aKolosi 1:4 - Izere New Testament

⁴ Kamok yir n fok yir kuri kuno̱o̱k katsak yin ta be yin kaye̱e̱r aYeso Kiristi ne kuri kushim kuya yin ta shim yin ázhe̱l'e cice̱r.

aKolosi 1:4 Referans Kwoze

Afisa 1:15

Kamok anong, kum mi tá fok itak kuno̱o̱k katsak yin natoon Agwo̱m Ágwo̱m yir aYeso be kuri kushim yin tá shim yin ázhe̱l'e cice̱r.

2 aTasalonika 1:3

Ároneng, i se gye̱r yir ta yiir i tonong yir Adakunom riye̱ rikan yir ye̱rye̱r kamok yin. Anong se gye̱r kamok kuno̱o̱k katsak yin ta ya kasho̱o̱n dide̱ng, kushim yin tana ka shim yin nye ne kuni barang.

1 aTasalonika 1:3

Yir yiir i yiring yir be itomong yin iya i ta tonong kuno̱o̱k katsak yin nasho̱o̱n Adakunom yir ne Ada yir, be kuri kucan yin ta can yin kamok kushim ne kute riye̱ yin ta min te yin natoon Agwo̱m Ágwo̱m yir aYeso Kiristi dide̱ng.

Ibrani 6:10

Adakunom won dar a nye gye̱r baꞌ. A tà tiburum be itomong ne kushim yin tú ku tonong yin kuya yin tá tobok yin ánerawe wu baꞌ. Ne i ya yin kasho̱o̱n be kunye anong.

1 aYohana 4:16

Kamok anong yir ren yir ne i ni fereng yir nushim Adakunom kufe katsak a ta be natoon yir. Adakunom nye kushim. Koangan afe a ta shim ánerawe se kaye̱e̱r Adakunom ne Adakunom se kaye̱e̱r wu gip.

aFilimon 1:5

Mi fos kuri kuno̱o̱k katsak wan ta be natoon Agwo̱m Ágwo̱m yir aYeso ne kuri kushim wan tá shim ázhe̱l'e cei.

1 aYohana 3:14

Yin ren yin, yir tsang i nye yir ikom'e cice̱r nabik, amma kyo̱o̱rna yir be yir kutser kamok yir shim yir áronyining yir. Aner aya afe a ta shim aronyining wu baꞌ, a nye kukom'e nabik.

aGalati 5:6

Kamok ke yir se yir kaye̱e̱r aYeso Kiristi, ku nye yir izhak ka ku won dar ku nye'me, sor ike̱ng ikak baꞌ, ike̱ng i ta nar nye kuno̱o̱k katsak a ta kyem a di kaye̱e̱r kushim.

1 aYohana 3:23

Ike̱ng Adakunom tá fe̱ ye i ra nye yir'e nye ye, i rin no̱o̱k yir katsak ni Igon wu aYeso Kiristi ne i naka shim yir kyo̱ndi aYeso tá fe̱ be yir.

1 aTasalonika 3:6

Amma kyo̱o̱rna'me aTimoti tá ne nufe yin, a ti be̱ yir be itak itek natoon kuno̱o̱k katsak yin be kuri kushim yin ta be yin, ye yin ru yiring yin be yir kaye̱e̱r aye̱ yin ye̱r ye̱r ne aye̱ yir ro̱ kyo̱ndi áfe yin ta ro̱ ye, ke yir ka di yin gip.

aKolosi 1:9

Kamok anong ne isak kum nizen iya yir tá fok yir itak natoon yin, yir won kunye yir aduwa kamok yin baꞌ. Yir nye yir izong ye Adakunom ra ka tonong yin ike̱ng iya wu ta shim dim nong ase̱ yin ta se̱ yin kukyem Kabik, ne i ren yin ike̱ng kunye.

2 aKoranti 7:7

Sang kamok ku be̱ wu tsek ne ku sak yir ta nye yir riye̱ rikan baꞌ, amma itak wu tin tak yir ye, yin tú ku tsesek yin. A ti tak yir kuri ifeng afe yin ta be yin natoon'i, ne riye̱ riwe yin ne kudaam yin ta be yin natoon'i, ma mi ti barang kunye riye̱ rikan dide̱ng.

aGalati 3:26

Yin nye yin inoon Adakunom cice̱r kamok yin ti no̱o̱k yin katsak na aYeso Kiristi.

aGalati 3:28

Akak ba nye afu Yahuda ka aduk'e baꞌ, akak ba nye asam ka a se washak baꞌ, ne akak ba nye aner amitek ka aner abining'e baꞌ, kamok cice̱r yin i nye yin aner azining kaye̱e̱r aYeso Kiristi.

Afisa 6:18

Yiir inye yin aduwa koakye izen kaye̱e̱r kukyem Kabik. Nye yin aduwa ne i rip yin koakye kuri ike̱ng iya yin ta tse̱r yin. Sor yin be kanye̱k koakye izen ne i ya yin kasho̱o̱n be aduwa kamok ázhe̱l'e.