Afisa 6:12 - Izere New Testament

¹² Kamok sang kuren yir se be naso̱k be rinam baꞌ, amma be amaan nabik á ta se natoon kaza ne áfe rigwo̱m ne áfe kukyem ne áya rigwo̱m awhi kazatse na ta se nubo̱k ba.

Afisa 6:12 Referans Kwoze

aKolosi 1:13

Kamok wu ne a ti tun yir kaye̱e̱r rigwo̱m awhi, a tá tseng be yir kaye̱e̱r rigwo̱m Igon wu kaya wu ta shim.

2 aKoranti 4:4

Ba kyem a di katsak'e baꞌ, kamok aner aya a tin nye rigwo̱m nazatse na, n whe̱e̱n aye̱ ba. A sak ba kyem á di akanang aya a ta sam'ong baꞌ, a kanang na a ta wuruk kamok Rife̱ Ritek natoon kuyiik aKiristi, wu aya a ta taas Adakunom.

Afisa 2:2

riya yin tin se yin nizen iya yin tá kuus yin kuri kutseng kazatse na ne i kuus yin agwo̱m, aya a tin nye rigwo̱m natoon nabik naya na tase natoon kaza. Wu ne a nye kabik kaya ka ta whap aye̱ ánerawe áya a ta gaar ku kuus Adakunom.

aKolosi 2:15

A ti shan ares itsom ba afe kukyem ne áfe rigwo̱m ba, nong a tú ku no̱o̱k ba isum nasho̱o̱n ánerawe, a tu ku canang ba kamok riku wu natoon kukon.

Itomong Ámanzo 26:18

Wan ta ka karak ba anyisi nong á tà won awhi ne á be̱ na akanang. Á ta won kukuus Ishetan ne á be̱ nufe Adakunom nong ase̱ a ta ka re̱ng ba rine̱n ba, ne a ka sak ba be áya a ta se zhe̱l kamok kuno̱o̱k katsak ba ni mi.’

Afisa 1:21

Azong ne aKiristi ti nye rigwo̱m natoon áfe rigwo̱m ne ágwo̱m ne áfe agap ne koakye kuri ike̱ng iya a tin te riyerek nasho̱o̱n, amma ma izen izen.

aRom 8:38

Kamok mi ti no̱o̱k katsak dim ye riku ka kutser ka ámaleka ka ítseng ka kuse kyo̱o̱rna ka kufe kasho̱o̱n ka koakye kuri kukyem,

Afisa 3:10

Adakunom nye anong be áfikuus nong ase̱ áfe rigwo̱m be áfe a ta nye rigwo̱m natoon kaza ta ren kukyem Adakunom kaye̱e̱r koakye.

Afisa 1:3

Nakerek nye nafe Adakunom ne a bun a nye Ada Agwo̱m Ágwo̱m yir aYeso Kiristi, aya a tin no̱o̱k yir ritek kaye̱e̱r rigwo̱m wu kaye̱e̱r kaza ne a bun a tin no̱o̱k yir koakye kuri ritek kufe kabik.

1 aKoranti 15:50

Ároneng ike̱ng mi ta sen fe̱ be yin na ye, kuro̱m kufe naso̱k be rinam tà no̱ kaye̱e̱r rigwo̱m Adakunom baꞌ. Anong ne ife i ta bus tà se̱ kutse kaye̱e̱r ife i ta won dar i bus baꞌ.

1 aBitrus 3:22

aKiristi tseng kaye̱e̱r kaza, a se nubo̱k riya Adakunom, ámaleka cice̱r ne ribir áya a tin nye rigwo̱m natoon kaza se nubo̱k wu.

Ibrani 12:1

Kamok anong, kum ánerawe áfe á ta kuus rife̱ yir kuse whe̱re̱ á ta min gorok yir na, won i tu ku barak yir koakye ike̱ng i tanin te̱ne̱ng yir, be koakye kuni rine̱n ri ta kyem ri tin te yir afartak zizirik. I naka tsesek yir ta teng yir itsi iya i ta se nasho̱o̱n yir.

aYohana 14:30

Mi tà ba fe̱ rife̱ be yin dide̱ng baꞌ, kamok aner aya a tin nye rigwo̱m nazatse na saase, amma a tin be kubo̱k ni baꞌ.

aYohana 12:31

Kyo̱o̱rna ne a ta to̱ kazatse na amok. Kyo̱o̱rna ne a tin shan rigwo̱m nufe agwo̱m kazatse.

aYohana 16:11

kuto̱ro̱ng ba se gye̱r ba' natoon amok, kamok a tsang an te̱n aner áfe tin nye rigwo̱m nazatse na amok.

aLuka 22:53

Mi se be yin ye̱r ye̱r kaye̱e̱r agbang kutu kuya Adakunom iben, yin ti sak yin kubo̱k natoon'i baꞌ, amma izen ife yin na, izen amaan aner tin nye rigwo̱m nawhi.”

aLuka 13:24

“Nye yin koakye yin tana kyem i nye yin nong tà no̱ yin nanu kutu ka ta se whe̱. Won tà ka tak yin, ánerawe whe̱re̱ ta shim kuno̱, á tà ra kyem á no̱ baꞌ.

2 aTimoti 2:5

Anong ne i se be aner aya a ta se be kuyo̱ro̱k itsi, a ta se̱ ishorong baꞌ, ma ke a kuus ike̱ng iya a tá fe̱ ye a ra nye.

aMatiyu 16:17

aYeso fe̱ be wu ye, “aSiman igon aZhona, wan nye aner riye̱ rikan kamok sang anerawe ne a ta tonong iyu baꞌ, ma ke Ada mi afe a ta se kaye̱e̱r kaza ne a ta ka tonong.

Ibrani 12:4

Izaan yin ta nye yin be rine̱n, yin n nye yin ma yin min nyosong yin naso̱k baꞌ.

aGalati 1:16

nong a tin karak anyisi nong tá ren Igon wu aYeso, nong ase̱ mi ta nye awazi Rife̱ Ritek natoon wu nufe áner aya sang á ta nye áner aYahuda baꞌ. A tá nye anong sang mi tse̱r ibo̱ro̱ng nufe akak baꞌ.

aMarkus 4:19

amma ke kudaam kazatse be kushim kurum, ne kushim ike̱re̱ ikak be̱ ne i te̱ne̱ng rife̱'me kurasak kaye̱e̱r wu ma a beseng.

2 aKoranti 11:14

I nye ike̱ng azhing baꞌ, kamok Ishetan be rice wu gip, a sok rice wu kyo̱ndi amaleka akanang.