Afisa 5:26 - Izere New Testament

²⁶ nong a tá sak a tá te zhe̱l be ku ka taas ba rife̱ Adakunom riya ri tá ka kusu ba kyo̱ndi ashi nong a ta forop.

Afisa 5:26 Referans Kwoze

aYohana 15:3

Kyo̱o̱rna yin se yin zhe̱l kamok rife̱ mi tá fe̱ be yin.

Ibrani 10:22

Won tu be̱ yir bubarak be Adakunom be riye̱ rizining, be kuno̱o̱k katsak kamok aYeso ti mis naso̱k wu na agak aye̱ yir. A bun a kusu iro̱m yir be ashi a ta se zhe̱l.

aYohana 3:5

aYeso fe̱ be wu ye, “Katsak'e ne mi ta ka tak, sang ke a bun a tes anerawe be ashi ne Kabik baꞌ, a ta kyem a no̱ kaye̱e̱r rigwo̱m Adakunom baꞌ.

1 aKoranti 6:11

Anong ne ákak yin tsang a se, a ra ka kusu yin nong a ta sak yin n te yin zhe̱l. Yin n te yin gye̱r nasho̱o̱n Adakunom kaye̱e̱r riyerek Agwo̱m Ágwo̱m yir aYeso Kiristi ne Kabik Adakunom yir.

Afisa 6:17

Te yin kashesh yin kyo̱ndi ribong kutso̱m ne awe̱n itsor ife Kabik Kazhe̱l'e iya i ta nye rife̱ Adakunom.

1 aYohana 5:6

aYeso Kiristi ne a ne naza, a tú ku nye abatisma be ashi ne a nyosong naso̱k wu. I nye ashi tsek baꞌ, amma ashi be naso̱k. Ne Kabik Kazhe̱l'e ni tak yir ye i se anong, kamok wu ne a taas ánerawe katsak'e.

aTitus 2:14

aYeso ne no̱o̱k rice wu nong a tin sheshek yir kaye̱e̱r amaan kunye yir ne a ni kusu yir nong tá sor yir áfu ne i shim kunye yir ike̱ng iya i ta nye itek.

Ibrani 10:10

Be kushim Adakunom ne yir n te yir azhe̱l'e be kuno̱o̱k aYeso Kiristi kyo̱ndi asidaka kutak kuzining tsek.

1 aBitrus 3:21

Ashi'ong sor kyo̱ndi abatisma aya yir ta nye yir, i tin se̱ yir kashesh. Sang nong tin tun yir narik kuro̱m baꞌ, amma kamok yir ta nye yir Adakunom izong be riye̱ rizining ne kamok aYeso Kiristi tá dorok nure̱k.

Ibrani 9:14

ke naso̱k ikewum kyo̱ndi iyong tà sak anerawe te zhe̱l shita naso̱k aYeso Kiristi a? Wu afe a tá be̱ kaye̱e̱r Kabik Kazhe̱l'e dar rizik nasho̱o̱n Adakunom, a no̱o̱k rice wu kamok rine̱n yir. A ti kam yir be ike̱re̱ iya i ta be̱e̱n riku nong i ta ya yir Adakunom afe kutser iben.

Itomong Ámanzo 22:16

To̱, kyo̱o̱rna akye̱ ne wan ru tor e̱? Dorok nong a ta ka nye abatisma ku kusu rine̱n wan, kaye̱e̱r riyerek Agwo̱m Ágwo̱m.’

1 aBitrus 1:2

Yin áya Adakunom a ta nye Ada ne a tá ka kasa yin kaye̱e̱r kanye̱k wu gbugbang, a bun a tá ka sak yin nong yin ta te yin ázhe̱l'e kamok kukyem Kabik Kazhe̱l'e. Kunyek wu nye nong i tá fok yin aYeso Kiristi kuto ne kumis naso̱k wu. Ritek ne kameneng riye̱ Adakunom se mak be yin dide̱ng.

aZhud 1:1

Mi, aZhud, asam aYeso Kiristi, aronyining aYakub, yin áya Adakunom aya a ta nye Ada ta ka shim yin, ne a ka yis yin, áya aYeso Kiristi ta ka fek yin.

