Afisa 5:5 - Izere New Testament

⁵ Kamok yin ren yin tseng tseng ye aner a ta nye rikuna ka aner a ta nye ike̱re̱ isum ka aner a ta be rinyisi rikan (aner kuri ayong se kyo̱ndi aner a ta kuus itsi) á be ishorong kaye̱e̱r rigwo̱m aKiristi ka rife Adakunom baꞌ, ko cie̱k.

Afisa 5:5 Referans Kwoze

aGalati 5:21

be rishishim ne kufeng ne a na ka yis naro̱ kazining nong a ta ya ne a so̱ ne a nye kyo̱ndi agabu ne a nye ike̱re̱ ikak kyo̱ndi anong. Mi ta ko̱ro̱k yin kuto kyo̱ndi mi tà tsang i fe̱ ye áfe a ta nye ike̱re̱ kuri iyuna ta no̱ kaye̱e̱r rigwo̱m Adakunom baꞌ.

Ike̱ng a ta tonong aYohana 22:15

Áfe a tana sor nufang'e ne á nye áner aya kunye ba ta tas kufe ágabu, áfe a ta nye kubok, áfe a ta nye rikuna be áfe kufe̱s ánerawe ne áfe kuya ike̱re̱ iduk iben be áfe a ta shim kubo̱s abo̱o̱s.

aKolosi 3:5

Kamok anong ni tun yin riye̱ natoon ike̱re̱ kazatse na, ike̱re̱ kyo̱ndi, kunye rikuna be kunye kpe̱de̱ng be rinyisi rikan be amaan kuse ne amaan kudi ike̱ng, iyong gip i se kyo̱ndi ku kuus itsi.

Afisa 5:3

Kum yin ta nye yin áfe Adakunom, sang a tu fok itak rikuna kaye̱e̱r yin, ko cie̱k baꞌ, ka kunye ike̱re̱ isum ka rinyisi rikan kaye̱e̱r yin baꞌ, kamok ike̱re̱ kuri iyong nye itek kaye̱e̱r ánerawe Adakunom ázhe̱l'e baꞌ.

Ike̱ng a ta tonong aYohana 21:8

Áner aya a tá fok inyim be áfe a tá gaar kuno̱o̱k katsak ne áfe amaan kunye ne áfe kufe̱s ánerawe be áfe kunye rikuna be áfe a tá ya kukur, be áfe a ta ya ike̱re̱ iduk iben cei be áfe abo̱o̱s, karo̱ kusor ba se kaye̱e̱r icen kuro̱ng be itong ikan i ta se kyo̱ndi ife abindiga. Iyu ne i ta nye riku rife̱ afa.”

aGalati 5:19

Kuse rinerawe se de̱s, kunye ike̱re̱ kyo̱ndi: rikuna be amaan kuse, ne kunye kyo̱ndi agabu,

Ibrani 13:4

Koangan ra tor kuwe̱ne̱ng yiik, koangan ra tor kuwe̱ne̱ng wu zhe̱l'e, kamok Adakunom tà to̱ aner a tá nye rikuna be áya a nye kpe̱de̱ng amok.

1 aTimoti 6:10

Kamok kushim itso̱m ne kunye ritin koakye kuri amaan kunye. Áner ákak kamok kushim itso̱m dide̱ng ma á won kuno̱o̱k katsak ba nong á ta te rice ba kaye̱e̱r amaan risam dide̱ng.

1 aTimoti 6:17

Tak áya a ta be kurum kaye̱e̱r kazatse na be agbang kuto̱ ye sang á tu ya kuka be kurum ba baꞌ, ka á tin te aye̱ natoon kurum ba baꞌ, kuya ku tana gang koakye izen. Amma á rin te aye̱ na Adakunom aya a tin nyesek yir koakye ike̱ng kpe̱ iya yir tanin fok yir kusas'e.

Itomong Ámanzo 8:21

Wan ti se kaye̱e̱r áfe itomong na baꞌ, kamok riye̱ wan se gye̱r nasho̱o̱n Adakunom baꞌ.

Itomong Ámanzo 20:32

“Kyo̱o̱rna, mi ta won yin nubo̱k Adakunom. Ritek wu se mak be yin. Wu ta sak yin tin barang yin kukpa agap ne a ka no̱o̱k kutse kaye̱e̱r áner aya wu ta sak an te zhe̱l.

aKolosi 1:13

Kamok wu ne a ti tun yir kaye̱e̱r rigwo̱m awhi, a tá tseng be yir kaye̱e̱r rigwo̱m Igon wu kaya wu ta shim.