Afisa 5:6 - Izere New Testament

⁶ Sang tu won yin akak ta ka wo̱ro̱k yin be nadirik kamok be kuri rine̱n kuri riyong ne riye̱ kubeseng Adakunom tin tiik natoon áfe kushonong.

Afisa 5:6 Referans Kwoze

aRom 1:18

Adakunom sen tonong riye̱ kubeseng wu ri ta ne naza natoon áya a ta zhe̱e̱sh Adakunom ne amaan kunye ánerawe áya a ta she̱re̱k katsak kaye̱e̱r amaan kunye ba.

aMatiyu 24:4

aYeso fe̱ be ba ye, “Nye yin tatan fan a ba ka wo̱ro̱k yin.

aKolosi 2:8

Sak yin riye̱ fan akak ba ka wo̱ro̱k yin be kuri kuto̱ro̱ng kuri kufe kazatse na nong ta won yin iren katsak. Kuto̱ro̱ng kuri kuyong nye kukpe̱de̱ng'e. Ku nye igo̱o̱n ánerawe ne iren kunye ike̱re̱ kuri kufe kazatse na sang kuri kufe aKiristi baꞌ.

1 aYohana 4:1

Aro̱, yin aya mi ta shim, tin no̱o̱k yin katsak natoon koakye kuri kabik baꞌ, bo̱mo̱ng yin kuri nabik'e nizham nong ta di yin ka na ne nufe Adakunom'me. Kamok áner kuzarap áfe abo̱o̱s kuse whe̱re̱ nazatse kyo̱o̱rna.

aKolosi 3:6

Kamok amaan kunye'ong ne riye̱ kubeseng Adakunom sen ni tiik natoon ánerawe.

aMarkus 13:5

Ayong aYeso fe̱ be ba ye, “Sak yin riye̱, fan akak ba ka wo̱ro̱k yin.

aMatiyu 24:24

Kamok aKiristi áfe abo̱o̱s be áner kuzarap abo̱o̱s tà wuruk ne á nye itomong azhing be ike̱re̱ azhing nong á ta wo̱ro̱k ánerawe ma be áya a tan kasa, ke i ta kyem i se anong.

1 aBitrus 2:8

I bun i se ni izibir naro̱ kakak ye, “Kuta'me sak ánerawe ta tu atak, ku sak ánerawe ta kpas!” Ánerawe'me ti tu atak kamok ba raba kukuus rife̱ Adakunom. Kamok anong ne Adakunom tsang sak afe a tá gaar kukuus rife̱ wu'me.

2 aTasalonika 2:3

Sang tu won yin aner akak ta ka wo̱ro̱k yin niren ikak baꞌ, kamok kunom kube̱ aYeso'me ta nye baꞌ, ma ánerawe whe̱re̱ raba Adakunom ne agwo̱m kushonong be̱ nizham, wu nye aner aya a tá tsang a sak ye a tù ku shosh.

aKolosi 2:4

Mi ta tak yin ike̱re̱ na nong fan akak ba ka wo̱ro̱k yin be kanu re̱m re̱m.

aMarkus 13:22

Kamok ákiristi abo̱o̱s, ne áner kuzarap afe abo̱o̱s tà wuruk á ta nye ike̱re̱ azhing ne itomong azhing nong a ta wo̱k aya Adakunom tan kasa, ke a fa nye ba ta kyem a nye anong.

aKolosi 2:18

Aner akak shim ku tonong kuri kumees rice ba ta be ne á tonong ye ba ya ámaleka iben ne á shim ku ka zhe̱e̱sh yin ye kamok yin ta nye yin anong baꞌ, tin daam yin natoon ba baꞌ. Áner kuri ayong fe̱ ye ba ye̱re̱k ike̱ng ikak kyo̱ndi nabos, amma amaan kuto̱ro̱ng ba tu ku sak ba ta ya kuka kpe̱de̱ng tsek.

Ibrani 3:19

Kamok anong, yir ren yir ye á kyem á no̱ baꞌ, kamok kuwon dar kuno̱o̱k katsak ba.

Ibrani 13:9

Sang tu won yin kubo̱so̱p kuduk ta ko̱ro̱k aye̱ yin baꞌ. I se gye̱r aye̱ yir ta se̱ agap kaye̱e̱r ritek Adakunom sang be kukuus itsi kuya naya baꞌ. Kukuus itsi kuya naya ti barang áner aya a ta kuus itsi iyong ike̱ng ikak baꞌ.