Afisa 6:6 - Izere New Testament

⁶ Sang tu nye yin nong ta ka kare̱p yin ba aye̱ ka kamok ba ta ka ye̱re̱k yin tsek baꞌ, amma kyo̱ndi ásam aKiristi ne i nye yin ike̱ng iya Adakunom ta shim be riye̱ rizining.

Afisa 6:6 Referans Kwoze

1 aTasalonika 2:4

Yir ban i fe̱ yir kyo̱ndi áner aya Adakunom tá kasa ingya nong a tin no̱o̱k yir itomong kunye awazi Rife̱ Ritek wu. Sang yir fe̱ yir nong tà kare̱p yir ánerawe riye̱ baꞌ amma Adakunom aya a tá ren kuto̱ro̱ng yir.

aGalati 1:10

To̱, yong yin di yin ye, mi shim ánerawe tin kerek ka Adakunom e̱? Ka yin di yin ye, mi shim ta kare̱p ánerawe riye̱ a? Ke i fa nye ye mi ru shim ta kare̱p ánerawe riye̱, ke mi ba nye asam aKiristi baꞌ.

Afisa 5:17

Kamok anong tu te yin áfunam'e baꞌ, amma ren yin ike̱ng iya i ta nye riye̱ Agwo̱m Ágwo̱m.

1 aBitrus 4:2

Kamok anong, yin ba bun a sor yin kusor kuri kufe kazatse na be kukuus amaan kushim riye̱ yin baꞌ, amma yin nye yin ike̱ng iya Adakunom ta shim.

aFilipi 2:12

Kamok anong, ároneng áya mi ta shim, kyo̱ndi yin tan me̱ ne i ni fok yin ato, ko mi tu se mak be yin baꞌ, to̱, kyo̱o̱rna mi se mak be yin baꞌ. Ya yin kasho̱o̱n be kunye itomong kutonong kashesh yin be kufok inyim Adakunom ne ku sor kutek.

aMatiyu 12:50

Kamok koangan, afe a ta nye ike̱ng iya Ada mi afa a ta se kaye̱e̱r kaza ta shim, ne a nye ango̱ mi be áronyining'i ne ángasnyining'i.”

Ibrani 13:21

ta ka no̱o̱k yin koakye ike̱ng i ta nye itek, nong ta nye ike̱ng iya wu ta shim. Won wu tu nye ike̱ng iya i tu ku se gye̱r be yir kaye̱e̱r aYeso Kiristi. Won kuyiik tu sor kufu ma izen izen. Anong!

Ibrani 10:36

Tsesek yin, ta se̱ yin ike̱ng iya Adakunom tá no̱o̱k kuto̱ ye a tà ka no̱o̱k ke yin nye yin ike̱ng iya wu ta shim.

aKolosi 1:9

Kamok anong ne isak kum nizen iya yir tá fok yir itak natoon yin, yir won kunye yir aduwa kamok yin baꞌ. Yir nye yir izong ye Adakunom ra ka tonong yin ike̱ng iya wu ta shim dim nong ase̱ yin ta se̱ yin kukyem Kabik, ne i ren yin ike̱ng kunye.

aMatiyu 7:21

“Sang koangan afe a tin yis ye, ‘Agwo̱m Ágwo̱m’ ne a tà no̱ kaye̱e̱r kaza baꞌ, ma ke aya a tá nye ike̱ng iya Ada mi aya a ta se kaye̱e̱r kaza ta shim.

1 aYohana 2:17

Kazatse na, be amaan kushim ike̱re̱ i ta se kaye̱e̱r kazatse'me ta gang, amma aner aya a ta nye ike̱re̱ Adakunom ta shim a tà sor ma izen izen.

aRom 6:17

Amma yir be yir riye̱ rikan be Adakunom kamok rine̱n ne ri tsang ri ti nye rigwo̱m natoon yin gbugbang, amma kyo̱o̱rna be riye̱ rizining yin kuus yin ike̱re̱ a tá ka bo̱so̱p yin'e.

aKolosi 4:12

Abafaras a ta nye azining kaye̱e̱r yin ne a bun a nye asam aYeso Kiristi ta nye yin ashou. A yiir rus ne a ka nye yin aduwa dide̱ng koakye izen nong yin ta kyem i nyeseng yin be agap ne i nye yin ike̱ng iya Adakunom ta shim. Kyo̱ndi áya a ta min no̱o̱k katsak na Adakunom be riye̱ rizining.

1 aBitrus 2:15

Kamok Adakunom shim yin tu nye yin katsak fan aner aya a ta be akpe̱de̱ng kuto̱ natoon yin bu se ike̱ng rife̱.

1 aTasalonika 4:3

Kushim Adakunom se ye: yin ra sor yin zhe̱l; won yin kunye rikuna.

aMarkus 3:35

Koangan afe a ta nye ike̱ng iya Adakunom ta shim, nye ango̱ mi ne áronyining'i ne ángasnyining'i.”

1 aKoranti 7:22

Koangan aya a tá tsang a nye asam nizham Agwo̱m Ágwo̱m tá ra ku yis, a ba nye asam baba baꞌ. Anong ne asam aya Agwo̱m Ágwo̱m tú ku no̱o̱k kusor washak, n te asam aKiristi makong.