Afisa 6:24 - Izere New Testament

²⁴ Ritek se mak be áya a ta shim Agwo̱m Ágwo̱m yir aYeso Kiristi cice̱r ne kushim kuya sang ku tana gang baꞌ.

Afisa 6:24 Referans Kwoze

aMatiyu 22:37

aYeso fe̱ be wu ye, “ ‘Shim Agwo̱m Ágwo̱m wan Adakunom wan be riye̱ wan cei, ne kutser wan cei, be kuto̱ro̱ng wan cei.’

2 aKoranti 8:12

Kamok ke yin be yin riye̱ kuno̱o̱k'e Adakunom ta fok kusas kuno̱o̱k'e, a ta shan kuno̱o̱k'e tite̱re̱ be agap aner'e. Adakunom shim yin tu no̱o̱k yin ike̱ng ife yin ta won dar i be yin baꞌ.

aTitus 3:15

Áfe á ta se aze mak be mi cice̱r ta nye ashou. Nye shou áya a tin shim yir, áya i ta se yir mak kaye̱e̱r kuno̱o̱k katsak kuzining. Ritek Adakunom se mak be yin cice̱r.

aTitus 2:7

Kaye̱e̱r koakye wan sor ike̱ng ba tanin nye kumaas natoon'e be kunye ike̱ng iya i ta nye itek. Kaye̱e̱r kubo̱so̱p wan, nye be riye̱ rizining ne katsak,

2 aTimoti 4:22

Agwo̱m Ágwo̱m ra se mak be kabik yin. Ritek wu se mak be yin.

2 aKoranti 13:14

Ritek Agwo̱m Ágwo̱m yir aYeso Kiristi ne kushim Adakunom be kunyim rice Kabik Kazhe̱l'e se mak be yin cice̱r.

2 aKoranti 8:8

Sang i se ye mi shim ta ka tonong yin agap baꞌ, amma mi shim ta maas kuri kushim kufe katsak afe yin ta be yin be kufe ákak.

aMatiyu 28:20

Ne i ku bo̱so̱p yin ba iren á tana kuus koakye mi tá ka tak yin. Yiring yin ye mi se mak be yin koakye izen ma ni igang izen.”

aMatiyu 6:13

Sang tu tseng be yir naro̱ kaya yir tana taam yir baꞌ, ni shesh yir nubo̱k Amaan Aner. [Kamok rigwo̱m be kukyem ne kuyiik nye kufuan ma izen izen. Anong!]’

Ibrani 13:25

Ritek Adakunom se mak be yin cice̱r.

aKolosi 4:18

Mi aBulus ne i zibir ashou na be kubo̱k'i, tu tiburum yin ye mi na aze nitso̱m baꞌ. Ritek Adakunom se mak be yin.

aRom 2:7

Áner áya a ta tsesek kaye̱e̱r kunye ike̱re̱ itek nong a ta se̱ nakerek be kuyiik ne kutser kufe izen izen, ba ne Adakunom tà ka no̱o̱k ba ishorong kutser kufe izen izen.

Afisa 6:23

Ároneng, mi mok ye Adakunom a ta nye Ada yir ne Agwo̱m Ágwo̱m yir aYeso Kiristi tà ka no̱o̱k yin kameneng riye̱, kushim be kuno̱o̱k katsak yin ni ibarang.

aFilipi 1:1

Mi, aBulus ne aTimoti, i ta nye yir ásam aYeso Kiristi, ne i sen ka zibir yin kufumung na yin azhe̱l cice̱r áya a tá kuus aYeso Kiristi na aFilipi. Yir bun i nye shou yir áko̱k kasho̱o̱n ikilisiya ne ádikon.