aKolosi 1:14 - Izere New Testament

¹⁴ Kamok wu ne yir tin se̱ yir kashesh a tin re̱ng yir rine̱n yir.

aKolosi 1:14 Referans Kwoze

Afisa 1:7

Kamok wu Adakunom ti sheshek yir be kunyosong naso̱k aYeso, ne yir se̱ yir kure̱ng rine̱n. A nye anong kamok agbang ritek wu,

Ibrani 9:22

Katsak'e, Itsi shim ye a ra kusu koakye ike̱ng be naso̱k, kamok ke a nyosong naso̱k baꞌ, a ta kyem a re̱ng rine̱n baꞌ.

Ibrani 9:12

A no̱ be naso̱k izha ka amung baꞌ. A no̱ naro̱ ka ta nar Kuse Zhe̱l be naso̱k wu kutak kuzining tsek nama a tin se̱ yir kashesh kafe izen izen.

Ike̱ng a ta tonong aYohana 5:9

Iyong á bom abom afas ne á fe̱ ye, “Wan kyem ta sok kufumung'e, wan kyem ta bisik idun'e kamok a tà ka tse̱e̱r. A ta nyosong naso̱k wan nong i tin shan ánerawe a ta te afe Adakunom. Wan shan Adakunom ánerawe cice̱r kaye̱e̱r koakye irem ne koakye izere ne koakye kaben.

aGalati 3:13

aKiristi ti shesh yir kaye̱e̱r kufiming afe i tá be yir kamok Itsi, be kute aner a tu ku fiming kamok yir. I se ni izibir ye, “Koangan afe a tu ku tigak, a tú fiming.”

aMatiyu 20:28

Anong ne Igon Anerawe be̱ nong a tu ku nye itomong baꞌ, amma nong a ta nye anerawe'me, ne a no̱o̱k kutser wu kamok kashesh ánerawe whe̱re̱.”

Ike̱ng a ta tonong aYohana 1:5

aYeso Kiristi, aya a ta tonong ike̱re̱ na kaye̱e̱r katsak se mak be yin. Wu ne a ta nye ime̱se̱ng'e kaye̱e̱r aya á ta dorok nure̱k be kutser, ne a ninye rigwo̱m natoon ágwo̱m kazatse cice̱r a ti tonong yir kushim, a tá nyosong naso̱k wu nong a tin shesh yir kaye̱e̱r rine̱n yir.

Afisa 5:2

Sor yin kusor ku naka shim kyo̱ndi aKiristi tin shim yir, a tá no̱o̱k rice wu kamok yir, kyo̱ndi asidaka aya a ta be iko̱o̱n itek, aya a ta nye kamok Adakunom.

1 aYohana 2:2

Wu ne a nye asidaka kure̱ng rine̱n yir. Kamok yir tsek baꞌ, amma ánerawe kazatse cei.

1 aBitrus 3:18

Kamok aKiristi so̱ risam ma a ku kamok rine̱n yir cice̱r kutak kuzining tsek, wu nye azhe̱l'e, amma a ku kamok áya sang á ta nye azhe̱l'e baꞌ nong a tà tseng be yir nufe Adakunom. A tú fe̱r nuro̱m amma Adakunom tú sak a dorok kaye̱e̱r kabik be kutser.

1 aYohana 2:12

Mi ta zibir yin'e, aya i ta ru nye yin inoon nabik kamok a ma ka re̱ng yin rine̱n yin, kaye̱e̱r riyerek aYeso.

aTitus 2:14

aYeso ne no̱o̱k rice wu nong a tin sheshek yir kaye̱e̱r amaan kunye yir ne a ni kusu yir nong tá sor yir áfu ne i shim kunye yir ike̱ng iya i ta nye itek.

1 aTimoti 2:6

Wu ne a no̱o̱k rice wu nong a tá sheshek ánerawe cice̱r, ike̱ng ife Adakunom ta tak kazatse nizen i tá se gye̱r'ong.

aKolosi 2:13

Nizen iya yin ta se yin kyo̱ndi ikom'e kaye̱e̱r rine̱n yin be kuwon dar kunye izhak ife kuse yin kufe rine̱n, Adakunom sak yin bun i te yin atser kaye̱e̱r aKiristi. A ti re̱ng yir rine̱n yir cei.

Afisa 4:32

Sor yin gye̱r be áfudang yin, naka di yin be kuro̱ riye̱ ne i naka nye yin igaas kyo̱ndi Adakunom ta ka re̱ng yin rine̱n yin kaye̱e̱r aKiristi.

Itomong Ámanzo 20:28

Ni sak yin riye̱ rice yin, ne kukpara kuya Kabik Kazhe̱l'e ta ka sak yin'e nong ta sor yin áko̱k kasho̱o̱n. Ya yin kasho̱o̱n be kufek áfikuus Adakunom áya wu tá shan be naso̱k Igon wu.

Itomong Ámanzo 10:43

Áner kuzarap cice̱r taas rife̱ natoon wu ye, koangan aya a tin no̱o̱k katsak ni wu a tu ku re̱ng rine̱n kaye̱e̱r riyerek wu.”

aKolosi 3:13

Naka tsesek yin be áfudang yin, ke akak kaye̱e̱r yin nye afudang wu rine̱n ne a ku re̱ng'e. Naka re̱ng yin rine̱n yin kyo̱ndi Agwo̱m Ágwo̱m ta ka nye yin'e.

Itomong Ámanzo 2:38

Ayong aBitrus fe̱ be ba ye, “Shishing kuse yin nong a ta ka nye yin abatisma kaye̱e̱r riyerek aYeso. A ta ka re̱ng yin rine̱n yin, nong ta se̱ yin Kabik Kazhe̱l'e kaya Adakunom ta nyesek.

1 aYohana 1:9

Amma ke yir taas yir Adakunom rine̱n yir, a tin re̱ng yir'e kamok wu be katsak ne a be kuse kutek, ne a ni kusu yir kaye̱e̱r koakye ike̱ng imaan'e.

Itomong Ámanzo 26:18

Wan ta ka karak ba anyisi nong á tà won awhi ne á be̱ na akanang. Á ta won kukuus Ishetan ne á be̱ nufe Adakunom nong ase̱ a ta ka re̱ng ba rine̱n ba, ne a ka sak ba be áya a ta se zhe̱l kamok kuno̱o̱k katsak ba ni mi.’

Ike̱ng a ta tonong aYohana 14:4

Áner na ne a nye áner aya á ta won rice ba zhe̱l, á kon tseng gbugbarak be aner abining baꞌ. Ba ne á tsang a kuus Aturuk'e koake̱ ne a tseng. A tu ku sheshek ba kaye̱e̱r ribir ánerawe ne ba se kyo̱ndi ku tes kakon kufe ime̱se̱ng'e kuya a ta no̱o̱k Adakunom be nasho̱o̱n Aturuk'e.

aLuka 5:20

aYeso tá fa di kuno̱o̱k katsak ba, yong a fe̱ ye, “Are̱, a ma ka re̱ng rine̱n wan.”

1 aKoranti 1:30

Kamok wu ne yin se yin kaye̱e̱r aYeso Kiristi aya a ta sor kukyem Adakunom nufe yir, wu ne a ti sak yir i ta se yir gye̱r, ne i se yir zhe̱l, ne i se̱ yir kashesh.