aKolosi 2:10 - Izere New Testament

¹⁰ be anong ne yin shining yin kamok yin ta sor yin kaye̱e̱r wu. Wu ne a nye ako̱k kasho̱o̱n koakye kuri kukyem ne koakye kuri rigwo̱m.

aKolosi 2:10 Referans Kwoze

Afisa 3:19

Ne yin ren yin kushim aKiristi kuya ku ta gor agap kuren anerawe nong ase̱ ta shining yin be kunik kuse Adakunom dide̱ng.

1 aBitrus 3:22

aKiristi tseng kaye̱e̱r kaza, a se nubo̱k riya Adakunom, ámaleka cice̱r ne ribir áya a tin nye rigwo̱m natoon kaza se nubo̱k wu.

Ibrani 5:9

Nizen iya a tá ma shining gye̱r, ne a ma sor iren kutser kufe izen izen nufe koangan aya a ta kuus ike̱ng iya a ta fe̱.

aYohana 1:16

Kaye̱e̱r ritek wu ri ta se dide̱ng ne yir cice̱r se̱ yir ritek natoon ritek.

aKolosi 3:11

Kamok anong sang tu ye̱re̱k yin ye áner aYahuda se ze̱e̱r be áner aya sang á ta won dar á nye áner aYahuda baꞌ. Áya a tá mu ku nye ba izhak ka áya a tá won dar a ka nye ba izhak baꞌ. Aner aya a ta nye kye̱re̱ se ze̱e̱r be aner aya a ta won dar a karak rice baꞌ. Asam se ze̱e̱r be igon kari baꞌ, kamok aKiristi ne a nye koakye ne a se kaye̱e̱r koakye.

aMatiyu 28:18

Ayong aYeso be̱ bubarak be ba, a tá fe̱ ye, “A min no̱o̱k kukyem kaye̱e̱r kaza be kaye̱e̱r kazatse cice̱r.

1 aKoranti 15:24

Ne igang'e be̱, izen iya ne a tana no̱o̱k Ada Adakunom rigwo̱m wu nama a ta yirik koakye kuri rigwo̱m be kukyem.

Afisa 3:10

Adakunom nye anong be áfikuus nong ase̱ áfe rigwo̱m be áfe a ta nye rigwo̱m natoon kaza ta ren kukyem Adakunom kaye̱e̱r koakye.

aKolosi 2:15

A ti shan ares itsom ba afe kukyem ne áfe rigwo̱m ba, nong a tú ku no̱o̱k ba isum nasho̱o̱n ánerawe, a tu ku canang ba kamok riku wu natoon kukon.