Afisa 6:9 - Izere New Testament

⁹ Yin átekasa nye yin anong be ásam yin gip. Sang ta ka shirik yin ba baꞌ. Ren yin ye yin be ba cice̱r Atekasa yin se kaye̱e̱r kaza, wu kasa akak ze̱e̱r baꞌ.

Afisa 6:9 Referans Kwoze

aKolosi 3:25

Aner aya ne a nye amaan ike̱ng iya a tù ku karang'e be imaan'e, kamok sang Adakunom be kushim rice baꞌ.

Itomong Ámanzo 10:34

Ayong aBitrus kpaan rife̱ ye, “Kyo̱o̱rna ne mi ra ma ren ye i nye katsak, Adakunom kasa baꞌ.

aRom 2:11

Kamok Adakunom daam ka wan nye angan e̱ baꞌ.

aLuka 6:31

Nye yin ánerawe ike̱ng iya yin ta shim yin ba ta ka nye yin'e.

aMatiyu 7:12

Kamok anong, koakye afe yin ta shim yin ánerawe tà ka nye yin'e, yin gip, ku nye yin ba'me. Kamok iyong ne inye kunik Itsi aMusa ne kubo̱so̱p áner kuzarap.

aYakub 2:13

Kamok koangan a ta se dar kuro̱ riye̱, Adakunom tu ku to̱ amok dar kuro̱ riye̱. Kuro̱ riye̱ be kusas riye̱ natoon amok.

aYakub 2:8

Ke yin sak yin agbang itsi iya i ta se kaye̱e̱r Kufumung Adakunom naye̱ ye, “Shim aner agbak wan kyo̱ndi rice wan.” I se gye̱r anong.

1 aKoranti 1:2

Yin áfikuus Adakunom i ta se yin na aKoranti áya a tá te ázhe̱l'e, áya a tá ka yis ba nong á tà sor zhe̱l kaye̱e̱r aYeso aKiristi, mak be áner aya a ta se koake̱, á ta yis riyerek Agwo̱m Ágwo̱m yir aYeso Kiristi, a ta nye Agwo̱m Ágwo̱m ba, ne a nye Agwo̱m Ágwo̱m yir cice̱r.

aYohana 13:13

Yin ti yis yin ye ‘Aner Kubo̱so̱p’ be ‘Agwo̱m Ágwo̱m,’ i se gye̱r anong, kamok mi nye anong.

aYakub 5:4

Di yin, itso̱m yin ta gaar kukarang yin áfe a ta ka nye yin itomong nako̱ yin ta sen tos natoon yin. Nanak áfe itomong ishamang'e n tseng nato Ada Adakunom.

1 aKoranti 7:22

Koangan aya a tá tsang a nye asam nizham Agwo̱m Ágwo̱m tá ra ku yis, a ba nye asam baba baꞌ. Anong ne asam aya Agwo̱m Ágwo̱m tú ku no̱o̱k kusor washak, n te asam aKiristi makong.

aMatiyu 24:51

Atekasa'me tu ku yiir ne a ku tsor ma kuro̱m ta tasak, a tu ku gung mak be ákardak áner, kaye̱e̱r karo̱ a tana tos ne á ya anyi.

aMatiyu 24:48

Amma ke asam'me nye amaan'e, a tà to̱ riye̱ wu ye, ‘Atekasa mi tà sor izen dide̱ng nizham a ta ra be̱.’

aMatiyu 22:10

Iyong ásam ame tseng ni nanu íren ame á ta se tusung áner ba ta se̱ cice̱r, áya a ta be kuse kutek be ámaan'e ma kutu kunye riye̱ rikan'e shining be átsen.

aMatiyu 22:8

“Ne a fe̱ be ásam wu ye, ‘An gang kunye kanye̱k riye̱ rikan kuwe̱ne̱ng'e, amma áner mi tú ku yis'e kyem a be̱s baꞌ.

aKolosi 4:1

Yin átekasa nye yin be ásam yin gye̱r ne i se yin whiwhe̱ kamok yin ren yin ye yin gip yin be yin Atekasa akak kaye̱e̱r kaza.