Afisa 6:19 - Izere New Testament

¹⁹ Nye yin aduwa kamok'i gip, nong ase̱ Adakunom tin no̱o̱k ike̱ng iya mi tana fe̱ nong mi tà taas ánerawe Rife̱ Ritek riya ri ta se nune̱re̱ng dar inyim dim.

Afisa 6:19 Referans Kwoze

aKolosi 4:3

Nye yin aduwa kamok yir gip, nong ase̱ Adakunom tin karak yir iren kutaas rife̱ wu nong ta taas yir kanye̱k aKiristi kaya ka ta se nune̱re̱ng kafe sang akak ta ren baꞌ, kamok anong ne a min te nitso̱m.

Itomong Ámanzo 4:29

Kyo̱o̱rna, Adakunom, di á tan rus kubo̱k kaben, no̱o̱k ásam wan agap riye̱ nong á tin taas rife̱ wan be riye̱ rizining dar inyim.

2 aTasalonika 3:1

Ni igang'e ároneng, nye yin aduwa kamok yir nong ase̱ rife̱ Agwo̱m Ágwo̱m yir tà ya kasho̱o̱n zizirik kaye̱e̱r ánerawe nong ri ta se̱ kuyiik, kyo̱ndi ri ta se̱ kaye̱e̱r yin.

1 aTasalonika 5:25

Ároneng, nye yin aduwa kamok yir gip.

Ibrani 13:18

Nye yin aduwa kamok yir. Kuto̱ro̱ng riye̱ yir se gye̱r, yir shim ta nye yir ike̱ng iya i ta se gye̱r kaye̱e̱r koakye iren.

Itomong Ámanzo 4:31

Nizen iya ba tá gang kunye aduwa, yong karo̱ kaya ba tú ku nyim'e zuur, ne a ku shining ba be Kabik Kazhe̱l'e ne a taas rife̱ Adakunom be riye̱ rizining dar inyim.

1 aTasalonika 2:2

Amma kyo̱ndi yin tá ren yin ye yir so̱ yir risam ne á ni kas yir na aFilipi gip be anong Adakunom yir ti tsesek yir nong tá ka tak yin Rife̱ Ritek wu, cei be kuri amaan rishishim á tá shishim yir.

2 aKoranti 8:7

Kaye̱e̱r koakye yin se yin kasho̱o̱n kasho̱o̱n, kaye̱e̱r kuno̱o̱k katsak yin na aKiristi, kaye̱e̱r kufe̱ kanu, kaye̱e̱r kuren katsak, kaye̱e̱r itomong kutobok akak ne kuri kushim yin tin shim yir. Won yin gip tu nar yin koangan kaye̱e̱r ritek kunyesek yin ta be yin.

Afisa 1:9

Adakunom sak yir ren yir ike̱ng wu iya i ta se nune̱re̱ng kyo̱ndi wu ta shim, iya a ta nye kanye̱k'e kaye̱e̱r aKiristi.

1 aKoranti 4:1

Kamok anong ni sok yir kyo̱ndi ásam aKiristi, áya Adakunom tú ku won ba ike̱re̱ wu iya i ta se nune̱re̱ng nubo̱k.

Itomong Ámanzo 28:31

A nye awazi Rife̱ Ritek dar inyim azong kamok sang a tú ku roon'e ba', a nye awazi natoon rigwo̱m Adakunom ne a bo̱so̱p ánerawe'me itak aYeso Kiristi a ta nye Agwo̱m Ágwo̱m.

Itomong Ámanzo 19:8

aBulus te ife̱n itaar ne a tsees nutu aduwa a tá nye awazi Rife̱ Ritek dar inyim natoon rigwo̱m Adakunom niren iya i tana ko̱ro̱k aye̱ ánerawe.

Itomong Ámanzo 13:46

Iyong aBulus be aBarnabas fe̱ be ba be riye̱ rizining ye, “Gye̱r ke yir san ku ka taas yin rife̱ Adakunom nizham. Kum yin ta gaar yin i ta tonong yin kaye̱e̱r kuse yin ye yin raar yin tana se̱ yin kutser kufe izen izen, iyong ne i sak ta ka won yin i ta kirik nufe áner aya a ta nye áner aYahuda baꞌ.

aFilimon 1:22

Ike̱ng ikak izining mi ta shim ke wan ren gbak nye, nye kutu átsen kamok mi, kamok mi n te riye̱ kube̱ nufe yin ke Adakunom fok aduwa yin a tin won.

aKolosi 2:2

Mi nye anong, nong ase̱ ba ta se̱ kutsesek kaye̱e̱r aye̱ ba, ne kushim kugung rice, kamok a nong á ta se̱ agbang kurum'ong, ku ta nye kuren ike̱ng cei, nong á ta ren kanye̱k Adakunom ka ta se nune̱re̱ng ka ta nye aKiristi.

2 aKoranti 3:12

Kamok anong, kum yir ta be yir kute riye̱ anong, iyong ne isak yir be yir agap riye̱ dide̱ng.

