aKolosi 1:9 - Izere New Testament

⁹ Kamok anong ne isak kum nizen iya yir tá fok yir itak natoon yin, yir won kunye yir aduwa kamok yin baꞌ. Yir nye yir izong ye Adakunom ra ka tonong yin ike̱ng iya wu ta shim dim nong ase̱ yin ta se̱ yin kukyem Kabik, ne i ren yin ike̱ng kunye.

aKolosi 1:9 Referans Kwoze

aYakub 3:17

Amma kukyem ku ta ne naza, nime̱se̱ng'e cice̱r se jel ne kushim kutek be kuto akak, ne kumees rice, be kuro̱ riye̱ kunye kutek kufe katsak dar kushim rice.

aYakub 1:5

Ke akak yin be kukyem kuren ikeng baꞌ, a ra rip Adakunom, afe a ta no̱o̱k koangan washak. A tu ku no̱o̱k be riye̱ rizining sang be aye̱ afa baꞌ.

aKolosi 4:5

Sak yin riye̱ be kutseng yin kaye̱e̱r áner aya sang á ta nye áfikuus baꞌ. Ni nye yin itomong be koakye izen ife yin ta se̱ yin.

Ibrani 13:21

ta ka no̱o̱k yin koakye ike̱ng i ta nye itek, nong ta nye ike̱ng iya wu ta shim. Won wu tu nye ike̱ng iya i tu ku se gye̱r be yir kaye̱e̱r aYeso Kiristi. Won kuyiik tu sor kufu ma izen izen. Anong!

1 aBitrus 2:15

Kamok Adakunom shim yin tu nye yin katsak fan aner aya a ta be akpe̱de̱ng kuto̱ natoon yin bu se ike̱ng rife̱.

2 aTasalonika 1:11

Kamok anong, ne yir yiir ka nye yin aduwa ye̱r ye̱r ye Adakunom ra sak yin ta sor yin kuri kusor kuya a tá ka yis mo yin. Adakunom ra sak ta nye yin ike̱re̱ itek cice̱r iya yin ta shim yin tà nye yin ne itomong kuno̱o̱k katsak yin nong tà nye yin be agap kukyem wu.

1 aTasalonika 5:17

Nye yin aduwa koakye izen.

1 aYohana 5:20

Yir ren yir gip ye Igon Adakunom m be̱ nong a tin no̱o̱k yir kuren ike̱ng nong ta ren yir aya a ta nye katsak. Yir se yir kaye̱e̱r Adakunom a ta nye katsak, kamok yir se yir kaye̱e̱r Igon wu aYeso Kiristi. Wu ne a nye Adakunom afe katsak ne a nye kutser kufe izen izen.

aKolosi 3:16

Won rife̱ aKiristi tu nyeseng be agap dide̱ng kaye̱e̱r aye̱ yin, ne i naka bo̱so̱p yin'e, ne i naka nyesek yin ibo̱ro̱ng, be koakye kuri kukyem, ne i bom yin abom aZabura, ne i kerek yin Adakunom, ne i bom yin abom afe a ta nye afe Kabik, ne i nye yin riye̱ rikan kaye̱e̱r aye̱ yin be Adakunom.

Ibrani 10:36

Tsesek yin, ta se̱ yin ike̱ng iya Adakunom tá no̱o̱k kuto̱ ye a tà ka no̱o̱k ke yin nye yin ike̱ng iya wu ta shim.

aFilipi 1:4

Koakye izen iya ne mi ta nye aduwa, mi nye be riye̱ rikan kamok yin cice̱r.

aFilimon 1:4

Mi tonong Adakunom riye̱ rikan ye̱r ye̱r ke mi sen nye aduwa ne i yiring be wan.

Afisa 6:6

Sang tu nye yin nong ta ka kare̱p yin ba aye̱ ka kamok ba ta ka ye̱re̱k yin tsek baꞌ, amma kyo̱ndi ásam aKiristi ne i nye yin ike̱ng iya Adakunom ta shim be riye̱ rizining.

aRom 12:2

Sang tu ba kuus yin kuse kuri kufe kazatse na baꞌ, amma won yin Adakunom ta ka shishing yin kuto̱ro̱ng yin. Be anong ne yin ta shan yin ike̱ng iya Adakunom ta shim, ike̱ng iya i ta nye itek, iya wu tana fok kusas'e ne ike̱ng wu ta shim dim.

1 aTasalonika 1:3

Yir yiir i yiring yir be itomong yin iya i ta tonong kuno̱o̱k katsak yin nasho̱o̱n Adakunom yir ne Ada yir, be kuri kucan yin ta can yin kamok kushim ne kute riye̱ yin ta min te yin natoon Agwo̱m Ágwo̱m yir aYeso Kiristi dide̱ng.

1 aYohana 2:17

Kazatse na, be amaan kushim ike̱re̱ i ta se kaye̱e̱r kazatse'me ta gang, amma aner aya a ta nye ike̱re̱ Adakunom ta shim a tà sor ma izen izen.

1 aBitrus 4:2

Kamok anong, yin ba bun a sor yin kusor kuri kufe kazatse na be kukuus amaan kushim riye̱ yin baꞌ, amma yin nye yin ike̱ng iya Adakunom ta shim.

aKolosi 4:12

Abafaras a ta nye azining kaye̱e̱r yin ne a bun a nye asam aYeso Kiristi ta nye yin ashou. A yiir rus ne a ka nye yin aduwa dide̱ng koakye izen nong yin ta kyem i nyeseng yin be agap ne i nye yin ike̱ng iya Adakunom ta shim. Kyo̱ndi áya a ta min no̱o̱k katsak na Adakunom be riye̱ rizining.

aKolosi 1:6

Rife̱ Ritek na sak ánerawe shining ne áya kasho̱o̱n kaye̱e̱r kazatse cei, kyo̱ndi ri tá nye kaye̱e̱r yin kum nizen ife yin tá san ku fok yin itak ritek Adakunom, ne i ren yin ye i nye katsak.

Afisa 5:17

Kamok anong tu te yin áfunam'e baꞌ, amma ren yin ike̱ng iya i ta nye riye̱ Agwo̱m Ágwo̱m.

Afisa 5:10

Ne i tse̱r yin ike̱ng iya i tana kare̱p Adakunom riye̱.

Afisa 1:8

riya a tin no̱o̱k yir nawarak be kukyem ne kuren ike̱ng cice̱r.

aYohana 7:17

Aner aya a ta shim a ta nye ike̱ng iya Adakunom ta shim, a ta ren ye kubo̱so̱p'i ne nufe Adakunom, sang kufe rice mi.

1 aKoranti 1:5

Ka a tá no̱o̱k yin kurum na kaye̱e̱r koakye iren, ne kufe̱ kanu be kuren ike̱ng cei kamok yin nye yin áfu.

Itomong Ámanzo 12:5

Kamok anong aBitrus sor nuwhe̱e̱n nitso̱m. Áfikuus yiir kunye aduwa be Adakunom dide̱ng kamok wu.

aFilimon 1:6

Aduwa mi se ye wan tin barang ifeng ni itaas itak natoon kuno̱o̱k katsak wan, nong ase̱ wan ta ren koakye kuri ike̱ng itek yir ta be yir kaye̱e̱r aYeso Kiristi.