aKolosi 1:7 - Izere New Testament

⁷ Abafaras, afudang itomong yir a tá nye asam Adakunom kyo̱ndi yir gip, aya a ta be katsak kaye̱e̱r itomong aKiristi ne a be̱ a tá ka tak yin Rife̱ Ritek'e, a nye itomong'e rice yir.

aKolosi 1:7 Referans Kwoze

aKolosi 4:12

Abafaras a ta nye azining kaye̱e̱r yin ne a bun a nye asam aYeso Kiristi ta nye yin ashou. A yiir rus ne a ka nye yin aduwa dide̱ng koakye izen nong yin ta kyem i nyeseng yin be agap ne i nye yin ike̱ng iya Adakunom ta shim. Kyo̱ndi áya a ta min no̱o̱k katsak na Adakunom be riye̱ rizining.

aFilimon 1:23

Abafaras afudang'i, i ta se yir nitso̱m mak kamok aYeso Kiristi, ta nye yin ashou.

Ibrani 2:17

Kamok anong ne wu te kyo̱ndi áronyining wu kaye̱e̱r koakye iren, nong ase̱ a tá te agbang atsi afe a ta be kuro̱ riye̱ ne a nye katsak ni itomong Adakunom. A nye asidaka'ong nong a tin sok rine̱n ánerawe.

aKolosi 4:7

aTikikus ta ka tak yin koakye kuri ike̱ng iya i ta sen tseng natoon'i. A nye agbang aroneng, aya a ta nye itomong be katsak ne a nye asam afudang itomong'i kaye̱e̱r itomong Agwo̱m Ágwo̱m yir.

Ibrani 3:2

aYeso tonong katsak kaye̱e̱r itomong aya a tú ku kasa, kyo̱ndi aMusa ta nye katsak ni itomong wu kaye̱e̱r ánerawe Adakunom.

2 aTimoti 2:2

Cice̱r ike̱re̱ iya wan tá fok nunaan nasho̱o̱n ánerawe whe̱re̱, bo̱so̱p ánerawe áfe a ta be katsak nong ba ta ma kyem a bo̱so̱p ákak'e gip.

aFilipi 2:25

Amma mi di, i bun i se gye̱r ta ka tom yin aroneng akak nikuus, Apafuroditus, ne a nye afudang itomong'i. A nye asozha aYeso, i ta sen can yir mak, aya yin tú ku tom yin nunaan nong a tá be̱ a tin se̱ mo nike̱ng iya mi ta tse̱r.

2 aKoranti 11:23

Ke ba di ye ba nye ásam aKiristi, mi tu nar ba! (Mi fe̱ kyo̱ndi aner aya rice ta kirik so̱!) Mi n nye itomong ne i ka nar ba, a min tes nitso̱m ne a toos'e, ne a ni whereng dide̱ng, mi n dis riku niren ze̱r ze̱r.

1 aKoranti 4:2

Kamok anong ne a shim aner aya a tu ku won ba amana, a ra sor aner aya a tana yiir ike̱ng'e kyo̱ndi a ta shim.

1 aTimoti 4:6

Ke wan bo̱so̱p ároneng itak na, to̱, wan ta te aner itomong aYeso Kiristi afe katsak, aya a tan rasak kaye̱e̱r rife̱ natoon kuno̱o̱k katsak be kubo̱so̱p kutek wan ta kuus'ong.

Afisa 5:21

Naka foos yin kamok kuyiik aKiristi.

1 aKoranti 7:25

To̱, natoon nanamang naya na tan nye iwe̱ne̱ng baꞌ, Agwo̱m Ágwo̱m min tonong ike̱ng ikak nong ta ka tak ba baꞌ. Amma mi ta ka no̱o̱k yin ibo̱ro̱ng, kaye̱e̱r ritek riya Agwo̱m Ágwo̱m tin no̱o̱k, ye rife̱ mi ta ka tak yin na nye katsak.

1 aKoranti 4:17

Kamok anong, mi tà ka tom yin aTimoti, igon mi kaya mi ta shim, aya a ta be katsak nikuus aYeso. Wu tà ka yiring yin kuri kutseng mi ni ikuus aYeso aKiristi, kuya ku ta se tite̱re̱ be ike̱ng iya mi tá bo̱so̱p áfikuus'e koake̱ ne mi tseng naro̱ kuya Adakunom iben.

aMatiyu 25:21

“Ne atekasa wu ame fe̱ be wu ye, ‘Dazha, aner itomong'i atek, a ta be katsak. Wan nye katsak natoon ahiir ike̱ng, mi tà ka no̱o̱k itomong iya i ta nar iyong. Wan ta nye riye̱ rikan mak be mi.’

aMatiyu 24:45

“Angan ne a nye asam a ta be katsak ne a be kukyem, aya atekasa wu tu ku sak ye, a rin sak riye̱ na ásam wu ne a ku nyesek ba naya nizen i ta se gye̱r e̱?

aMatiyu 18:29

“Asam afudang wu ame kpa kaben nong a tá fe̱ be wu ye, ‘Mi ta ka nye izong. Te kuta riye̱, mi ta ka karang.’

aKolosi 4:9

A tà be̱ mak be aroneng yir akak aOnesimus aya yir tu ku shim yir ne a be kuse kutek. Ba ta ka tak yin koakye i ta sen tseng azena.