Afisa 6:17 - Izere New Testament

¹⁷ Te yin kashesh yin kyo̱ndi ribong kutso̱m ne awe̱n itsor ife Kabik Kazhe̱l'e iya i ta nye rife̱ Adakunom.

Afisa 6:17 Referans Kwoze

Ibrani 4:12

Katsak'e rife̱ Adakunom be kutser ne ri be agap itomong. Agap wu nar afe awe̱n iya i i ta ya abas afa. a te̱m ma kaye̱e̱r kuro̱m ánerawe nong a ta kam kutser be kabik ne ikap be ise̱re̱, ma i ren kuto̱ro̱ng riye̱ anerawe be kunye wu.

Ike̱ng a ta tonong aYohana 19:15

Itsor ikak iwe̱n'e iya i ta ya dide̱ng wuruk nanu wu, a ti te̱m aner kazatse be itsor'e. “A tin nye rigwo̱m niba be ishe̱n kutso̱m.” A tà fi kutes anap ba kaye̱e̱r ribong a tin fi ashi anap, aya a ta nye afe agbang riye̱ kubeseng Adakunom afe Kuyiik.

1 aTasalonika 5:8

Amma kum yir ta nye yir áfe akanang, won tu sor yir áfe kuyiir rice ne i sok yir kuno̱o̱k katsak ne kushim kyo̱ndi ikpaar yir. Kute riye̱ yir natoon kashesh tu se kyo̱ndi abong atso̱m.

Ike̱ng a ta tonong aYohana 2:16

Kamok anong shishing kuse wan. Ke anong baꞌ, mi tà be̱ nufuan zizirik nong tà ba ka te̱se̱ng ba be itsor iso̱p i tan wuruk nanu mi.

Ike̱ng a ta tonong aYohana 12:11

Áronyining yir tú ku canang kamok naso̱k Aturuk'e ne kamok ike̱ng ife ba tá fe̱, kamok á tú ku teng riku baꞌ.

Ike̱ng a ta tonong aYohana 1:16

A yiir ádar kanataar nubo̱k riya wu, kaye̱e̱r kanu wu kutsor kuso̱p wuruk kuya ku tá ya dide̱ng abas afa. Kanyisi wu se kanang kyo̱ndi katite kunom.

aMatiyu 4:4

Ayong aYeso fe̱ be wu ye, “Ise ni izibir ye: ‘Sang anerawe ta sor be naya tsek baꞌ, amma be koakye kuri rife̱ ri ta wuruk nanu Adakunom.’ ”

aMatiyu 4:7

Ayong aYeso fe̱ be wu ye, “Ise ni izibir gip ye: ‘Sang wan tu bo̱mo̱ng Agwo̱m Ágwo̱m wan Adakunom baꞌ.’ ”

Afisa 5:26

nong a tá sak a tá te zhe̱l be ku ka taas ba rife̱ Adakunom riya ri tá ka kusu ba kyo̱ndi ashi nong a ta forop.

Ibrani 6:5

ne áya a tá kun fok ritek rife̱ Adakunom ne kukyem kufe kasho̱o̱n.