aKolosi 1:13 - Izere New Testament

¹³ Kamok wu ne a ti tun yir kaye̱e̱r rigwo̱m awhi, a tá tseng be yir kaye̱e̱r rigwo̱m Igon wu kaya wu ta shim.

aKolosi 1:13 Referans Kwoze

Itomong Ámanzo 26:18

Wan ta ka karak ba anyisi nong á tà won awhi ne á be̱ na akanang. Á ta won kukuus Ishetan ne á be̱ nufe Adakunom nong ase̱ a ta ka re̱ng ba rine̱n ba, ne a ka sak ba be áya a ta se zhe̱l kamok kuno̱o̱k katsak ba ni mi.’

Afisa 5:8

Kamok yin tsang i se yin na awhi gbugbang, amma kyo̱o̱rna yin se yin na akanang kamok Agwo̱m Ágwo̱m. Sor yin kyo̱ndi inoon akanang.

1 aBitrus 2:9

Amma yin, yin nye yin kuri kuya Adakunom tá kasa, be rice wu. Yin nye yin atsi Adakunom a ta nye Agwo̱m, yin nye yin ánerawe áya a ta nye azhe̱l'e, ánerawe áya a ta nye afu. A tá ka yis yin kaye̱e̱r awhi nong tà no̱ yin kaye̱e̱r akanang afe katsak nong tà taas yin ayiik itomong wu ife azhing.

Afisa 6:12

Kamok sang kuren yir se be naso̱k be rinam baꞌ, amma be amaan nabik á ta se natoon kaza ne áfe rigwo̱m ne áfe kukyem ne áya rigwo̱m awhi kazatse na ta se nubo̱k ba.

1 aTasalonika 2:12

Yir ta nyesek yin itabak ne i ka tsesek yin ne i bun i ka nye yin akusuk nong ta sor yin kuri kusor kuya Adakunom ta shim kamok wu ne a tá ka yis yin kaye̱e̱r kuyiik wu ne rigwo̱m wu.

Afisa 4:18

Kuren ike̱ng ba se whi ne á be kutser kufas kuri kuya Adakunom ta nyesek baꞌ, kamok kuri agbik rice ba ta be ne kushonong ba.

aRom 14:17

Kamok itak rigwo̱m Adakunom nye itak kuya ne a so̱ baꞌ, amma itak kuse gye̱r nasho̱o̱n Adakunom ne kusor caang be riye̱ rikan kaye̱e̱r Kabik Kazhe̱l'e.

1 aYohana 3:14

Yin ren yin, yir tsang i nye yir ikom'e cice̱r nabik, amma kyo̱o̱rna yir be yir kutser kamok yir shim yir áronyining yir. Aner aya afe a ta shim aronyining wu baꞌ, a nye kukom'e nabik.

2 aKoranti 4:4

Ba kyem a di katsak'e baꞌ, kamok aner aya a tin nye rigwo̱m nazatse na, n whe̱e̱n aye̱ ba. A sak ba kyem á di akanang aya a ta sam'ong baꞌ, a kanang na a ta wuruk kamok Rife̱ Ritek natoon kuyiik aKiristi, wu aya a ta taas Adakunom.

1 aYohana 3:8

Amma aya a ta yiir nye rine̱n nye afe Ishetan kamok Ishetan n me̱ ne a nye rine̱n kum ni ime̱se̱ng'e. Iyu ne i sak Igon Adakunom'me tá be̱ nong a tà yirik ike̱re̱ Ishetan'e tá nye cei.

aYohana 5:24

“Katsak'e, mi ta ka tak yin, koangan ne a ta fok rife̱ mi, ne a ni no̱o̱k katsak ni wu aya a tin tom, a be kutser kufe izen izen. A tu ku to̱ amok baꞌ, kamok an wher riku a ta se̱ kutser.

1 aYohana 2:8

Gip be anong i bun i te ifas. A ta kyem a di katsak itsi na nuse aYeso ne a di nuse yin. Kamok awhi'me nye ne a wei, ne akanang'e afe katsak n san kuya gip.

2 aBitrus 1:11

Be anong ne a tà ka shan yin ibo̱k ifa kaye̱e̱r rigwo̱m Agwo̱m Ágwo̱m rife̱ izen izen rife̱ Aner Kashesh yir.

aLuka 13:24

“Nye yin koakye yin tana kyem i nye yin nong tà no̱ yin nanu kutu ka ta se whe̱. Won tà ka tak yin, ánerawe whe̱re̱ ta shim kuno̱, á tà ra kyem á no̱ baꞌ.

Ibrani 2:14

Kum inoon'e ta be rinam be naso̱k, wu gip a sok kuse rinerawe nong ase̱ kamok riku wu a ta yirik agap aya riku ta se nubo̱k wu, aner'e nye Ishetan

aYohana 17:24

“Ada, mi shim áfe wan tá min no̱o̱k tu se mak be mi naro̱ kaya mi tu ku se, ne á di kuyiik'i, kuyiik kuya wan tin tiyiik mo kamok wan tin shim nizham a tá ra nye kazatse.

aLuka 22:53

Mi se be yin ye̱r ye̱r kaye̱e̱r agbang kutu kuya Adakunom iben, yin ti sak yin kubo̱k natoon'i baꞌ, amma izen ife yin na, izen amaan aner tin nye rigwo̱m nawhi.”

aMatiyu 3:17

Ne kuto̱ kukak wuruk naza ye, “Wan ne inye Igon'i kaya mi ta shim. Mi fok kusas wu dide̱ng.”

aMatiyu 25:34

“Ne Agwo̱m'me fe̱ be áya a ta se nabas kubo̱k riya wu ye, ‘Be̱ yin, yin aya Ada mi ta ma ka te yin kuce̱. Be̱ tà sok yin rigwo̱m riya Adakunom ta ma ka nye yin'e kum nizen a tá nye kazatse.

Afisa 1:6

A nye anong, nong yir tà kerek yir kuyiik ritek wu, riya wu tin no̱o̱k yir nawarak kamok Igon wu kaya wu ta shim.

aMatiyu 17:5

Kum ne a ru fe̱ kanu, kune̱n kukak ku ta se kanang be̱ ku tú kis ba ne kuto̱ kukak wuruk naza ye, “Ayu ne a nye Igon'i kaya mi ta shim. Mi fok kasas wu dide̱ng. Ku fok yin kuto.”

aYohana 3:35

Atek'e shim Igon wu, ayong a sak koakye nubo̱k wu.

2 aKoranti 11:14

I nye ike̱ng azhing baꞌ, kamok Ishetan be rice wu gip, a sok rice wu kyo̱ndi amaleka akanang.

Afisa 5:5

Kamok yin ren yin tseng tseng ye aner a ta nye rikuna ka aner a ta nye ike̱re̱ isum ka aner a ta be rinyisi rikan (aner kuri ayong se kyo̱ndi aner a ta kuus itsi) á be ishorong kaye̱e̱r rigwo̱m aKiristi ka rife Adakunom baꞌ, ko cie̱k.