aKolosi 2:12 - Izere New Testament

¹² Kamok nizen iya a tá ka nye yin abatisma ne a tá ne̱r yin mak be aKiristi ne a bun a ka dorok yin mak be wu kamok kuno̱o̱k katsak yin kaye̱e̱r kukyem Adakunom aya a tú ku dorok nure̱k be kutser.

aKolosi 2:12 Referans Kwoze

1 aBitrus 3:21

Ashi'ong sor kyo̱ndi abatisma aya yir ta nye yir, i tin se̱ yir kashesh. Sang nong tin tun yir narik kuro̱m baꞌ, amma kamok yir ta nye yir Adakunom izong be riye̱ rizining ne kamok aYeso Kiristi tá dorok nure̱k.

aGalati 3:27

Kamok yin cice̱r áfe i ta te yin azining be aYeso kaye̱e̱r abatisma ne yin sok yin kuse aKiristi.

Itomong Ámanzo 2:24

Adakunom tú ku dorok nure̱k be kutser, a tú ku kam be amaan risam riku kamok riku kyem ri tú ku yiir baꞌ.

Afisa 3:17

nong ase̱ aKiristi ta sor kaye̱e̱r aye̱ yin kamok kuno̱o̱k katsak yin. Mi nye aduwa ye, kushim ta nyeseng be agap kaye̱e̱r aye̱ yin. Won kushim tu nye ritin'e,

aRom 4:24

amma a zibir kamok yir, yir gip, yir áya Adakunom ta min sak yir i ta te yir gye̱r nasho̱o̱n wu, yir áya i ti no̱o̱k yir katsak ni wu aya a tá dorok aYeso Agwo̱m Ágwo̱m yir nure̱k.

Afisa 4:5

Agwo̱m Ágwo̱m se azining, kuno̱o̱k katsak se kuzining, abatisma se azining.

Afisa 2:8

Ei, kamok ritek Adakunom ne yin ti se̱ yin kashesh ne kamok kuno̱o̱k katsak yin, sang kamok kunye yin baꞌ, amma Adakunom ne a no̱o̱k,

1 aKoranti 15:20

Amma katsak'e, a dorok aKiristi nure̱k wu ne a nye afe ime̱se̱ng'e kaye̱e̱r áya a tá dorok nure̱k.

Ibrani 12:2

Won tin sak yir anyisi na aYeso wu ne a ta nye ritin kuno̱o̱k katsak yir ne a nye aner aya a tana sak kuno̱o̱k katsak yir tanan mumak. A tsesek kaye̱e̱r risam riku wu kamok ike̱ng riye̱ rikan i ta se nasho̱o̱n. A fok isum riku wu natoon kukon baꞌ. Kyo̱o̱rna a se nusonong nubo̱k riya itsik rigwo̱m Adakunom.

Ibrani 6:2

itak abatisma be ku nisaas ibo̱k ritek natoon ánerawe, ne kudorok ikom be amok afe izen izen.

aFilipi 1:29

Kamok Adakunom sak ritek wu anong kamok yin tin no̱o̱k yin katsak na aKiristi tsek baꞌ, amma ta so̱ yin risam kamok wu gip,

Afisa 5:14

Kamok akanang'e ne a sak a ta di koakye de̱s iyong ne i sak rife̱ Adakunom ta fe̱ ye, “Dorok, wan aya i ta se be ida, dorok kaye̱e̱r áfe a tan kus ne akanang aKiristi tin samang natoon wan.”

Afisa 3:7

Mi te asam kutaas Rife̱ Ritek na kamok Adakunom tin sak ta nye anong kaye̱e̱r ritek be itomong kukyem wu.

1 aKoranti 12:13

Di, Kabik Kazhe̱l'e a ti nye yir abatisma kaye̱e̱r kuro̱m kuzining cice̱r yir, aner aYahuda ka aya sang a ta nye aner aYahuda baꞌ, ka asam ka aner a ta nye asam baꞌ, a min no̱o̱k yir Kabik kazining cice̱r yir nong ta so̱ yir.

aRom 7:4

Kamok anong ároneng, yin gip yin te yin kyo̱ndi yin kus yin nitak kukuus Itsi, kamok riku aYeso sak yin wher yin nitak Itsi, nong yin ta te yin afe akak ze̱e̱r, wu aya a tú ku dorok nure̱k, nong ase̱ yin tà nye yin itomong itek kamok Adakunom.

Itomong Ámanzo 14:27

Á tá fa se no̱ na Antakiya'me ne á tusung áfikuus á ta ka taas ba ike̱re̱ iya Adakunom tan nye nubo̱k ba. Á tá taas ba kuri iren iya Adakunom tá karak nong ase̱ áner aya a tá nye áner aYahuda baꞌ tin no̱o̱k katsak.

aLuka 17:5

Ámanzo fe̱ be Agwo̱m Ágwo̱m'me ye, “Ni barang mo yir kuno̱o̱k katsak.”

Itomong Ámanzo 2:32

aYeso'me ayong ne Adakunom tú ku dorok nure̱k be kutser, yir cice̱r yir ren yir ye i se anong dim.

aKolosi 1:29

Kamok anong ne mi nye itomong ma i ti te iso̱r be kuri agap aya aKiristi tin no̱o̱k, aya a ta nye itomong dide̱ng kaye̱e̱r'i.

aKolosi 2:13

Nizen iya yin ta se yin kyo̱ndi ikom'e kaye̱e̱r rine̱n yin be kuwon dar kunye izhak ife kuse yin kufe rine̱n, Adakunom sak yin bun i te yin atser kaye̱e̱r aKiristi. A ti re̱ng yir rine̱n yir cei.