Afisa 5:3 - Izere New Testament

³ Kum yin ta nye yin áfe Adakunom, sang a tu fok itak rikuna kaye̱e̱r yin, ko cie̱k baꞌ, ka kunye ike̱re̱ isum ka rinyisi rikan kaye̱e̱r yin baꞌ, kamok ike̱re̱ kuri iyong nye itek kaye̱e̱r ánerawe Adakunom ázhe̱l'e baꞌ.

Afisa 5:3 Referans Kwoze

aKolosi 3:5

Kamok anong ni tun yin riye̱ natoon ike̱re̱ kazatse na, ike̱re̱ kyo̱ndi, kunye rikuna be kunye kpe̱de̱ng be rinyisi rikan be amaan kuse ne amaan kudi ike̱ng, iyong gip i se kyo̱ndi ku kuus itsi.

Afisa 5:5

Kamok yin ren yin tseng tseng ye aner a ta nye rikuna ka aner a ta nye ike̱re̱ isum ka aner a ta be rinyisi rikan (aner kuri ayong se kyo̱ndi aner a ta kuus itsi) á be ishorong kaye̱e̱r rigwo̱m aKiristi ka rife Adakunom baꞌ, ko cie̱k.

1 aTasalonika 4:3

Kushim Adakunom se ye: yin ra sor yin zhe̱l; won yin kunye rikuna.

1 aKoranti 6:18

Kuteng yin kunye kye̱re̱. Sang koakye kuri rine̱n ánerawe ta nye ne ri beseng kuro̱m wu baꞌ, amma aner aya a ta nye kye̱re̱ be kuro̱m wu, beseng kuro̱m wu.

1 aTasalonika 4:7

Kamok sang Adakunom ti yis yir nong tá won dar i sor yir zhe̱l baꞌ, amma nong ta sor yir zhe̱l.

1 aKoranti 6:13

Ákak fe̱ ye, “A nye kafa kamok naya, naya kamok kafa,” ikak ta ra sor ma izen izen baꞌ. Adakunom tu ku whe̱se̱ng ba cice̱r. A nye kuro̱m kamok rikuna baꞌ, amma nong a tin tiyiik Adakunom, ne Adakunom ni sak riye̱ nuro̱m'e.

Afisa 5:12

Kamok i nye ike̱ng isum a tana fe̱ rife̱ natoon ike̱ng iya a ta nye na nune̱re̱ng.

aMatiyu 15:19

Kamok kaye̱e̱r riye̱ ne amaan kuto̱ro̱ng nes, ike̱re̱ kyo̱ndi kufe̱r akak, be rikuna, ne kunyiis kuro̱m kpe̱de̱ng, be itsang, ne abo̱o̱s, be kukas Adakunom.

Ike̱ng a ta tonong aYohana 2:21

Mi tú no̱o̱k izen nong a tá shishing kuse wu a tá won ku kuus átek, a rawu.

1 aKoranti 10:8

Sang tu nye yir rikuna kyo̱ndi ákak ba tá nye baꞌ, nizen iyong áner izungu iso̱k ifa be ataar kaye̱e̱r ba kus kaye̱e̱r kunom kuzining.

Ike̱ng a ta tonong aYohana 22:15

Áfe a tana sor nufang'e ne á nye áner aya kunye ba ta tas kufe ágabu, áfe a ta nye kubok, áfe a ta nye rikuna be áfe kufe̱s ánerawe ne áfe kuya ike̱re̱ iduk iben be áfe a ta shim kubo̱s abo̱o̱s.

Ike̱ng a ta tonong aYohana 21:8

Áner aya a tá fok inyim be áfe a tá gaar kuno̱o̱k katsak ne áfe amaan kunye ne áfe kufe̱s ánerawe be áfe kunye rikuna be áfe a tá ya kukur, be áfe a ta ya ike̱re̱ iduk iben cei be áfe abo̱o̱s, karo̱ kusor ba se kaye̱e̱r icen kuro̱ng be itong ikan i ta se kyo̱ndi ife abindiga. Iyu ne i ta nye riku rife̱ afa.”

