aKolosi 1:5 - Izere New Testament

⁵ Yin nye yin anong kamok yin min te yin riye̱ natoon ike̱re̱ itek iya a ta ma ka sak yin'e kaye̱e̱r kaza. Iyuna ne i nye itak katsak iya a tá ka tak yin kum ni ime̱se̱ng'e, Rife̱ Ritek, a tá ka tak yin ame.

aKolosi 1:5 Referans Kwoze

Afisa 1:13

Kamok aKiristi, ne yin gip yin te yin áfe Adakunom nizen iya yin tá fok yin rife̱ katsak ne Rife̱ Ritek rife kutser. Izen iya yin ti no̱o̱k yin katsak natoon aKiristi, Adakunom tá no̱o̱k yin Kabik Kazhe̱l'e kyo̱ndi a tá tsang a no̱o̱k kuto̱ ye wu tà nye anong, nong a tà tonong ye yin nye yin afu.

2 aTimoti 4:8

Kyo̱o̱rna makong, a min sak ishorong ife ku se gye̱r'e nasho̱o̱n Adakunom, iya Agwo̱m Ágwo̱m, aner kuto̱ amok afe katsak tanin no̱o̱k Katuk'ong. Sang awan mi ne a tin no̱o̱k tsek baꞌ, amma be cice̱r áner aya a ta min te riye̱ nube̱ wu gip.

aTitus 1:2

kamok kute riye̱ natoon kutser kufe izen izen. Adakunom, wu a ta be abo̱o̱s baꞌ, ne a no̱o̱k kuto̱ natoon kutser kufe izen izen nizham a ta ra san ízam.

aKolosi 1:27

Ba di ye Adakunom tá kasa ba nong á ta taas áner aya sang á nye áner aYahuda baꞌ, ku yiik ku ta se nune̱re̱ng, ike̱ng iya a ta ren'e baꞌ, nye aKiristi a ta se kaye̱e̱r yin. Iyong tonong ye yin ta sor yin mak be wu kaye̱e̱r kuyiik'e.

1 aBitrus 2:2

Se yin kyo̱ndi inoon nazhizhe̱k'e na ta shim kuso̱ ribasang. Anong ne yin gip be yin ifeng rife̱ Adakunom, kamok be anong ne yin tà rasak yin nong ta se̱ yin kashesh yin.

aKolosi 1:23

ke yin ya yin kasho̱o̱n be kuno̱o̱k katsak yin, ne i nyeseng yin kpa natoon'e. Sang tu won yin a ta ka zuur yin ma ta won yin ku ni te riye̱ riya yin ta min te yin nizen iya yin tá fok yin Rife̱ Ritek'e baꞌ. Rife̱ Ritek yin tá tsang i fok yin'ong ne a taas koakye kuri ánerawe á ta se nazatse ne mi aBulus ti te aner itomong'e.

1 aKoranti 15:19

Ke i nye ye ku ni te riye̱ yir na aKiristi se kamok kusor yir nazatse na tsek, i nye ye yir te yir ike̱ng kuro̱ riye̱ ne i nar yir koangan nazatse na.

Ibrani 7:19

Itsi aMusa kyem i ta sak ike̱ng ikak ta te zhe̱l baꞌ, iyong ne i sak yir nye yir kanye̱k ike̱ng itek iya yir tin te yir riye̱ natoon'e nong ta se yir bubarak be Adakunom.

1 aTasalonika 2:13

Kamok anong ne yir tonong yir riye̱ rikan yir be Adakunom koakye izen, kamok nizen yin tá shan yin rife̱ Adakunom riya yin tá fok yin nufe yir, sang yin sok yin kyo̱ndi ri nye rife̱ anerawe tsek baꞌ, amma yin shan yin be katsak kamok rife̱'me ta nye rife̱ katsak. Rife̱'me sen nye itomong kaye̱e̱r yin áya i tin no̱o̱k yin katsak.

1 aYohana 3:3

Kamok anong, koangan a tin te riye̱ wu ye wu ta se kyo̱ndi aYeso ne a won kunye rine̱n nong a ta sor zhe̱l kyo̱ndi aYeso'me.

aGalati 5:5

Yir te yir riye̱ ye Adakunom ta sak yir ta te yir azhe̱l'e ike̱ng ife i ta sak yir ta tor yir nye Kabik Adakunom kaya ka ta nye itomong kaye̱e̱r kuno̱o̱k katsak yir.

2 aKoranti 5:19

Rife̱ yir se ye, Adakunom shishing ánerawe kazatse nong á ta te áferime̱ wu kamok aKiristi. Adakunom fa rine̱n ba natoon rice ba baꞌ. A ti no̱o̱k yir rife̱ ánerawe tana te áferime̱ wu.

Itomong Ámanzo 23:6

aBulus tá fa di ákak ba nye áner aSadusi ne ákak nye áner aFarisi, yong a ta kuto̱ a tá fe̱ be kusonong ako̱k kasho̱o̱n'e ye, “Ároneng, mi nye aner aFarisi, kutes aner aFarisi. A sen ni to̱ amok kamok mi min te riye̱ ni dorok ikom.”

