Afisa 6:18 - Izere New Testament

¹⁸ Yiir inye yin aduwa koakye izen kaye̱e̱r kukyem Kabik. Nye yin aduwa ne i rip yin koakye kuri ike̱ng iya yin ta tse̱r yin. Sor yin be kanye̱k koakye izen ne i ya yin kasho̱o̱n be aduwa kamok ázhe̱l'e.

Afisa 6:18 Referans Kwoze

1 aTasalonika 5:17

Nye yin aduwa koakye izen.

aKolosi 4:2

Ni te yin riku ninye aduwa, ne i nye yin tatan ne i nye yin riye̱ rikan be Adakunom.

aFilipi 4:6

Sang tu daam yin be ike̱ng ikak baꞌ, amma kaye̱e̱r koakye tak yin Adakunom kudaam yin, be kunye aduwa ne kunye izong, mak be ku tonong riye̱ rikan be Adakunom.

1 aTimoti 2:1

Ni ime̱se̱ng'e, mi tá nye akusuk ye, a ra yiir iya kasho̱o̱n be kunye izong, ne a nye aduwa, ne a tonong riye̱ rikan be Adakunom kamok ánerawe cice̱r.

aZhud 1:20

Amma yin, ároneng áya mi ta shim, naka no̱k yin natoon kuno̱o̱k katsak yin kuzhe̱l'e ne i nye yin aduwa kaye̱e̱r Kabik Kazhe̱l'e.

aMarkus 14:38

Ayong aYeso fe̱ be ba ye “Sak yin riye̱, nye yin aduwa fan yin bu kpas yin kaye̱e̱r kubo̱mo̱ng. Katsak'e, riye̱ shim kunye'me amma kuro̱m gaar.”

aLuka 21:36

Sor yin be kanye̱k koakye izen, ne i nye yin aduwa nong tà wher yin ike̱re̱ i tana nye, nong ta kyem i nyeseng yin nasho̱o̱n Igon Anerawe.”

aMatiyu 26:41

Sor yin ne i tor yin ne i nye yin aduwa fan i bu kpas yin kaye̱e̱r kubo̱mo̱ng. Kabik shim amma kuro̱m'e se gbe̱re̱k.”

Afisa 1:16

Mi won kunye riye̱ rikan be Adakunom kamok yin baꞌ, ne i yiring be yin kaye̱e̱r aduwa mi.

aRom 12:12

Nye yin riye̱ rikan natoon ike̱ng iya yin ta min te yin riye̱, naka tsesek yin kaye̱e̱r risam yin ne i yiir nye yin aduwa koakye izen.

aMarkus 13:33

Sak yin riye̱ ne i nye yin kanye̱k kamok sang yin tá ren yin izen iya a tana be̱ baꞌ.

1 aBitrus 4:7

Igang kazatse m be̱ bubarak. Kamok anong, sor yin be kanye̱k ne i yiir yin rice yin gye̱r nong ase̱ ta kyem i nye yin aduwa.

Itomong Ámanzo 1:14

Á nyiis cice̱r ba koakye izen nong á tá nye aduwa, mak be ányining akak be aMarya a tá nye anyining aYeso ne áronyining wu.

aLuka 22:46

Ayong aYeso tú rip ba ye, “Akye̱ sak yin se yin be ida e̱? Dorok yin ta nye yin aduwa fan i bu kpas yin nubo̱mo̱ng.”

Ibrani 5:7

Nizen aYeso tá se aze nazatse, a tá kuto̱ naza a tá nye aduwa ne a nye izong be nanyisi nufe Adakunom aya a tana kyem a ku shesh kaye̱e̱r riku. Adakunom tú fok kamok a nye aner a tá mees rice.

2 aTimoti 1:3

Mi be riye̱ rikan be Adakunom aya mi tu ku nye itomong be riye̱ rizining kyo̱ndi átukop'i tu ku nye'me. Katuk be kunom mi nye aduwa ne i yiring be wan ye̱r ye̱r.

aFilipi 1:4

Koakye izen iya ne mi ta nye aduwa, mi nye be riye̱ rikan kamok yin cice̱r.

Afisa 6:19

Nye yin aduwa kamok'i gip, nong ase̱ Adakunom tin no̱o̱k ike̱ng iya mi tana fe̱ nong mi tà taas ánerawe Rife̱ Ritek riya ri ta se nune̱re̱ng dar inyim dim.

Itomong Ámanzo 12:5

Kamok anong aBitrus sor nuwhe̱e̱n nitso̱m. Áfikuus yiir kunye aduwa be Adakunom dide̱ng kamok wu.

aFilimon 1:5

Mi fos kuri kuno̱o̱k katsak wan ta be natoon Agwo̱m Ágwo̱m yir aYeso ne kuri kushim wan tá shim ázhe̱l'e cei.

Itomong Ámanzo 10:2

Wu be áfe kasa wu cice̱r nye áfikuus'e, ne a fok inyim Adakunom. Á tobok áfe rizor áya a tá nye áner aYahuda dide̱ng, á kam be kunye aduwa baꞌ.

Itomong Ámanzo 6:4

Yir tin te yir rice ni inye aduwa be kubo̱so̱p ánerawe rife̱ Adakunom.”

Afisa 3:18

nong ta se̱ yin kukyem mak be ázhe̱l'e áfe Adakunom cei nong yin ta ren yin ye kushim aKiristi se saa ne ku nye kuso̱p ne ku se garang ne ku se tsik.

Afisa 3:8

Mi ne i ti raar dide̱ng kaye̱e̱r ánerawe Adakunom cice̱r gye̱r tatan, gip be anong a ti no̱o̱k ritek na nong ta taas áner aya a ta nye áner aYahuda baꞌ, kuri kurum aKiristi kuya sang ku ta be igak baꞌ,

aRom 8:15

Kamok Kabik a tá ka no̱o̱k yin nye kabik kaya ka tana ka sak yin ta te yin asam ne i fok yin inyim baꞌ. Amma yin se̱ yin Kabik ku te inoon Adakunom be anong ne yir yis yir Adakunom ye, “Abba, Ada.”

Afisa 2:22

Natoon wu ne a ta sak yin mak gip nong ta te yin karo̱ kusor Adakunom kamok kukyem be Kabik wu.

aLuka 3:37

aLamek nye igon aMetusela, ne aMetusela nye igon aEnok, aEnok nye igon aYarek ne aYarek nye igon aMahalale, ne aMahalale nye igon aKenan.

aKolosi 1:4

Kamok yir n fok yir kuri kuno̱o̱k katsak yin ta be yin kaye̱e̱r aYeso Kiristi ne kuri kushim kuya yin ta shim yin ázhe̱l'e cice̱r.

aGalati 4:6

Kamok yin ta nye yin inoon wu, yong Adakunom tom Kabik Igon wu kaye̱e̱r aye̱ yir, Kabik'e ta kuto̱ ye “Abba, Ada.”

aLuka 3:26

ne aNaya nye igon aMaat. aMaat nye igon aMatatiya, ne aMatatiya nye igon aShimeya. aShimeya nye igon aZhose, ne aZhose nye igon aZhod.

aKolosi 1:3

Yir tonong yir Adakunom riye̱ rikan yir ye̱rye̱r, Ada Agwo̱m Ágwo̱m yir aYeso Kiristi, nizen iya yir tá sen nye yir aduwa kamok yin.

aMatiyu 17:21

[Amma ike̱ng kuri iyu ta kyem i wuruk baꞌ ma be aduwa ne azumi.]