aKolosi 1:12 - Izere New Testament

¹² ne i yiir nye yin riye̱ rikan be Ada, kamok wu ne a sak yir ta kyem i te yir áfe kuya kutse ike̱re̱ na, iya a tá nye kamok ázhe̱l'e kaye̱e̱r rigwo̱m akanang.

aKolosi 1:12 Referans Kwoze

Itomong Ámanzo 20:32

“Kyo̱o̱rna, mi ta won yin nubo̱k Adakunom. Ritek wu se mak be yin. Wu ta sak yin tin barang yin kukpa agap ne a ka no̱o̱k kutse kaye̱e̱r áner aya wu ta sak an te zhe̱l.

Afisa 1:11

Kamok wu ne Adakunom tsang a ni kasa yir nong ta te yir afu. Wu ne a nye koakye kyo̱ndi riye̱ wu ta shim.

Afisa 1:18

Mi bun i nye aduwa ye Adakunom ra ka karak yin aye̱ nong yin tin barang yin kuren ike̱ng i ta sak yin tin te yin riye̱ ni ike̱ng wu tá ka yis mo yin, ku ta bun kunye, kurum wu agbang kuya ázhe̱l'e tana ya kutse'me.

Itomong Ámanzo 26:18

Wan ta ka karak ba anyisi nong á tà won awhi ne á be̱ na akanang. Á ta won kukuus Ishetan ne á be̱ nufe Adakunom nong ase̱ a ta ka re̱ng ba rine̱n ba, ne a ka sak ba be áya a ta se zhe̱l kamok kuno̱o̱k katsak ba ni mi.’

Afisa 3:6

Kanye̱k'e se ye kamok kutaas Rife̱ Ritek Adakunom, nong áner aya a ta nye áner aYahuda baꞌ ta se̱ kuya kutse mak be áner Isarela. Ba te kyo̱ndi aner azining ne á se̱ kukap mak be áner Isarela, kaye̱e̱r ike̱ng iya Adakunom tá tsang a fe̱ ye wu ta no̱o̱k kamok aYeso Kiristi.

2 aKoranti 5:5

Adakunom be rice wu ne a ti nye yir iren kushishing'e, a ti no̱o̱k yir kabik wu nong ka tin tonong yir kanang ike̱ng iya Adakunom ta fe̱ ye wu tana nye dim.

aRom 8:17

To̱, ke i nye ye yir nye yir inoon'e, i nye ye yir nye yir áya kutse Adakunom, ta ya yir kutse'me mak be aKiristi kum ke i nye ye yir tà so̱ yir risam mak be wu nong ta se̱ yir kuyiik mak be wu.

Ibrani 3:14

Yir ta te yir azining be aYeso ke i yiir yir katsak yir ta be yir kum ni ime̱se̱ng'e kpa ma nigang'e.

aYohana 14:6

aYeso fe̱ be wu ye, “Mi ne i nye iren, ne i nye katsak ne i nye kutser. Akak ta kyem tseng nufe Ada'me baꞌ, ma a gor nunaan.

Ike̱ng a ta tonong aYohana 21:23

Agbang kuwo̱p'e tse̱r akanang kunom ka kufe̱n baꞌ, kamok kuyiik Adakunom ne kunye akanang'e ne Aturuk'e ne a nye apitila'me

Ibrani 12:23

Yin n be̱ yin kaye̱e̱r áfikuus, áya a ta nye inoon nafe ife ime̱se̱ng'e áya ayerek ba ta se nuzibir kaye̱e̱r kaza. Yin n be̱ yin nufe Adakunom aya a tana to̱ ánerawe cice̱r amok ne nufe nabik áner aya a ta se zhe̱l, áya a ta shining gye̱r.

aKolosi 2:2

Mi nye anong, nong ase̱ ba ta se̱ kutsesek kaye̱e̱r aye̱ ba, ne kushim kugung rice, kamok a nong á ta se̱ agbang kurum'ong, ku ta nye kuren ike̱ng cei, nong á ta ren kanye̱k Adakunom ka ta se nune̱re̱ng ka ta nye aKiristi.

Afisa 5:20

Koakye izen, yiir tosong yin Ada Adakunom riye̱ rikan kamok koakye, kaye̱e̱r riyerek Agwo̱m Ágwo̱m yir aYeso Kiristi.

1 aKoranti 8:6

gip be anong, yir ren yir ye Adakunom se azining. Wu ne a nye Ada aya a ta nye koakye ike̱ng, yir sor yir kamok wu. Yir ren yir ye Agwo̱m Ágwo̱m se azining. Wu ne a nye aYeso Kiristi aya be wu ne a nye koakye, kamok wu ne yir ti sor yir.

aRom 15:27

A nye riye̱ rikan nong á ta nye anong, i sor itomong ba a tana nye dim. Ke i nye ye áner aYahuda tin se̱ áner aya sang a ta nye áner aYahuda baꞌ nike̱re̱ kabik, i se gye̱r ke ba min se̱ áner aYahuda nike̱re̱ ife kuro̱m.

aYakub 3:9

Be irem'e ne yir ti tiyiik yir Adakunom yir, be wu ne yir bun i fiming yir anerawe, aya a ta ma ka nye ba di Adakunom.