Itomong Ámanzo 26:18

Wan ta ka karak ba anyisi nong á tà won awhi ne á be̱ na akanang. Á ta won kukuus Ishetan ne á be̱ nufe Adakunom nong ase̱ a ta ka re̱ng ba rine̱n ba, ne a ka sak ba be áya a ta se zhe̱l kamok kuno̱o̱k katsak ba ni mi.’

aYohana 17:7

Kyo̱o̱rna ba ren ye koakye wan ta min no̱o̱k ne nufuan.

aYakub 1:18

Wu ne a di a tin kasa yir a tin tes yir kaye̱e̱r rife̱ katsak, nong yir ta se yir kyo̱ndi kutes kufe ime̱se̱ng'e kaye̱e̱r ike̱re̱ wu ta nye.

aYohana 15:8

Nye yin itomong iya Adakunom ta shim nong tà tonong yin ye yin nye yin álimazhiri wu, kamok iyu ne i tà be̱ be Ada'me kuyiik.

aYohana 13:10

Ayong aYeso fe̱ be wu ye, “Aner aya a tan so tà kusu atak tsek, kamok kuro̱m wu forop. Yin forop yin amma sang cice̱r yin baꞌ.”

aRom 10:8

Amma aner aya a ta se̱ kute gye̱r nasho̱o̱n Adakunom kamok kuno̱o̱k katsak fe̱ kyo̱ndi aMusa tá fe̱ ye, “Rife̱ Adakunom se bubarak be wan, ri se nanu wan, ri bun ri se kaye̱e̱r riye̱ wan.” Rife̱ na se ye, rife̱ kuno̱o̱k katsak ne yir sen taas yir'e.

2 aKoranti 11:2

Mi be rifuup kamok yin, kuri rifuup riya Adakunom ta be natoon yin. Mi ma ka nye yin kanye̱k kuwe̱ne̱ng mak be aKiristi, mi shim yin tu sor yin zhe̱l nong mi ta ka nabak yin kyo̱ndi a ta no̱o̱k abining afas zhe̱l nasho̱o̱n amitek wu.

aKolosi 3:16

Won rife̱ aKiristi tu nyeseng be agap dide̱ng kaye̱e̱r aye̱ yin, ne i naka bo̱so̱p yin'e, ne i naka nyesek yin ibo̱ro̱ng, be koakye kuri kukyem, ne i bom yin abom aZabura, ne i kerek yin Adakunom, ne i bom yin abom afe a ta nye afe Kabik, ne i nye yin riye̱ rikan kaye̱e̱r aye̱ yin be Adakunom.

Ibrani 4:12

Katsak'e rife̱ Adakunom be kutser ne ri be agap itomong. Agap wu nar afe awe̱n iya i i ta ya abas afa. a te̱m ma kaye̱e̱r kuro̱m ánerawe nong a ta kam kutser be kabik ne ikap be ise̱re̱, ma i ren kuto̱ro̱ng riye̱ anerawe be kunye wu.

Ibrani 10:14

Kamok a tá nye asidaka kutak kuzining, a sak áfe a ta te zhe̱l tà shining ma izen izen.

Ibrani 10:29

Ke itak'e se anong, akye̱ kuri ike̱ng ne yin di yin ye a tá nye be áner aya a ta zhe̱e̱sh Igon Adakunom ne á nye kpe̱de̱ng be naso̱k na tú ku kusu ba kyo̱ndi na se zhe̱l baꞌ, a fe̱ imaan'e natoon Kabik Kazhe̱l'e kafe ritek Adakunom e̱?

Ibrani 13:12

Anong ne aYeso di risam nama kuwo̱p, nong a ta sak ánerawe wu ta te zhe̱l kamok naso̱k wu.

2 aBitrus 1:9

Kamok koangan aya a ta dun kuse kutek kuri kuyu di karo̱ tsik baꞌ, a nye akpato̱o̱n'e. A tiburum ye Adakunom mu ku re̱ng rine̱n wu tá tsang a nye.