1 aBitrus 3:15

Amma won yin aKiristi tu te Agwo̱m Ágwo̱m kaye̱e̱r aye̱ yin. Koakye izen sor yin be kanye̱k nong ta kyem i tak yin koangan ike̱ng i ta sak yin tin te yin riye̱ nikuus aKiristi. Amma nye yin kaye̱e̱r awhiwhe̱ ne ku yiik,

1 aKoranti 13:13

To̱, Kyo̱o̱rna, ike̱re̱ itaar na nyeseng, kuno̱o̱k katsak be kute riye̱ ne kushim. Amma, igbang'e kaye̱e̱r ba cice̱r nye kushim.

Itomong Ámanzo 24:15

Mi n bun min te riye̱ na Adakunom kyo̱ndi áner na ye a ta dorok aya a ta nye azhe̱l'e ne aya a ta nye amaan'e.

1 aTimoti 1:15

Rife̱ a tá fe̱ ye, “aYeso Kiristi be̱ kaye̱e̱r kazatse nong a ta shesh áfe rine̱n,” ri nye katsak ne ri nye ike̱ng kushan cice̱r kamok kaye̱e̱r áfe rine̱n cice̱r mi ne i nar'e.

2 aTasalonika 2:16

To̱, won Agwo̱m Ágwo̱m yir aYeso Kiristi be rice wu ne Ada Adakunom yir, aya a tin shim yir, ne a bun a ni no̱o̱k yir kutsesek dar gang, ne ku te riye̱ kutek kamok ritek wu,

aKolosi 3:16

Won rife̱ aKiristi tu nyeseng be agap dide̱ng kaye̱e̱r aye̱ yin, ne i naka bo̱so̱p yin'e, ne i naka nyesek yin ibo̱ro̱ng, be koakye kuri kukyem, ne i bom yin abom aZabura, ne i kerek yin Adakunom, ne i bom yin abom afe a ta nye afe Kabik, ne i nye yin riye̱ rikan kaye̱e̱r aye̱ yin be Adakunom.

aRom 10:8

Amma aner aya a ta se̱ kute gye̱r nasho̱o̱n Adakunom kamok kuno̱o̱k katsak fe̱ kyo̱ndi aMusa tá fe̱ ye, “Rife̱ Adakunom se bubarak be wan, ri se nanu wan, ri bun ri se kaye̱e̱r riye̱ wan.” Rife̱ na se ye, rife̱ kuno̱o̱k katsak ne yir sen taas yir'e.

Itomong Ámanzo 10:36

Rife̱ Adakunom tá tom áner Isarela'me nye itak kutaas Rife̱ Ritek rife̱ ne kusor kutek kaye̱e̱r aYeso Kiristi Agwo̱m Ágwo̱m yir cice̱r.

aLuka 12:33

Re̱e̱s yin ike̱re̱ yin nong ta no̱o̱k yin áfe rizor itso̱m'e, be kunye anong ne yin ta sak yin kurum naro̱ afe sang ku tana beseng baꞌ, kaye̱e̱r kaza, naro̱ kaya ákpatang tanin be̱ bubarak ka itse̱ tana ya baꞌ.

Itomong Ámanzo 13:26

“Ároneng, inoon atukop yir Ibrahim be yin áner i ta nye yin áner Isarela baꞌ, áya i ta fok yin inyim Adakunom, kutom itak kashesh kuya Adakunom ta tom na'me nye kufe yir cice̱r.

2 aKoranti 6:7

be kufe̱ katsak ne kusor kaye̱e̱r kukyem Adakunom be ares itsom afe kuse kutek nubo̱k riya ne rimen.

aGalati 2:5

Amma yir wor i tu ku shim yir ba'me ko cie̱k baꞌ, nong ase̱ katsak Rife̱ Ritek aKiristi'me ta se mak be yin.

aGalati 2:14

Nizen iya mi tá di kunye ba tas ike̱ng iya Rife̱ Ritek aKiristi'me tin tonong yir baꞌ, yong mi fe̱ be aBitrus nanyisi ba ye, “Wan nye afu aYahuda, amma wan sor kusor wan kyo̱ndi áner áfe a ta nye aner aYahuda baꞌ. To̱, akye̱ sak wan ta sak áner áfe sang á ta nye aYahuda baꞌ, ye ma a ra kuus igo̱o̱n aner aYahuda dim e̱?

Afisa 4:21

Katsak'e, yin a ta tak yin itak wu ne a ka bo̱so̱p yin rife̱ katsak natoon aYeso.

2 aBitrus 1:12

Kamok anong mi ta yiir kuka yiring yin ike̱re̱ na, mi ren yin tsang i ren yin gye̱rtatan, yin nyeseng yin be agap natoon katsak yin ta be yin.