aKolosi 2:11 - Izere New Testament

¹¹ Kaye̱e̱r wu ne a tá nye yin izhak kaye̱e̱r kabik gip, nong ta tun yin kuse kuri kufe rine̱n. Sang izhak kuri iya anerawe ne a ta nye baꞌ, amma kuri iya aKiristi ne a ta nye.

aKolosi 2:11 Referans Kwoze

aRom 2:29

Aner aYahuda afe katsak ne a nye aya a ta nye áner aYahuda kaye̱e̱r riye̱ wu, izhak ife katsak nye izhak ife Kabik ta nye kaye̱e̱r riye̱, sang ife Itsi aMusa baꞌ. Adakunom ne a kerek aner kuri ayong sang anerawe baꞌ.

aFilipi 3:3

Kamok yir ne i nye yir áner a tú ku nye ba izhak ife katsak áya i ta ya yir Adakunom iben kaye̱e̱r Kabik wu. Ne i ni tsor yir kafok nuyiik aYeso Kiristi, áya afe sang i tin fereng yir ni itomong kuro̱m yir baꞌ.

Afisa 4:22

A tá bo̱so̱p yin'e natoon ye yin riwon yin kuri kuse yin kufe agbugbang nong ta kam yin be kuse yin kuzen ku ta nye kumaan'e, ku ta ka wo̱ro̱k yin i ta nye yin kushim riye̱ yin ma ku ta ra beseng yin.

aRom 6:6

Yir ren yir ye an ti gak kuse yir kufe agbugbang kuri kufe rinerawe mak be wu fan ri bin be agap natoon yir. A nye anong fan i bu te yir ásam rine̱n baba.

aGalati 5:24

Áfe a ta nye afe aYeso Kiristi n fe̱r kuse rinerawe be kunye amaan ike̱re̱ iriri'me ne iya kuro̱m ta shim.

aGalati 2:20

A min tigak mak be aKiristi, sang mi ba sor kusor rice mi baꞌ, amma aKiristi ne a sor kaye̱e̱r'i. Kusor mi ta sor kaye̱e̱r kuro̱m, mi sor kamok mi min no̱o̱k katsak ni Igon Adakunom, afe a tin shim ma a no̱o̱k rice wu kamok'i.

2 aKoranti 5:17

Kamok anong, koangan afe a ta se kaye̱e̱r aKiristi, a te kunye kufas, ike̱re̱ izen cice̱r titei, koakye te ifas.

Ibrani 9:24

Kamok sang aKiristi no̱ naro̱ itomong atsi anerawe ta nye i tá tas ife kaza baꞌ. A no̱ kaye̱e̱r kaza, azong ne a se nasho̱o̱n Adakunom kamok yir.

Ibrani 9:11

Nizen iya aYeso tá be̱, wu ta nye agbang atsi afe ike̱re̱ itek iya i tan be̱ nakuruk, kubur kuya wu tin nye itomong kaye̱e̱r'e se yiik ne ku nar. Ku nar kubur kuya anerawe ta tar zhe̱l, kubur'ong nye kufe kazatse na baꞌ.

2 aKoranti 5:1

Kyo̱o̱rna, yir ren yir ye ke a yirik abur yir afe yir tin sor yir, iro̱m yir, Adakunom be rice wu tin no̱k yir kasa kaye̱e̱r kaza. Kasa'ong sang anerawe ne a no̱k baꞌ, ka ta sor ma izen izen.

Itomong Ámanzo 17:24

“Adakunom aya a tá nye kazatse be ike̱re̱ iya i ta se kaye̱e̱r'e cei, wu aya a ta nye Agwo̱m Ágwo̱m kaza be kaben sor ninaro̱ na ya ánerawe ne a tá no̱k be ibo̱k ba baꞌ.

Itomong Ámanzo 7:48

“Gip be anong, sang Adakunom a ta nye ayiik'e, sor kaye̱e̱r nasa naya ánerawe ne tá no̱k baꞌ, kyo̱ndi aner kuzarap tá fe̱ ye,

aLuka 2:21

Nama inom ikara be kutes'e, izen a tana ku nye izhak tá fa nye, yong a tú ku te riyerek ye, aYeso, riyerek riya amaleka tá tsang a ku te'me kum ne an be kafa wu baꞌ.

aMarkus 14:58

“Yir tú ku fok yir a tá fe̱ ye, ‘Mi ta yirik kutu kuya Adakunom iben na anerawe tá no̱k nong tu ku no̱k kukak, kuya ku ta nye rino̱k anerawe baꞌ, kaye̱e̱r inom itaar.’ ”

aRom 7:24

Awo̱ tsek be mi, ike̱ng kuro̱ riye̱. Angan tin shesh kaye̱e̱r kuro̱m na ku ta tseng be mi kaye̱e̱r riku e̱?

aKolosi 3:5

Kamok anong ni tun yin riye̱ natoon ike̱re̱ kazatse na, ike̱re̱ kyo̱ndi, kunye rikuna be kunye kpe̱de̱ng be rinyisi rikan be amaan kuse ne amaan kudi ike̱ng, iyong gip i se kyo̱ndi ku kuus itsi.