aKolosi 1:10 - Izere New Testament

¹⁰ Yir nye yir aduwa nong ase̱ yin ta sor yin kusor kuri kuya ku ta tas kufe áfikuus Agwo̱m Ágwo̱m ne i nye yin ike̱re̱ iya i tana ku kare̱p riye̱ na koakye kuri iren. Kuri kusor yin ta sor yin ta tonong ye kuse kutek ne yin ni barang yin kurasak kaye̱e̱r kuren Adakunom.

aKolosi 1:10 Referans Kwoze

Afisa 4:1

Kamok anong, mi aya mi ta se nitso̱m kamok mi ta kuus Agwo̱m Ágwo̱m, mi ta nye yin akusuk ye yin ra sor yin kusor kutek kuya ku ta se kyo̱ndi agbang kuyis kuya a tá ka yis mo yin.

Ibrani 13:21

ta ka no̱o̱k yin koakye ike̱ng i ta nye itek, nong ta nye ike̱ng iya wu ta shim. Won wu tu nye ike̱ng iya i tu ku se gye̱r be yir kaye̱e̱r aYeso Kiristi. Won kuyiik tu sor kufu ma izen izen. Anong!

1 aYohana 3:22

Adakunom tin no̱o̱k yir koakye yir tu ku rip yir, kamok yir kuus yir rife̱ wu ne i nye yir ike̱re̱ wu ta shim.

aYohana 15:16

Sang yin ne i ti kasa yin baꞌ, amma mi ne i tá ka kasa yin, nong ta se tes yin kutes kutek, kuya ku tana sor ma izen izen. Be anong ne Ada mi tà ka no̱o̱k yin koakye ike̱ng iya yin ta rip yin kaye̱e̱r riyerek'i.

1 aTasalonika 4:1

Ni igang'e ároneng, yir ta nye yin izong ne i bun i ka no̱o̱k yin itabak kaye̱e̱r riyerek Agwo̱m Ágwo̱m yir ye, sor yin kuri kusor kuya Adakunom tana fok kusas'e kyo̱ndi yir tá ka bo̱so̱p yin'e. Yin sor yin kusor kutek gye̱rtatan, amma nibarang yin kunye anong.

Ibrani 13:16

Sang tu won ku naka tobok yin ne i naka nye yir ritek baꞌ, kamok riye̱ Adakunom kare̱p be asidaka kuri ayong.

aYohana 15:8

Nye yin itomong iya Adakunom ta shim nong tà tonong yin ye yin nye yin álimazhiri wu, kamok iyu ne i tà be̱ be Ada'me kuyiik.

aTitus 3:14

Áner yir ra bo̱so̱p kuno̱o̱k ace ba dim nong á ta nye ike̱ng iya i ta nye itek, ne á ren iren kutobok ánerawe na agbang ike̱re̱ ba tà tse̱r. Á tu sor a kpe̱de̱ng kusor baꞌ.

2 aBitrus 3:18

Amma ban i ni barang yin kuya kasho̱o̱n kaye̱e̱r ritek ne kuren Agwo̱m Ágwo̱m yir aYeso Kiristi, Aner Kashesh ingya. Kuyiik ra sor kufu kyo̱o̱rna ma izen izen. Anong!

2 aBitrus 1:8

Ke yin be yin kuse kutek anong koakye izen, kuren Agwo̱m Ágwo̱m yin ta ren yin ta ka be̱n yin ifeng ne itomong nufu.

aKolosi 2:6

To̱, kum yin ta shan yin aYeso aKiristi a ta te Agwo̱m Ágwo̱m yin, ya yin kasho̱o̱n be kusor yin kaye̱e̱r wu.

1 aTasalonika 2:12

Yir ta nyesek yin itabak ne i ka tsesek yin ne i bun i ka nye yin akusuk nong ta sor yin kuri kusor kuya Adakunom ta shim kamok wu ne a tá ka yis yin kaye̱e̱r kuyiik wu ne rigwo̱m wu.

aKolosi 4:5

Sak yin riye̱ be kutseng yin kaye̱e̱r áner aya sang á ta nye áfikuus baꞌ. Ni nye yin itomong be koakye izen ife yin ta se̱ yin.

Afisa 5:15

Kamok anong, sak yin riye̱ be kuri kusor yin dide̱ng, sang tu sor yin kyo̱ndi áfe a ta se dar ritse̱ng baꞌ, amma sor yin kyo̱ndi áfe a ta be ritse̱ng.

Afisa 2:10

Kamok yir be rice yir, yir nye yir ike̱ng iya Adakunom'me tá nye. A tin shishing yir kamok aYeso aKiristi nong tá nye yir itomong itek, iya Adakunom'me tá tsang a sak ta nye yir.

2 aKoranti 2:14

Amma mi be riye̱ rikan be Adakunom, wu aya a tin ko̱k yir kasho̱o̱n ye̱r ye̱r nong yir ta canang yir kazatse kamok aKiristi. A tin nye itomong be yir nong tà tseng yir be itak aKiristi koakye kyo̱ndi name na ta be iko̱o̱n itek ta nyus dide̱ng.

aRom 6:4

Kamok abatisma yir a ti ne̱r yir mak be wu, yir te yir azining be wu kaye̱e̱r riku wu. Kyo̱ndi a tá dorok aKiristi nure̱k be kutser be kuyiik Ada'me, anong ne yir gip ta sor yir kaye̱e̱r kusor kufas.

Afisa 5:10

Ne i tse̱r yin ike̱ng iya i tana kare̱p Adakunom riye̱.

