aKolosi 1:16 - Izere New Testament

¹⁶ Kamok be wu ne Adakunom nye ike̱re̱ cice̱r, iya i ta se kaye̱e̱r kaza be iya i ta se kaye̱e̱r kazatse, iya a ta di be iya sang a ta kyem a di baꞌ. Be wu ne Adakunom nye koakye ike̱ng i ta be kukyem kaye̱e̱r kaza, be áko̱k kasho̱o̱n ne áfe rigwo̱m cei ne ike̱re̱ Adakunom tá nye cice̱r, a nye mak be wu ne kamok wu.

aKolosi 1:16 Referans Kwoze

aRom 11:36

Kamok wu ne a nye koakye ike̱ng, ne koakye se nubo̱k wu, a nye koakye kamok rice wu. Kuyiik nye kufe Adakunom ma izen izen. Anong!

aYohana 1:3

Be wu ne a nye koakye ike̱ng, ike̱ng ikak kuse ife a tá nye dar wu baꞌ.

1 aKoranti 8:6

gip be anong, yir ren yir ye Adakunom se azining. Wu ne a nye Ada aya a ta nye koakye ike̱ng, yir sor yir kamok wu. Yir ren yir ye Agwo̱m Ágwo̱m se azining. Wu ne a nye aYeso Kiristi aya be wu ne a nye koakye, kamok wu ne yir ti sor yir.

Ibrani 2:10

Adakunom ne a nye koakye, kamok wu ne koakye kuse. Kamok anong ke i nye ye Adakunom be̱e̱n inoon wu whe̱re̱ kuyiik, i ta se gye̱r a ta tiyiik ako̱k kasho̱o̱n kashesh ba. A nye anong be risam aYeso tá so̱.

Ibrani 1:2

Amma kaye̱e̱r inom igang'e na, a fe̱ kanu be yir be Igon wu, aya a tú ku sak a ta te a ya kutse ike̱re̱ cice̱r. Mak be wu ne a nye koakye.

Afisa 1:10

Kanye̱k wu se, ye ke izen'e nye dim, a tà gung ike̱re̱ cice̱r, ike̱re̱ iya i ta se kaye̱e̱r kaza be iya i ta se kaben nong aner azining tin nye rigwo̱m, aKiristi ne a tin nye rigwo̱m'e.

aKolosi 1:15

aKiristi ne a nye aner aya a ta tas Adakunom afe sang a tu ku di baꞌ, wu ne a nye igon ime̱se̱ng'e kaye̱e̱r ike̱re̱ Adakunom tá nye cice̱r.

aKolosi 2:10

be anong ne yin shining yin kamok yin ta sor yin kaye̱e̱r wu. Wu ne a nye ako̱k kasho̱o̱n koakye kuri kukyem ne koakye kuri rigwo̱m.

aFilipi 2:10

kamok koangan anerawe tà tigbok akuur nasho̱o̱n riyerek aYeso na dim, natoon kaza be kaben, be aza kaye̱e̱r kaben.

aKolosi 1:20

Kamok wu ne Adakunom bun a tu ku bun be ike̱re̱ wu tá nye cice̱r nufu, ike̱re̱ i ta se kaye̱e̱r kazatse be kaye̱e̱r kaza. A ti be̱e̱n yir kameneng riye̱ be kunyosong naso̱k Igon wu natoon kukon.

1 aBitrus 3:22

aKiristi tseng kaye̱e̱r kaza, a se nubo̱k riya Adakunom, ámaleka cice̱r ne ribir áya a tin nye rigwo̱m natoon kaza se nubo̱k wu.

aKolosi 2:15

A ti shan ares itsom ba afe kukyem ne áfe rigwo̱m ba, nong a tú ku no̱o̱k ba isum nasho̱o̱n ánerawe, a tu ku canang ba kamok riku wu natoon kukon.

Afisa 6:12

Kamok sang kuren yir se be naso̱k be rinam baꞌ, amma be amaan nabik á ta se natoon kaza ne áfe rigwo̱m ne áfe kukyem ne áya rigwo̱m awhi kazatse na ta se nubo̱k ba.

aRom 8:38

Kamok mi ti no̱o̱k katsak dim ye riku ka kutser ka ámaleka ka ítseng ka kuse kyo̱o̱rna ka kufe kasho̱o̱n ka koakye kuri kukyem,

aYohana 1:10

Rife̱'me se kaye̱e̱r kazatse gbugbang, kamok be wu ne a tin nye kazatse, gip be anong kazatse'me tu ku ren baꞌ.

aRom 9:5

Kunik ba ne kaye̱e̱r átukop átukop áya a tá ren dide̱ng. aKiristi, kaye̱e̱r kuto̱ro̱ng rinerawe wuruk kaye̱e̱r kuri ba. Won Adakunom aya a ti nye rigwo̱m natoon koakye tu se̱ nakerek ma izen izen. Anong!