1 aKoranti 1:5

Ka a tá no̱o̱k yin kurum na kaye̱e̱r koakye iren, ne kufe̱ kanu be kuren ike̱ng cei kamok yin nye yin áfu.

Itomong Ámanzo 14:3

aBulus be aBarnabas ta inom gaan azong ne a taas rife̱ Adakunom be riye̱ rizining. Adakunom tonong ye itak ritek wu nye katsak kamok a ta no̱o̱k ba kukyem a tin nye ike̱re̱ azhing be ife kukyem.

Itomong Ámanzo 9:27

Amma aBarnabas ne a ra be̱ a tseng be wu nufe ámanzo. A tú ku tak ba iren iya Ashawulu'me tá di Agwo̱m Ágwo̱m niren, nizen a tá se be kutseng wu, be iren iya Agwo̱m Ágwo̱m'me tá fe̱ kanu be wu, be kuri awazi aya Ashawulu'me tá nye kaye̱e̱r riyerek aYeso na aDamaskus dar inyim.

1 aTimoti 3:16

Akak ta kyem a fe̱ kuri kuyiik ku ta se nune̱re̱ng kaye̱e̱r iren ikuus yir na baꞌ. A tonong rice wu kaye̱e̱r kuro̱m, Kabik ti tonong yir ye a nye afe katsak. Ámaleka tú ku di, á fe̱ itak wu nasho̱o̱n ánerawe ze̱r ze̱r, á ti no̱o̱k katsak ni wu kaye̱e̱r kazatse cice̱r, a tu ku sok a ta tseng'e kaye̱e̱r kaza be kuyiik.

2 aKoranti 7:4

Riye̱ mi se agak be yin baꞌ, ko cie̱k baꞌ, mi ti ya kuka be yin dide̱ng. Mi se̱ agap riye̱ dide̱ng, be risam yir ta so̱ yir, riye̱ rikan'i be igak baꞌ.

2 aKoranti 1:11

Ni tobok yir be aduwa. Be anong ne ánerawe whe̱re̱ ta nye riye̱ rikan be Adakunom kamok yir, ritek yir tana se̱ yir kamok Adakunom ta fok aduwa ánerawe whe̱re̱ tá nye.

1 aKoranti 2:7

Wayo, yir fe̱ yir itak kukyem Adakunom kuya ku ta se nune̱re̱ng, kuya anerawe ta ren baꞌ, kuya Adakunom tá tsang a sak kum ni ime̱se̱ng'e nong ase̱ yir tin se̱ yir kuyiik.

aRom 15:30

Ároneng, mi ta nye yin izong kaye̱e̱r riyerek aYeso aKiristi Agwo̱m Ágwo̱m yir, ye i ra gung yin rice be mi kaye̱e̱r kucan'i ne i nye yin aduwa kamok'i. Nye yin anong kamok kushim yin kuya Kabik Kazhe̱l'e ta ka no̱o̱k yin.

Itomong Ámanzo 18:26

Ayong a kpaan ku nye awazi Rife̱ Ritek dar inyim kaye̱e̱r kutu aduwa. Nizen iya aBiriskila be Akila tú ku fok, ne á ku yis á ta tseng be wu kari ba nong á tin barang ku kutonong katsak iren Adakunom gye̱r gye̱r.

Itomong Ámanzo 4:13

Áko̱k kasho̱o̱n ame tá fa di aBitrus be aYohana tá fe̱ kanu be riye̱ rizining, ne ba bun á ren tse̱ng tse̱ng ye sang á nye áner aya a tá fa afumung ba', amma á nye ánerawe ana mama tsek, yong á te zhing, ne á fe̱ ye áner na mak á sor mak be aYeso.

Itomong Ámanzo 2:4

A tú shining ba cice̱r be Kabik Kazhe̱l'e ne á kpaan kufe̱ kanu ni írem ze̱r ze̱r kyo̱ndi Kabik Kazhe̱l'e tá ka no̱o̱k ba kukyem kufe̱'me.

Itomong Ámanzo 9:29

A fe̱ kanu ne a ya nanan be áner aYahuda aya a tá fok irem aHeleni, amma ba shim á tú ku fe̱r.

aRom 16:25

Won kuyiik tu sor kufe Adakunom, wu afe a tana kyem a tana ka sak yin ta nyeseng yin be agap kaye̱e̱r kuno̱o̱k katsak yin, natoon Rife̱ Ritek na mi ta taas natoon aYeso Kiristi, Rife̱ Ritek riya ri tin tonong yir ike̱re̱ iya sang a ta tsang a ren gbugbang baꞌ,

2 aKoranti 6:11

Ároneng, áner aKoranti, yir ta ne̱r yin ike̱ng ikak baꞌ, yir karak yir aye̱ yir.

Afisa 3:9

Kamok Adakunom nye itomong be mi nong ase̱ a ta tonong kanye̱k itomong wu kanang kaye̱e̱r yin cice̱r. Kanye̱k Adakunom aya a ta nye ike̱re̱ cice̱r, a ta ne̱r áfe izam agbugbang'e.