Ibrani 3:1

Kamok anong, ároneng azhe̱l'e, yin áya i tin se yin kaye̱e̱r kuyis kufe kaza na, to̱, yin tsik natoon aYeso, a ta nye Amanzo ne Agbang Atsi niren yir ta min no̱o̱k yir katsak.

aKolosi 3:17

Koakye ike̱ng iya yin tana nye yin, ko kaye̱e̱r kufe̱ kanu ko kaye̱e̱r kunye ike̱ng, nye yin cice̱r kaye̱e̱r riyerek aYeso Agwo̱m Ágwo̱m, ne i tonong yin Adakunom riye̱ rikan kamok wu.

aKolosi 3:15

Won kameneng riye̱ aKiristi tin nye rigwo̱m kaye̱e̱r aye̱ yin. Kamok kyo̱ndi kuro̱m kuzining ne a tá yis yin nong ta sor yin áfe caang. Sor yin áfe kunye riye̱ rikan be Adakunom koakye izen.

Afisa 5:4

Ka a tu fok amaan kunye, ka akpe̱de̱ng rife̱ ka ame̱rzhe̱k rife̱ kaye̱e̱r yin baꞌ, kamok i se gye̱r a ta foos rife̱ kuri riyong kaye̱e̱r yin baꞌ, amma ban yiir tonong yin Adakunom riye̱ rikan ingya.

Afisa 4:6

Adakunom se azining, wu ne a nye Ada yir cice̱r. Wu ne a se natoon yir cice̱r, ne a ninye itomong be yir cice̱r ne a se kaye̱e̱r yir cice̱r.

1 aKoranti 9:23

Mi nye anong kamok Rife̱ Ritek aYeso nong ase̱ mi tin se̱ kanu kanaan kaye̱e̱r Rife̱ Ritek'e.

aRom 11:17

Ke a bo̱ iwhang rifar riya ri ta ta, to̱, yin aya i ta se yin kyo̱ndi iwhang'e iya i ta ta baꞌ, a ta sok a tin gung mo, kyo̱o̱rna yin ma se̱s yin ashi'me aya a ta ta,

aRom 9:23

A nye anong nong a tà tonong agbang kuyiik wu natoon áya wu ta ro̱ riye̱ ba, aya wu tá tsang a sak kum ni ime̱se̱ng'e nong a ta se̱ kuyiik wu.

aYohana 20:17

aYeso fe̱ be wu ye, “Sang tin yiir baꞌ, kamok mi n ngarak nufe Ada nizham baꞌ. Amma tseng nufe ároneng, tà su ku tak ba ye, ‘Mi tù ku bun nufe Ada mi ne a nye Ada yin. Adakunom mi ne a nye Adakunom yin gip.’ ”

aYohana 4:23

Amma izen saase, n nye, ife áfe kuya Adakunom iben kaye̱e̱r katsak tana ya Ada'me kaye̱e̱r kabik be katsak, kamok ba ne á nye kuri aya afe Ada'me ta tse̱r.

aMatiyu 25:34

“Ne Agwo̱m'me fe̱ be áya a ta se nabas kubo̱k riya wu ye, ‘Be̱ yin, yin aya Ada mi ta ma ka te yin kuce̱. Be̱ tà sok yin rigwo̱m riya Adakunom ta ma ka nye yin'e kum nizen a tá nye kazatse.

Ike̱ng a ta tonong aYohana 22:14

“Aner riye̱ rikan ne a nye áner aya a tan kusu akpiin ba nong ase̱ á ta se̱ iren kuya kutse kakon kutser, ne á kuus kanukutu nong á ta no̱ kaye̱e̱r kuwo̱p'e.

Ike̱ng a ta tonong aYohana 22:5

Karo̱ ba sen te katuk baꞌ. Ánerawe tà ba tse̱r akanang kunom ka apitila nong a tin di karo̱ baꞌ, kamok Adakunom, Agwo̱m Ágwo̱m ne a tà nye akanang ba. Á tà nye rigwo̱m ma izen izen.

1 aYohana 1:3

Yir sen ka taas yin rife̱ natoon aya yir tá di yir ne yir ku fok yir, nong ase̱ yir tà te yir kyo̱ndi aner azining ne kusor yir se kuzining be Adakunom a ta nye Ada'me ne Igon wu aYeso Kiristi.

1 aBitrus 5:1

Mi ako̱k kasho̱o̱n ikilisiya, mi aya mi tá di kuri risam riya aKiristi tá so̱ be anyisi mi. Mi aya i tana se̱ ishorong'i nasho̱o̱n kaye̱e̱r kuyiik a tana tonong, mi nye áko̱k kasho̱o̱n ikilisiya áfudang'i a ta se kaye̱e̱r yin akusuk ye,

aTitus 2:14

aYeso ne no̱o̱k rice wu nong a tin sheshek yir kaye̱e̱r amaan kunye yir ne a ni kusu yir nong tá sor yir áfu ne i shim kunye yir ike̱ng iya i ta nye itek.

2 aKoranti 11:14

I nye ike̱ng azhing baꞌ, kamok Ishetan be rice wu gip, a sok rice wu kyo̱ndi amaleka akanang.

Afisa 2:18

Kamok wu ne yir ti se̱ yir iren ku be nufe Ada, iren izining, iya ita se kaye̱e̱r Kabik.

Afisa 5:8

Kamok yin tsang i se yin na awhi gbugbang, amma kyo̱o̱rna yin se yin na akanang kamok Agwo̱m Ágwo̱m. Sor yin kyo̱ndi inoon akanang.

Afisa 5:11

Kam yin be akpe̱de̱ng ike̱re̱ awhi, ban i te̱s yin ike̱re̱'me ingya.