuyong nye kukpe̱de̱ng'e. Ku nye igo̱o̱n ánerawe ne iren kunye ike̱re̱ kuri kufe kazatse na sang kuri kufe aKiristi baꞌ.

1 aTimoti 4:3

Áner kuri ayong roon ánerawe kunye kuwe̱ne̱ng ne kuya naya kuri nakak. Amma Adakunom nye naya kamok ánerawe áya a tin no̱o̱k katsak ne á ren katsak nong á tà shan be riye̱ rikan.

aKolosi 2:22

Itsi kuri iyuna fe̱ natoon ike̱re̱ iya i tana gang cei, kamok i nye itsi be kubo̱so̱p ánerawe.

Afisa 5:29

Kamok akak kuse a ta rawu kuro̱m wu baꞌ, amma a nyesek kuro̱m wu naya ne a ni sak riye̱, kyo̱ndi aKiristi tá nye be áfikuus.

aRom 13:14

Amma i ban i naka kis yin be aYeso Kiristi Agwo̱m Ágwo̱m yir, sang i tu kuus yin amaan kuse rinerawe baꞌ.