Ike̱ng a ta tonong aYohana 2:14

Amma gip be anong, ike̱re̱ ikak kuse cie̱k mi ta be be wan; Áner akak kuse kaye̱e̱r yin a tá kuus kubo̱so̱p aBalam, kuya a ta bo̱so̱p aBalak'e ta sak áner Isarela tá nye rine̱n, a tá ya naya naya itsi ne á nye rikuna.

1 aKoranti 5:1

Mi fok ye yin nye yin rikuna, kuri kuya áfurin gip ta nye baꞌ. Anerawe ko̱s be abining atek wu,

Ike̱ng a ta tonong aYohana 9:21

Á gaar kushishing kuse ba kufe kufe̱s ánerawe be kukur be rikuna ne itsang ba ta nye.

2 aBitrus 2:3

Kamok kuye̱re̱k ba, á tà ka wo̱ro̱k yin nong á ta ka mo̱o̱r yin be rife̱ re̱m re̱m. Amma kum gbugbang Adakunom ma ka te̱n ba amok riku. Amok ba ku se a sen ka tor ba.

Ibrani 12:16

Sang tu won yin akak tu kuus ányining kpe̱de̱ng ka a tu se dar inyim Adakunom kyo̱ndi Isuwa tá sok risho̱n wu a tá re̱p acek wu'me kamok naya kakereng kazining baꞌ.

2 aKoranti 12:21

Mi fok inyim ye ke mi bun i be̱ nufe yin, Adakunom mi tin sak ta fok isum nasho̱o̱n yin. Mi ta nye riye̱ riwe kamok whe̱re̱ kaye̱e̱r áya a tá nye rine̱n, amma an tan shishing kuse ba baꞌ, rine̱n kunye rikuna, ne kuwun kuya ba ta nye dide̱ng.

aTitus 2:3

Anong ne anyako, kubo̱so̱p ba'me ye á ra nye kusor kuri kuya ku ta tas kufe ányining áya a ta nye afikuus, sang a tu be imok ka áya a ta mak á so̱ ike̱re̱ ma a ta feng'e baꞌ, amma á ra bo̱so̱p ánerawe ike̱ng iya i ta nye katsak.

2 aTimoti 3:2

Kamok ánerawe tà te áfe kushim rice, áfe kushim itso̱m dide̱ng, ne á te áfe ku ya kuka ne áfe kukok rice naza, ne á te áfe kukas naro̱ ne á gaar kufok átek ba ne á te dar kutonong riye̱ rikan ne á sor zhe̱l baꞌ,

Itomong Ámanzo 15:20

Gye̱r ke yir ban i ku zibir yir ba kufumung ingya nong tu ku tak yir ba ye, á ra won kuya naya na aya a tá kamok nye itsi, á ra won rikuna ne kuya ike̱ng iya be naso̱k'e.

2 aBitrus 2:14

Á shim ku tse̱se̱k ányining dide̱ng, ma á ro̱n be kunye rine̱n baꞌ. Á tsang á wo̱ro̱k áner aya sang á tan nyeseng be agap baꞌ. Á mak á be kuye̱re̱k dide̱ng. Iri ba ne Adakunom ma ka fiming ba.

2 aBitrus 2:10

Amok na ta nar natoon áner aya a tá shim ike̱re̱ kuri ife rinerawe ne á zhe̱e̱sh rigwo̱m. Áner kubo̱so̱p áfe abo̱o̱s na, a be isum, ko cie̱k baꞌ. Á kok rice naza dide̱ng. Á fok inyim akak ba, ma á a kas áfe a ta se nasho̱o̱n Adakunom.