Afisa 5:2

Sor yin kusor ku naka shim kyo̱ndi aKiristi tin shim yir, a tá no̱o̱k rice wu kamok yir, kyo̱ndi asidaka aya a ta be iko̱o̱n itek, aya a ta nye kamok Adakunom.

aFilipi 1:27

Koakye ne i nye, sor yin kusor ku ta taas kufe áner a tanin no̱o̱k katsak Rife̱ Ritek aKiristi. Mi ta be̱ ta ka di yin, ka ta fok itak yin tsek, nong mi ta ren ye yin n gung yin rice be kuto̱ro̱ng kuzining.

aFilipi 1:11

Kamok nong, yin tà shining yin be kuse kuzhe̱l'e a ta se̱ nufe aYeso Kiristi nong ase̱ Adakunom tà se̱ kuyiik be nakerek.

1 aYohana 5:20

Yir ren yir gip ye Igon Adakunom m be̱ nong a tin no̱o̱k yir kuren ike̱ng nong ta ren yir aya a ta nye katsak. Yir se yir kaye̱e̱r Adakunom a ta nye katsak, kamok yir se yir kaye̱e̱r Igon wu aYeso Kiristi. Wu ne a nye Adakunom afe katsak ne a nye kutser kufe izen izen.

aTitus 3:1

Yiir yiring ánerawe wan'e ye á ra fok áko̱k kasho̱o̱n ne áfe ágwo̱m kaben ba kuto, á ra kuus ike̱ng iya ba ta fe̱ ne á sor be kanye̱k kunye koakye i ta se gye̱r.

aKolosi 3:20

Yin inoon, fok yin áda be ángo̱ yin kuto kaye̱e̱r koakye kuri ike̱ng, kamok ike̱ng Agwo̱m Ágwo̱m ta shim'ong.

Afisa 4:13

Be anong ne yir cice̱r i se̱ yir kuno̱o̱k katsak kuzining natoon Agwo̱m Ágwo̱m ne i te yir azining natoon kuren Igon Adakunom. Yir ta te yir áner aya a tan te ánerawe nong ta se yir natoon kagarang kaya ka ta se gye̱r kyo̱ndi aKiristi.

Ibrani 11:5

Natoon kuno̱o̱k katsak ne a ti sok aEnok be kutser, a di riku baꞌ. A tú tse̱r, amma a tú ku se̱ baꞌ, kamok Adakunom tú sok. A tú ku kerek ye a nye akak kaye̱e̱r áfe a tá kare̱p Adakunom riye̱ nizham a tá ra ku sok.

2 aTimoti 2:4

aSozha akak kuse a ta se kaye̱e̱r itomong a tana bun a te rice wu ni ike̱re̱ kazatse baꞌ, kamok ike̱ng ife asozha ta shim nye a tu kare̱p atekasa wu riye̱.

aKolosi 2:19

Aner kuri ayong n kam be aner a ta nye rice'me, wu aya kuro̱m'e cice̱r ti fereng natoon wu ne ku se nagung ne ku rasak kyo̱ndi Adakunom ta shim.

aFilipi 4:18

A min karang cei, ma i nar ike̱ng iya mi ta tse̱r. Mi ma se̱ ike̱ng mi ta tse̱r makong, kyo̱o̱rna mi ta shan ike̱re̱ iya yin tá no̱o̱k yin Apafurotus. Ike̱re̱'me se kyo̱ndi name iko̱o̱n itek, asidaka aya Adakunom ta shan ne a fok kusas'e.

Afisa 1:17

Mi yiir kunye aduwa ye Adakunom afe Agwo̱m Ágwo̱m yir aYeso Kiristi, Ada yir ayiik'e ye a ra ka no̱o̱k yin kabik kafe kukyem ne kafe kuren ike̱ng nong ase̱ yin tù ku ren yin dide̱ng.

2 aKoranti 9:8

Adakunom ta kyem a ka no̱o̱k ritek wu ma ri ta nar ike̱ng iya wan ta tse̱r, nong ase̱ koakye izen, yin ta se̱ yin koakye ike̱ng iya yin ta tse̱r yin, nong yin ta nye yin itomong itek dide̱ng.

aYohana 17:3

Kutser kufe izen izen'e nye ye, ánerawe ra ka ren ye, wan ze̱r ne i nye Adakunom afe katsak, ne á ren aYeso Kiristi aya wan tá tom.

2 aKoranti 4:6

Kamok Adakunom fe̱ ye, “Won akanang tu ya kaye̱e̱r awhi.” Wu ne a sak akanang'e ta sam kaye̱e̱r aye̱ yir, nong a ta sam kaye̱e̱r ánerawe nasho̱o̱n nong a ta ren kuyiik Adakunom nanyisi aKiristi.

aRom 4:12

Anong ne Ibrahim te ako̱k kasho̱o̱n áya a tú ku nye ba izhak gip, sang kamok á tú ku nye ba izhak tsek baꞌ, amma á kuus kuri kuno̱o̱k katsak ada yir Ibrahim tá be kum ne a mu ku nye izhak baꞌ.

aRom 1:13

Ároneng, mi shim yin tu ren yin ye mi n shim kube̱ nufe yin gbugbang, amma ike̱re̱ ikak ti roon kube̱. Mi shim ta se̱ áfudang yin ákak ya tana rasak nabik kaye̱e̱r yin kyo̱ndi mi tá se̱ nufe áner aya sang a ta nye áner aYahuda baꞌ.

2 aKoranti 5:9

Iyong ne i sak yir nar kushim yir wu ta fok kusas yir, ka i tuse yir kaye̱e̱r kazatse ka kaye̱e̱r kaza.

3 aYohana 1:6

Ákak ba taas afikuus aze kuri kutonong kushim wan tú ku tonong ba. I ta se gye̱r ke wan tu tes ba niren kyo̱ndi Adakunom ta shim.