Afisa 5:20 - Izere New Testament

²⁰ Koakye izen, yiir tosong yin Ada Adakunom riye̱ rikan kamok koakye, kaye̱e̱r riyerek Agwo̱m Ágwo̱m yir aYeso Kiristi.

Afisa 5:20 Referans Kwoze

aKolosi 3:17

Koakye ike̱ng iya yin tana nye yin, ko kaye̱e̱r kufe̱ kanu ko kaye̱e̱r kunye ike̱ng, nye yin cice̱r kaye̱e̱r riyerek aYeso Agwo̱m Ágwo̱m, ne i tonong yin Adakunom riye̱ rikan kamok wu.

1 aTasalonika 5:18

Koakye kuri ike̱ng ne i ta se̱ yin, tonong yin riye̱ rikan be Adakunom kamok iyong ne i nye kushim wu be yin áya a ta se kaye̱e̱r aYeso Kiristi.

Ibrani 13:15

Kamok anong, won tu kerek yir Adakunom kaye̱e̱r aYeso be abom nanu yir. Iyong ta sor asidaka aya i tana no̱o̱k yir, tu ku kerek yir ne i tiyiik yir riyerek wu.

aFilipi 4:6

Sang tu daam yin be ike̱ng ikak baꞌ, amma kaye̱e̱r koakye tak yin Adakunom kudaam yin, be kunye aduwa ne kunye izong, mak be ku tonong riye̱ rikan be Adakunom.

Afisa 5:4

Ka a tu fok amaan kunye, ka akpe̱de̱ng rife̱ ka ame̱rzhe̱k rife̱ kaye̱e̱r yin baꞌ, kamok i se gye̱r a ta foos rife̱ kuri riyong kaye̱e̱r yin baꞌ, amma ban yiir tonong yin Adakunom riye̱ rikan ingya.

2 aTasalonika 1:3

Ároneng, i se gye̱r yir ta yiir i tonong yir Adakunom riye̱ rikan yir ye̱rye̱r kamok yin. Anong se gye̱r kamok kuno̱o̱k katsak yin ta ya kasho̱o̱n dide̱ng, kushim yin tana ka shim yin nye ne kuni barang.

2 aTasalonika 2:13

Ároneng, gye̱r ke yir nye yir riye̱ rikan be Adakunom ye̱r ye̱r kamok yin, yin áya Agwo̱m Ágwo̱m ta shim kamok kum ni ime̱se̱ng'e Adakunom tá kasa yin nong ta se̱ yin kashesh ne ku te zhe̱l kamok itomong Kabik ne kamok kuno̱o̱k katsak yin be agap.

1 aBitrus 2:5

Yin gip, ma te yin kyo̱ndi kuta rino̱k kutser a tanin no̱k kasa kuri kafe kabik nong yin ta nye yin itomong ritsi rizhe̱l'e. Yin ta nye yin asidaka kabik azong kuri aya Adakunom ta shim kamok aYeso Kiristi.

1 aKoranti 1:4

Koakye izen mi tonong Adakunom riye̱ rikan kamok yin, kamok ritek wu a tá ka no̱o̱k yin kaye̱e̱r aYeso Kiristi.

aYohana 15:16

Sang yin ne i ti kasa yin baꞌ, amma mi ne i tá ka kasa yin, nong ta se tes yin kutes kutek, kuya ku tana sor ma izen izen. Be anong ne Ada mi tà ka no̱o̱k yin koakye ike̱ng iya yin ta rip yin kaye̱e̱r riyerek'i.

1 aBitrus 4:11

Ke akak be kunang nye awazi Rife̱ Ritek, to̱, a ra taas kyo̱ndi Adakunom ne a sen taas'e nanu wu. Ke akak be kunang kutobok akak, to̱, a ra nye be agap Adakunom tú ku no̱o̱k nong ase̱ kaye̱e̱r koakye Adakunom ta se̱ nakerek kamok aYeso Kiristi. Kuyiik be kukyem nye kufu ma izen izen. Anong.

aFilipi 1:3

Mi tonong Adakunom mi riye̱ rikan ye̱rye̱r ke mi yiring be yin.

Itomong Ámanzo 5:41

Ámanzo dorok azong be riye̱ rikan kamok a tá di ba kyem a ta ka no̱o̱k ba risam kamok riyerek aYeso.

1 aTasalonika 3:9

Kyo̱o̱rna yir ta kyem i tonong yir Adakunom yir riye̱ rikan yir kamok yin. Yir be yir riye̱ rikan be wu kamok yin.

aRom 1:8

Ni ime̱se̱ng'e, mi be riye̱ rikan be Adakunom kaye̱e̱r riyerek aYeso Kiristi kamok yin cice̱r kamok ánerawe fe̱ itak kuno̱o̱k katsak yin koake̱ kaye̱e̱r kazatse.

1 aKoranti 15:24

Ne igang'e be̱, izen iya ne a tana no̱o̱k Ada Adakunom rigwo̱m wu nama a ta yirik koakye kuri rigwo̱m be kukyem.