aKolosi 2:13 - Izere New Testament

¹³ Nizen iya yin ta se yin kyo̱ndi ikom'e kaye̱e̱r rine̱n yin be kuwon dar kunye izhak ife kuse yin kufe rine̱n, Adakunom sak yin bun i te yin atser kaye̱e̱r aKiristi. A ti re̱ng yir rine̱n yir cei.

aKolosi 2:13 Referans Kwoze

Afisa 2:1

Gbugbang yin tsang i se yin kyo̱ndi ikom'e, kamok kuraar yin ne rine̱n yin tin sor yin kaye̱e̱r'e,

aRom 8:11

Ke Kabik Adakunom aya a tá dorok aYeso nure̱k sor kaye̱e̱r yin, to̱, wu aya a tá dorok aYeso kaye̱e̱r kure̱k tá no̱o̱k iro̱m yin kuya ku tana bus kutser kamok Kabik wu kaya ka ta sor kaye̱e̱r yin.

2 aKoranti 3:6

Wu ne a sak yir ta kyem i te yir áfe itomong kushu kufas, kuya ku ta ne nufe Kabik sang kufe Itsi baꞌ. Kamok Itsi be̱e̱n be riku, amma Kabik nyesek kutser.

Ibrani 9:14

ke naso̱k ikewum kyo̱ndi iyong tà sak anerawe te zhe̱l shita naso̱k aYeso Kiristi a? Wu afe a tá be̱ kaye̱e̱r Kabik Kazhe̱l'e dar rizik nasho̱o̱n Adakunom, a no̱o̱k rice wu kamok rine̱n yir. A ti kam yir be ike̱re̱ iya i ta be̱e̱n riku nong i ta ya yir Adakunom afe kutser iben.

2 aKoranti 5:19

Rife̱ yir se ye, Adakunom shishing ánerawe kazatse nong á ta te áferime̱ wu kamok aKiristi. Adakunom fa rine̱n ba natoon rice ba baꞌ. A ti no̱o̱k yir rife̱ ánerawe tana te áferime̱ wu.

Afisa 2:11

Kamok anong, yiring yin kuri kusor yin agbugbang. Yin nye yin áner aYahuda baꞌ nutes. Ba áya a ta yis rice ba ye, “áfe izhak'ong” ne á ka yis yin ye, “ashurukur.” Izhak'ong a nye be ibo̱k natoon kuro̱m tse̱k.

aLuka 15:32

I se gye̱r ta nye yir riye̱ rikan ne i fok yir kusas'e kamok aronyining wan na tsang a ku, a bun a be̱ be kutser, a tsang a titei, a mu ku se̱.’ ”

aLuka 15:24

Kamok igon'i name tsang a ku, kyo̱o̱rna a nye atser, a tsang a titei, a mu ku se̱.’ Iyong á san riye̱ rikan'e.

aYakub 2:26

Kamok anong, kyo̱ndi kuro̱m ta se dar isong nye kukom, anong ne kuno̱o̱k katsak dar kutonong itomong nye kukom'e.

Afisa 5:14

Kamok akanang'e ne a sak a ta di koakye de̱s iyong ne i sak rife̱ Adakunom ta fe̱ ye, “Dorok, wan aya i ta se be ida, dorok kaye̱e̱r áfe a tan kus ne akanang aKiristi tin samang natoon wan.”

1 aKoranti 15:45

Kufumung rife̱ Adakunom fe̱ ye, “Adakunom nye Adamu afe ime̱se̱ng'e be kutser.” Adamu afe igang'e nye kabik kafe ka ta nyesek kutser.

aRom 6:13

Sang tu no̱o̱k yin afe kuro̱m yir abas akak kamok rine̱n baꞌ nong ku ta sor ares amaan kunye baꞌ. Amma no̱o̱k yin Adakunom rice yin kyo̱ndi áner aya a tú ku tun ba kaye̱e̱r riku nong a tú ku bun kaye̱e̱r kutser. Ne i no̱o̱k yin rice yin kyo̱ndi ares ku ninye ike̱re̱ i ta se gye̱r nasho̱o̱n Adakunom.

1 aYohana 2:12

Mi ta zibir yin'e, aya i ta ru nye yin inoon nabik kamok a ma ka re̱ng yin rine̱n yin, kaye̱e̱r riyerek aYeso.

1 aKoranti 15:36

Afunam akak, ike̱ng iya a ta tus tà ta baꞌ, ma i ku nizham.

aYohana 5:21

Kyo̱ndi Ada'me ta dorok áya a tan kus ne a ka no̱o̱k ba kutser, anong ne Igon'e nyesek aya riye̱ wu ta shim kutser.

aLuka 9:60

Ayong aYeso fe̱ be wu ye, “Won ikom tu ne̱se̱k ikom ba, wan tseng ta se taas itak rigwo̱m Adakunom.”

Ibrani 6:1

Kamok anong, tu bun i beseng yir izen yir natoon ike̱re̱ izhizhe̱k'e natoon aYeso baꞌ, nong ta ya yir kasho̱o̱n, ta te yir ánerawe. Sang tu bun i kubun yir kama ta nye yir kubo̱so̱p itak kushishing kuse natoon ike̱re̱ i tana be̱e̱n riku be itak ku nino̱o̱k katsak na Adakunom baꞌ,

1 aTimoti 5:6

Abining aya amitek wu tá ku, a ra bun a shim a ta fok kusas kusor wu tse̱r, a se kyo̱ndi a nye atser a ra nye kukom'e kaye̱e̱r kabik.

aRom 4:17

Kyo̱ndi i ta se kaye̱e̱r izibir rife̱ Adakunom ye, “Mi ta ka sak nong wan ta sor ada ánerawe whe̱re̱.” Adakunom afe wu tin no̱o̱k katsak tú ku sok a tá sor ada yir. Wu ne a nyesek áya a tá kus kutser, rife̱ wu ne ri sak a nye ike̱re̱ i ta tsang i kuse baꞌ.

aYohana 6:63

Kabik ne ka nyesek kutser, kuro̱m ti barang ike̱ng ikak baꞌ. Rife̱ mi tá fe̱ be yin nye rife̱ kabik ne kutser.

aYakub 2:20

Wan afunam akak, wan shim a ta ka tonong ye kuno̱o̱k katsak dar kunye itomong sor ikeng ikak baꞌ a?

aYakub 2:17

Anong ne kuno̱o̱k katsak gip ke a ti barang be kunye itomong baꞌ, ne kuno̱o̱k katsak'e sor ikeng ikak baꞌ.

1 aTimoti 6:13

Nasho̱o̱n Adakunom afe a ta no̱o̱k koakye ike̱ng kutser ne aYeso Kiristi aya a ta fe̱ katsak natoon rice wu nasho̱o̱n aBuntus Bilatus, a tá fe̱ atuk katsak. Mi ta nye akusuk ye,

aKolosi 2:12

Kamok nizen iya a tá ka nye yin abatisma ne a tá ne̱r yin mak be aKiristi ne a bun a ka dorok yin mak be wu kamok kuno̱o̱k katsak yin kaye̱e̱r kukyem Adakunom aya a tú ku dorok nure̱k be kutser.