Afisa 5:2 - Izere New Testament

² Sor yin kusor ku naka shim kyo̱ndi aKiristi tin shim yir, a tá no̱o̱k rice wu kamok yir, kyo̱ndi asidaka aya a ta be iko̱o̱n itek, aya a ta nye kamok Adakunom.

Afisa 5:2 Referans Kwoze

aYohana 13:34

“Itsi ifas ne mi ta tak yin ye; Yin ra naka shim yin. Kyo̱ndi mi tá ka shim yin, anong ne yin tana ka shim yin dim.

aGalati 2:20

A min tigak mak be aKiristi, sang mi ba sor kusor rice mi baꞌ, amma aKiristi ne a sor kaye̱e̱r'i. Kusor mi ta sor kaye̱e̱r kuro̱m, mi sor kamok mi min no̱o̱k katsak ni Igon Adakunom, afe a tin shim ma a no̱o̱k rice wu kamok'i.

aKolosi 3:14

Natoon ike̱re̱'ong, nibarang yin kushim iyong ne i gung ike̱re̱'me cice̱r kaye̱e̱r kugung rice kutek.

2 aKoranti 2:15

Kamok yir se yir kyo̱ndi name na ta be iko̱o̱n itek naya aKiristi ta no̱o̱k Adakunom, naya a tá nyosong kaye̱e̱r áya a tu ku shesh ba ne áya a ta se niren kuwei.

aTitus 2:14

aYeso ne no̱o̱k rice wu nong a tin sheshek yir kaye̱e̱r amaan kunye yir ne a ni kusu yir nong tá sor yir áfu ne i shim kunye yir ike̱ng iya i ta nye itek.

1 aKoranti 16:14

Nye yin koakye kaye̱e̱r kushim.

aMatiyu 20:28

Anong ne Igon Anerawe be̱ nong a tu ku nye itomong baꞌ, amma nong a ta nye anerawe'me, ne a no̱o̱k kutser wu kamok kashesh ánerawe whe̱re̱.”

1 aBitrus 4:8

Ike̱ng iya i ta nye igbang'e cice̱r nye, naka shim yin dide̱ng, kamok kushim be̱e̱n kure̱ng rine̱n whe̱re̱.

2 aKoranti 8:9

Kamok yin ren yin ritek Agwo̱m Ágwo̱m yir aYeso Kiristi, wu ta be koakye ike̱ng, gip be anong a te afe rizor kamok yin. Rizor wu sak yin te yin árum nasho̱o̱n Adakunom.

1 aYohana 3:16

Yir ren yir ye kushim kufe katsak se ana, aYeso Kiristi no̱o̱k kutser wu kamok yir. Yir gip, yir tà no̱o̱k yir kutser yir kamok áfikuus áfudang yir.

Ike̱ng a ta tonong aYohana 1:5

aYeso Kiristi, aya a ta tonong ike̱re̱ na kaye̱e̱r katsak se mak be yin. Wu ne a ta nye ime̱se̱ng'e kaye̱e̱r aya á ta dorok nure̱k be kutser, ne a ninye rigwo̱m natoon ágwo̱m kazatse cice̱r a ti tonong yir kushim, a tá nyosong naso̱k wu nong a tin shesh yir kaye̱e̱r rine̱n yir.

Ibrani 9:26

A fa fe̱ ye aKiristi nye anong, ke an so̱ risam ne a toos'e kum nizen iya a tá nye kazatse. A be̱ kutak kuzining tsek nigang'e na, a tá no̱o̱k rice wu asidaka kamok rine̱n yir.

Ibrani 9:14

ke naso̱k ikewum kyo̱ndi iyong tà sak anerawe te zhe̱l shita naso̱k aYeso Kiristi a? Wu afe a tá be̱ kaye̱e̱r Kabik Kazhe̱l'e dar rizik nasho̱o̱n Adakunom, a no̱o̱k rice wu kamok rine̱n yir. A ti kam yir be ike̱re̱ iya i ta be̱e̱n riku nong i ta ya yir Adakunom afe kutser iben.

1 aTimoti 2:6

Wu ne a no̱o̱k rice wu nong a tá sheshek ánerawe cice̱r, ike̱ng ife Adakunom ta tak kazatse nizen i tá se gye̱r'ong.

Afisa 4:15

I ban i fe̱ yir katsak kaye̱e̱r kushim ne i rasak yir cei kaye̱e̱r koakye kuri ike̱ng kaye̱e̱r wu, aKiristi aya a ta se kyo̱ndi rice nuro̱m anerawe.

1 aYohana 3:23

Ike̱ng Adakunom tá fe̱ ye i ra nye yir'e nye ye, i rin no̱o̱k yir katsak ni Igon wu aYeso Kiristi ne i naka shim yir kyo̱ndi aYeso tá fe̱ be yir.

1 aTimoti 4:12

Sang tu won akak ta ka zhe̱e̱sh ye kamok wan ta ru nye acam baꞌ, amma sak riye̱ be rife̱ wan be kuri kutseng wan ne kuri kushim wan be kuno̱o̱k katsak wan ne kuse zhe̱l wan nong ase̱ wan ta sor ike̱ng kumaas nufe áfikuus.

1 aTasalonika 4:9

Kyo̱o̱rna, natoon kushim áronyining yin áfikuus, yir be yir ike̱ng ikak i tana ka zibir yin'e natoon iyong baꞌ, kamok yin be rice yin, Adakunom ne a tá ka bo̱so̱p yin'e ye yin ra naka shim yin.

