Afisa 6:10 - Izere New Testament

¹⁰ Ni igang'e cice̱r, nyeseng yin be agap kaye̱e̱r Agwo̱m Ágwo̱m be agbang kukyem wu.

Afisa 6:10 Referans Kwoze

aFilipi 4:13

Mi ta kyem i nye koakye kamok aKiristi aya a tin nyesek agap kunye'me.

1 aKoranti 16:13

Sor yin be kanye̱k, nyeseng yin gye̱r kaye̱e̱r kuno̱o̱k katsak yin, Sor yin áner ku naka tsesek, nyeseng yin be agap.

1 aBitrus 5:10

Nama yin so̱ yin risam nizen cie̱k, Adakunom aya a ta be ritek cice̱r aya a tá ka yis yin nong ta se̱ yin kuyiik wu kufe izen izen kaye̱e̱r aKiristi be rice wu tà ka sak yin ta se yin gye̱r ne a ka tsesek yin ne a ka sak yin ta nyeseng yin be agap dide̱ng.

aKolosi 1:11

Yir bun i nye yir aduwa ye yin ta te yin gbugbong be ayiik kukyem wu nong yin ta se̱ yin ku naka tsesek ne i yiir yin aye̱. Won yin tu sor yin áfe riye̱ rikan,

Afisa 1:19

Mi bun i nye aduwa ye yin ta ren yin agbang kukyem wu kufe áya a tin no̱o̱k katsak. Kukyem kuya ku ta nye itomong kaye̱e̱r yir se kuzining be kuyu.

Afisa 3:16

Mi nye aduwa ye kaye̱e̱r agbang kuyiik wu, a ta ka tsesek yin be kukyem wu, nong ta sor yin be agap kaye̱e̱r aye̱ yin kamok Kabik wu,

2 aTimoti 4:17

Amma Agwo̱m Ágwo̱m se mak be mi, ayong a ti no̱o̱k agap nong ase̱ kamok mi rife̱ wu tà tseng cei nong áner aya a ta nye áner aYahuda baꞌ, cice̱r tà fok. A ti shesh nanu azaki fan a bin te̱n amok riku.

2 aTimoti 2:1

Kamok anong, wan igon'i, nyeseng kpa kaye̱e̱r ritek riya ri ta se kaye̱e̱r aYeso Kiristi.

aFilipi 4:8

To̱, ároneng, nigang'e, koakye ike̱ng i ta nye katsak, koakye ike̱ng ánerawe ta di yiik ne koakye ike̱ng i ta se gye̱r, be koakye ike̱ng i ta se zhe̱l ne koakye ike̱ng ánerawe ta shim be koakye ike̱ng i ta be riyerek ritek, kaꞌ, koakye ike̱ng kuse i ta nye itek dide̱ng ne i be nakerek. To̱ yin natoon ike̱ng kuri iyu.

2 aKoranti 13:11

Ni igang'e, ároneng, ma yin katuk kakak. Naka tsesek yin nong ta shining, fok yin izong'i, sor yin be riye̱ rizining, sor yin caang. Be anong ne kushim Adakunom ne kameneng riye̱ ta se mak be yin.

1 aBitrus 3:8

Ni igang'e, won yin cice̱r kuto̱ro̱ng yin tu se kuzining. Be yin kuro̱ riye̱ ne i naka shim yin kyo̱ndi aner be aronyining, ne i se yin gye̱r ne i mees yin rice yin.

aFilipi 3:1

Ni igang'e ároneng, nye yin riye̱ rikan be Agwo̱m Ágwo̱m yir. I ti daam i ta bun ta ka zibir yin'e natoon ike̱re̱ mi tá tsang ka zibir yin'e gbak baꞌ, amma nong yin tà nyeseng yin be agap.

1 aBitrus 4:11

Ke akak be kunang nye awazi Rife̱ Ritek, to̱, a ra taas kyo̱ndi Adakunom ne a sen taas'e nanu wu. Ke akak be kunang kutobok akak, to̱, a ra nye be agap Adakunom tú ku no̱o̱k nong ase̱ kaye̱e̱r koakye Adakunom ta se̱ nakerek kamok aYeso Kiristi. Kuyiik be kukyem nye kufu ma izen izen. Anong.

1 aYohana 2:14

Mi ta zibir yin'e, aya i tan kyem yin ánerawe nabik kamok yin ren yin aKiristi'me aya a tá se kum ni ime̱se̱ng'e. Mi ta zibir yin'e, aya i ta ru nye yin acam nabik kamok yin be yin agap nikuus Adakunom ne rife̱ Adakunom'me kuse naye̱ yin. Yin n canang yin Ishetan a ta nye Amaan Aner.