1 aBitrus 5:2

yin rin sak yin riye̱ natoon ánerawe Adakunom áya a ta ma ka won yin'e amana'me nubo̱k. Ni sak yin riye̱ niba be riye̱ rizining kyo̱ndi Adakunom ta shim sang kaye̱e̱r riye̱ kubeseng baꞌ. Sang tu nye yin itomong kamok itso̱m tsek baꞌ, amma kamok ifeng yin ta be yin.

aTitus 1:11

Wan ta roon áfe kubo̱so̱p kuri kufe abo̱o̱s'ong dim, kamok á tsang á beseng ánerawe na nasa ba be kubo̱so̱p ike̱ng iya i ta se gye̱r ke ba bo̱so̱p ánerawe'me baꞌ, nong á ta se̱ ike̱ng iya ba ta shim tsek.

aTitus 1:7

Kum ako̱k kasho̱o̱n ta nye aner itomong Adakunom, a ra nye aner aya sang a tana ku se̱ be ike̱ng ikak imaan'e baꞌ. Sang a tu nye aner aya a ta kok rice naza baꞌ, ka afe riye̱ rife ka aner a ta so̱ kugbe̱re̱ ma a ta feng'e, ka aner a ta shim kuren ka aner aya a ta ma ka shim itso̱m baꞌ.

1 aTimoti 3:3

sang a tu nye aner a ta mak a so̱ kugbe̱re̱ baꞌ, sang aner a ta shim kuren baꞌ, a ra nye aner a ta se whiwhe̱ sang a tu nye aner a ta mak a shim itso̱m baꞌ.

1 aTimoti 2:10

Amma á ra nye kunye kutek, kamok i se gye̱r be ányining aya a ta fe̱ ye ba fok inyim Adakunom.

aFilipi 1:27

Koakye ne i nye, sor yin kusor ku ta taas kufe áner a tanin no̱o̱k katsak Rife̱ Ritek aKiristi. Mi ta be̱ ta ka di yin, ka ta fok itak yin tsek, nong mi ta ren ye yin n gung yin rice be kuto̱ro̱ng kuzining.

aRom 16:2

Ku shan yin kaye̱e̱r riyerek Agwo̱m Ágwo̱m yir ni iren i ta se gye̱r ke a shan azhe̱l'e. Ku tobok yin ke a tse̱r ike̱ng ikak nufe yin kamok an tobok ánerawe whe̱re̱ be mi gip.

aRom 6:13

Sang tu no̱o̱k yin afe kuro̱m yir abas akak kamok rine̱n baꞌ nong ku ta sor ares amaan kunye baꞌ. Amma no̱o̱k yin Adakunom rice yin kyo̱ndi áner aya a tú ku tun ba kaye̱e̱r riku nong a tú ku bun kaye̱e̱r kutser. Ne i no̱o̱k yin rice yin kyo̱ndi ares ku ninye ike̱re̱ i ta se gye̱r nasho̱o̱n Adakunom.

aRom 1:29

An shining be iriri ike̱re̱ iya i ta se gye̱r nasho̱o̱n Adakunom baꞌ, be rikpe̱ ne kudi ike̱ng ne amaan kuto̱ro̱ng. Igak ku naka shishim be ku naka fe̱s be kuren ne ku naka wo̱ro̱k be amaan kunye. Ba te áfe imok,

Itomong Ámanzo 20:33

Mi kun min te riye̱ nitso̱m ka ares akak baꞌ.

aLuka 16:14

Áner aFarisi á ta shim itso̱m dide̱ng tá fa fok anong, ne á ni ko̱k acoop na aYeso.

1 aTimoti 6:10

Kamok kushim itso̱m ne kunye ritin koakye kuri amaan kunye. Áner ákak kamok kushim itso̱m dide̱ng ma á won kuno̱o̱k katsak ba nong á ta te rice ba kaye̱e̱r amaan risam dide̱ng.

aLuka 12:15

Ne aYeso fe̱ be ba ye, “Sak yin riye̱, ne i nye yin tatan be koakye kuri amaan kuye̱re̱k, kamok kube ike̱ng whe̱r ne kunye kusor kutek baꞌ.”