Afisa 4:2

Mees yin rice yin ne i se yin tatan. Te yin ata naye̱ ne i naka be yin kaye̱e̱r kutatan kushim.

Afisa 3:17

nong ase̱ aKiristi ta sor kaye̱e̱r aye̱ yin kamok kuno̱o̱k katsak yin. Mi nye aduwa ye, kushim ta nyeseng be agap kaye̱e̱r aye̱ yin. Won kushim tu nye ritin'e,

aGalati 1:4

Wu aYeso aya a tá no̱o̱k rice wu kamok rine̱n yir, nong a tin shesh yir kaye̱e̱r amaan izam na. Iyu se anong kaye̱e̱r kushim Adakunom a ta nye Ada yir.

Ike̱ng a ta tonong aYohana 5:9

Iyong á bom abom afas ne á fe̱ ye, “Wan kyem ta sok kufumung'e, wan kyem ta bisik idun'e kamok a tà ka tse̱e̱r. A ta nyosong naso̱k wan nong i tin shan ánerawe a ta te afe Adakunom. Wan shan Adakunom ánerawe cice̱r kaye̱e̱r koakye irem ne koakye izere ne koakye kaben.

Ibrani 9:23

Nizen iyong, a nye anong be ike̱re̱ ife i tá tas ife kaza nong i tà te zhe̱l. Amma ike̱re̱ kaza'me ta te zhe̱l be asidaka aya a ta nar ayu.

Afisa 3:19

Ne yin ren yin kushim aKiristi kuya ku ta gor agap kuren anerawe nong ase̱ ta shining yin be kunik kuse Adakunom dide̱ng.

aRom 8:3

Kamok ike̱ng iya Itsi aMusa tá kyem i nye baꞌ, be kuse kufe rinerawe, nye ike̱ng Adakunom tá nye nizen a tá tom igon wu kaye̱e̱r kuro̱m. A no̱o̱k nong a ta te asidaka rine̱n ne a yirik kukyem rine̱n kaye̱e̱r kuro̱m.

Afisa 5:25

Yin átek, afe i tan nye yin iwe̱ne̱ng, shim yin ányining yin kyo̱ndi aKiristi ta shim áfikuus ma a no̱o̱k rice wu kamok'e,

1 aKoranti 5:7

Kam yin be ayisti azen nong ta te yin kyo̱ndi nakan nafas na ta se dar ayisti, kyo̱ndi yin ta se yin kyo̱o̱rna'me, kamok a min nye asidaka be aYeso a ta nye aturuk aPasova yir.

aRom 4:25

Kamok rine̱n yir ne a sok aYeso a no̱o̱k nong a tá ku, a tu ku dorok be kutser nong a tin sak yir ta te yir gye̱r nasho̱o̱n wu.

aYohana 6:51

Mi ne i nye naya kutser naya na ta ne naza, ke akak ya naya na, a ta sor ma izen izen, naya'me nye kuro̱m'i kuya mi tana no̱o̱k nong kazatse ta se̱ kutser.”

aRom 8:37

Wayo, kaye̱e̱r ike̱re̱ na cice̱r, yir nar yir agap áya a tana fe̱ ye á be agap kaye̱e̱r aYeso aya a tin shim yir.

aRom 15:16

nong ta te aner itomong aYeso Kiristi nufe áya sang á ta nye áner aYahuda baꞌ. Mi nye itomong ritsi i ta taas Rife̱ Ritek Adakunom, nong aya sang a ta nye áner aYahuda baꞌ, ta sor asidaka Adakunom tana shan, áya Kabik Kazhe̱l'e tu ku sak ba á ta te zhe̱l.

2 aKoranti 2:14

Amma mi be riye̱ rikan be Adakunom, wu aya a tin ko̱k yir kasho̱o̱n ye̱r ye̱r nong yir ta canang yir kazatse kamok aKiristi. A tin nye itomong be yir nong tà tseng yir be itak aKiristi koakye kyo̱ndi name na ta be iko̱o̱n itek ta nyus dide̱ng.

Afisa 1:4

Kamok kum ne Adakunom n tsang a nye kazatse nizham baꞌ, a tsang a ni kasa yir nong a tin gung yir mak be aKiristi, nong ta se yir zhe̱l ne i se yir dar rizik nasho̱o̱n wu. Kamok wu tin shim yir,

Afisa 5:15

Kamok anong, sak yin riye̱ be kuri kusor yin dide̱ng, sang tu sor yin kyo̱ndi áfe a ta se dar ritse̱ng baꞌ, amma sor yin kyo̱ndi áfe a ta be ritse̱ng.

aFilipi 4:18

A min karang cei, ma i nar ike̱ng iya mi ta tse̱r. Mi ma se̱ ike̱ng mi ta tse̱r makong, kyo̱o̱rna mi ta shan ike̱re̱ iya yin tá no̱o̱k yin Apafurotus. Ike̱re̱'me se kyo̱ndi name iko̱o̱n itek, asidaka aya Adakunom ta shan ne a fok kusas'e.

Ibrani 8:3

A sak koangan agbang atsi ni itomong nong a ta shosh asidaka ike̱re̱ be ife ikewum. Iyong ne i sak i ta se gye̱r ayu gip a ta tse̱r ike̱ng ikak a ta no̱o̱k.