Afisa 6:5 - Izere New Testament

⁵ Yin ásam, kuus yin ike̱ng iya átekasa yin áfe kazatse ta fe̱ be yin be inyim ne ikap kutiim be riye̱ rizining kyo̱ndi aKiristi ne yin sen ku nye yin'e.

Afisa 6:5 Referans Kwoze

Afisa 5:22

Yin ányining iwe̱ne̱ng kuus yin ike̱ng atek yin ta fe̱ be yin kyo̱ndi yin ta kuus yin Agwo̱m Ágwo̱m.

1 aBitrus 3:2

Á tà di kuse zhe̱l yin be kufok ato yin ne á shishing.

aFilimon 1:16

Sang kyo̱ndi asam baba baꞌ, amma áner aya a ta nar ásam, kyo̱ndi aronyining wan aya wan tá shim dide̱ng. Mi ren wan ku shim dide̱ng ne i ni nar kyo̱ndi anerawe be aronyining kaye̱e̱r Agwo̱m Ágwo̱m yir.

aFilipi 2:12

Kamok anong, ároneng áya mi ta shim, kyo̱ndi yin tan me̱ ne i ni fok yin ato, ko mi tu se mak be yin baꞌ, to̱, kyo̱o̱rna mi se mak be yin baꞌ. Ya yin kasho̱o̱n be kunye itomong kutonong kashesh yin be kufok inyim Adakunom ne ku sor kutek.

2 aKoranti 1:12

Ike̱ng yir tin ya yir kuka nye, kamok yir sor yir kusor kuzhe̱l nazatse ne i sor yir be riye̱ rizining nizen iya yir tá se yir mak be yin. Yir sor yir zhe̱l be katsak kuri kufe Adakunom sang be ritseng kuri rife kazatse na baꞌ, amma kamok ritek Adakunom.

1 aKoranti 7:22

Koangan aya a tá tsang a nye asam nizham Agwo̱m Ágwo̱m tá ra ku yis, a ba nye asam baba baꞌ. Anong ne asam aya Agwo̱m Ágwo̱m tú ku no̱o̱k kusor washak, n te asam aKiristi makong.

aMatiyu 8:9

Kamok mi se nubo̱k akak gip, ne ásozha akak se nubo̱k'i gip. Ke mi fe̱ be akak ye, ‘Tseng,’ ne á tseng ne mi fe̱ be akak ye, ‘Be̱,’ ne a be̱. Mi fe̱ be asam mi ye, ‘Nye iyu,’ ne a nye.”

aMatiyu 6:24

“Koakak kuse a tana kyem a nye átekasa afa itomong ni izen izining baꞌ. Ke a nye anong, a ta shim akak ne a rawu akak, ka ne a tiyiik akak ne a zhe̱e̱sh akak. Yin ta kyem i ti te yin riye̱ ni ikuus Adakunom ne i bun i ni te yin riye̱ ni itso̱m baꞌ.

Afisa 6:24

Ritek se mak be áya a ta shim Agwo̱m Ágwo̱m yir aYeso Kiristi cice̱r ne kushim kuya sang ku tana gang baꞌ.

2 aKoranti 7:15

Kushim wu ta ka shim yin se dide̱ng, izen iya wu yiring be kuri kufok kuto yin tu ku fok yin, ne yin ku shan yin be kuyiik ne ikap kutiim.

1 aKoranti 2:3

Nizen iya mi ta se mak be yin, mi be agap riye̱ baꞌ ne i be inyim ne ikap kutiim dide̱ng.

Itomong Ámanzo 2:46

Á ya kasho̱o̱n be kunyiis koakye katuk kaye̱e̱r Agbang Kutu Kuya Adakunom iben. Á ya naya mak ninasa ba kaye̱e̱r riye̱ rikan be riye̱ rizining.

aMatiyu 6:22

“Anyisi se kyo̱ndi apitila kuro̱m. Ke anyisi wan nye atser, kuro̱m wan cice̱r ta se na akanang.

aRom 9:3

Ye a fa fe̱ ye mi be rice mi ne a ti fiming a bun a tin kam be aKiristi nong ároneng afe izere mi ta se̱ kashesh, to̱ tsek,