Afisa 5:8 - Izere New Testament

⁸ Kamok yin tsang i se yin na awhi gbugbang, amma kyo̱o̱rna yin se yin na akanang kamok Agwo̱m Ágwo̱m. Sor yin kyo̱ndi inoon akanang.

Afisa 5:8 Referans Kwoze

aYohana 8:12

Ayong aYeso bun a fe̱ be ánerawe'me ye, “Mi ne i nye akanang kazatse. Koangan afe a ta sen nikuus, a tà tseng nawhi baꞌ, amma a tà se̱ akanang afe kutser.”

1 aYohana 1:7

Amma ke yir tseng yir na akanang kyo̱ndi Adakunom ta nye akanang, ne i gung yir rice be koangan afikuus, ne naso̱k Igon wu aYeso ni kusu yir rine̱n yir nong tà te yir zhe̱l.

Itomong Ámanzo 26:18

Wan ta ka karak ba anyisi nong á tà won awhi ne á be̱ na akanang. Á ta won kukuus Ishetan ne á be̱ nufe Adakunom nong ase̱ a ta ka re̱ng ba rine̱n ba, ne a ka sak ba be áya a ta se zhe̱l kamok kuno̱o̱k katsak ba ni mi.’

aKolosi 1:13

Kamok wu ne a ti tun yir kaye̱e̱r rigwo̱m awhi, a tá tseng be yir kaye̱e̱r rigwo̱m Igon wu kaya wu ta shim.

aYohana 12:46

Mi be̱ nazatse kyo̱ndi akanang, nong ase̱ aya a tin no̱o̱k katsak ni mi ta sor nawhi baꞌ.

Afisa 4:18

Kuren ike̱ng ba se whi ne á be kutser kufas kuri kuya Adakunom ta nyesek baꞌ, kamok kuri agbik rice ba ta be ne kushonong ba.

aYohana 12:36

Ni no̱o̱k yin katsak na akanang'e kum ne akanang'e rusek be yin nong yin tà te yin inoon akanang.” Nama aYeso tá fa fe̱ anong, ne a ku won ba a tá se ne̱re̱ng.

Afisa 2:2

riya yin tin se yin nizen iya yin tá kuus yin kuri kutseng kazatse na ne i kuus yin agwo̱m, aya a tin nye rigwo̱m natoon nabik naya na tase natoon kaza. Wu ne a nye kabik kaya ka ta whap aye̱ ánerawe áya a ta gaar ku kuus Adakunom.

2 aKoranti 4:6

Kamok Adakunom fe̱ ye, “Won akanang tu ya kaye̱e̱r awhi.” Wu ne a sak akanang'e ta sam kaye̱e̱r aye̱ yir, nong a ta sam kaye̱e̱r ánerawe nasho̱o̱n nong a ta ren kuyiik Adakunom nanyisi aKiristi.

aTitus 3:3

Yir gip gbugbang i tsang i nye yir áfunam'e ne i shonong yir, a tsang a ni wo̱ro̱k yir, ma i te yir ásam áfe kushim kunye amaan ike̱re̱ iya aye̱ yir ta shim be kushim kufok kusas kusor. Kusor yir tsang kunye kunye ike̱re̱ imaan'e ne rishishim. Ánerawe ti rayir ne yir ma ka rayir ba.

aLuka 16:8

“Atekasa'me kerek aner a tin sak riye̱ nike̱re̱ ame afe sang a ta be katsak ame baꞌ, kamok a tá nye ritse̱ng. Kamok ánerawe kazatse na se tse̱ng tse̱ng ninye ike̱ng ba be áfe a ta se kyo̱ndi ba ne a nar áfe a ta se na akanang.

Afisa 6:12

Kamok sang kuren yir se be naso̱k be rinam baꞌ, amma be amaan nabik á ta se natoon kaza ne áfe rigwo̱m ne áfe kukyem ne áya rigwo̱m awhi kazatse na ta se nubo̱k ba.

2 aKoranti 3:18

Yir áfe sang a ta kis anyisi yir baꞌ, yir tosong yir kuyiik Agwo̱m Ágwo̱m yir kyo̱ndi amadobi, ne a ni shishing yir nong ta te yir kyo̱ndi wu, kuyiik natoon kuyiik kuya ku ta nes nufe Agwo̱m Ágwo̱m a ta nye Kabik.

aLuka 1:79

nong ku ta tonong áfe a ta se kaye̱e̱r awhi be áfe a ta se na nawu riku akanang. Ne a ni tonong yir iren i ta be̱ be kameneng riye̱.”

2 aKoranti 6:14

Sang tu te yin azining be áfurin baꞌ. A ta nye ane̱ a ta gung aner a ta se gye̱r nasho̱o̱n Adakunom be akardak aner e̱? Ka akanang ta nye ane̱ a ta sor be awhi e̱?

1 aKoranti 1:30

Kamok wu ne yin se yin kaye̱e̱r aYeso Kiristi aya a ta sor kukyem Adakunom nufe yir, wu ne a ti sak yir i ta se yir gye̱r, ne i se yir zhe̱l, ne i se̱ yir kashesh.

aRom 2:19

Wan ren gye̱r ye wan ne i ta ko̱k akpato̱o̱n kuse̱ ne i sor akanang nufe áner aya a ta sor kaye̱e̱r awhi,

aYohana 1:9

Akanang afe katsak aya a ta nyeseng ánerawe akanang cice̱r kaye̱e̱r kazatse saase.

aMatiyu 4:16

Áfe a ta sor na awhi an di agbang akanang; áfe a ta sor na nawu riku akanang min wuruk ni ba.”

aGalati 5:25

Kum Kabik ne ka tin no̱o̱k yir kutser, won kabik'e tin ko̱k yir kuse̱.

aRom 1:21

Ba ren Adakunom gye̱r tatan, á ra ku tiyiik kamok a ta nye Adakunom ka á tonong riye̱ rikan ba baꞌ. Amma kuto̱ro̱ng ba se kpe̱de̱ng'e ingya, ne a te titak kaye̱e̱r aye̱ ba.

Afisa 5:2

Sor yin kusor ku naka shim kyo̱ndi aKiristi tin shim yir, a tá no̱o̱k rice wu kamok yir, kyo̱ndi asidaka aya a ta be iko̱o̱n itek, aya a ta nye kamok Adakunom.

Itomong Ámanzo 17:30

Gbugbang, Adakunom ti daam be ike̱ng iya ánerawe tá nye kaye̱e̱r kudun kuren baꞌ. Kyo̱o̱rna, Adakunom fe̱ be ánerawe koake̱ ye a ra shishing kuse ba.

aMatiyu 3:8

Nye yin itomong i tana tonong ye yin n shishing yin kuse yin.

aYohana 12:35

aYeso fe̱ be ba ye, “Akanang se mak be yin nizen cie̱k tsek. Kamok anong, kutseng yin kum ne akanang'e rusek, fan awhi ba ka se̱ yin. Aner aya a ta tseng nawhi ren karo̱ wu tu ku be baꞌ.

aRom 13:12

Katuk m be̱ barak ka ta gor, kadiding n be̱ barak ka ta karak. Kamok anong, i wobok yir amaan kunye afurin nukim ne i te yir ike̱re̱ itsom ife akanang.

aKolosi 1:12

ne i yiir nye yin riye̱ rikan be Ada, kamok wu ne a sak yir ta kyem i te yir áfe kuya kutse ike̱re̱ na, iya a tá nye kamok ázhe̱l'e kaye̱e̱r rigwo̱m akanang.