Afisa 5:23 - Izere New Testament

²³ Kamok atekasa ne a nye rice abining wu, kyo̱ndi aKiristi ne a ta nye ako̱k kasho̱o̱n ikilisiya, ba ta nye kuro̱m wu. Wu be rice wu nye aner kashesh'e.

Afisa 5:23 Referans Kwoze

aKolosi 1:18

Wu ne a nye rice kuro̱m'e ku ta nye áfikuus cice̱r. Wu ne a nye ritin'e ne a nye ime̱se̱ng'e kaye̱e̱r áya a tá san kudorok nure̱k, nong a se̱ kaye̱e̱r koakye wu ne a ta nar be kuyiik.

Afisa 4:15

I ban i fe̱ yir katsak kaye̱e̱r kushim ne i rasak yir cei kaye̱e̱r koakye kuri ike̱ng kaye̱e̱r wu, aKiristi aya a ta se kyo̱ndi rice nuro̱m anerawe.

1 aTasalonika 1:10

ne i tor yin izen kube̱ Igon wu a tana ne naza. Adakunom tú ku dorok be kutser, wu ne a nye aYeso aya a tanin shesh yir kaye̱e̱r riye̱ kubeseng ri tà saase.

Ike̱ng a ta tonong aYohana 5:9

Iyong á bom abom afas ne á fe̱ ye, “Wan kyem ta sok kufumung'e, wan kyem ta bisik idun'e kamok a tà ka tse̱e̱r. A ta nyosong naso̱k wan nong i tin shan ánerawe a ta te afe Adakunom. Wan shan Adakunom ánerawe cice̱r kaye̱e̱r koakye irem ne koakye izere ne koakye kaben.

1 aKoranti 6:13

Ákak fe̱ ye, “A nye kafa kamok naya, naya kamok kafa,” ikak ta ra sor ma izen izen baꞌ. Adakunom tu ku whe̱se̱ng ba cice̱r. A nye kuro̱m kamok rikuna baꞌ, amma nong a tin tiyiik Adakunom, ne Adakunom ni sak riye̱ nuro̱m'e.

Itomong Ámanzo 20:28

Ni sak yin riye̱ rice yin, ne kukpara kuya Kabik Kazhe̱l'e ta ka sak yin'e nong ta sor yin áko̱k kasho̱o̱n. Ya yin kasho̱o̱n be kufek áfikuus Adakunom áya wu tá shan be naso̱k Igon wu.

Afisa 5:24

To̱, kyo̱ndi áfikuus ta kuus aKiristi anong ne ányining ta ma kuus atek ba kaye̱e̱r koakye.

Ike̱ng a ta tonong aYohana 19:7

Won i tu nye yir riye̱ rikan ne i fok yir kusas'e ne i ku tiyiik yir! Kamok izen kuwe̱ne̱ng Aturuk'e n nye. Abining wu afas n naka zem.