Afisa 5:18 - Izere New Testament

¹⁸ Sang tu so̱ yin kugbe̱re̱ ma ta feng yin'e baꞌ, kamok iren kuwei ne i nye iyong, amma shining yin be Kabik Kazhe̱l'e n ingya.

Afisa 5:18 Referans Kwoze

aRom 13:13

Won i tu sor yir kusor kutek kuya ku tana tonong ye yir nye yir aya a ta se kaye̱e̱r akanang, sang ku so̱ iriri ike̱re̱ ne a feng baꞌ, ne a gung rice nong á ta nye ike̱re̱ isum ka ku nye kukpe̱de̱ng'e ne rikuna baꞌ. I tu ko̱ro̱ng yin ka tin no̱ yin kaye̱e̱r rishishim baꞌ.

aLuka 1:15

Kamok a tà se yiik nasho̱o̱n Adakunom, a tà so̱ kugbe̱re̱ ka ike̱ng iya i tana ku sak a tà feng baꞌ. A tú ku shining be Kabik Kazhe̱l'e kum nutes wu.

1 aKoranti 5:11

Kyo̱o̱rna, mi sen ka zibir yin'e ye sang tu gung yin rice be koangan a ta yis rice wu ye afikuus ne a nye rikuna, ka a di ike̱ng ka a kuus itsi ka kukas naro̱, ka a so̱ amaan ike̱re̱, ka akpatang baꞌ. Sang tu ya yin naya mak be áner kuri ayong baꞌ.

Itomong Ámanzo 11:24

aBarnabas nye aner a ta be kuse kutek be Kabik Kazhe̱l'e ne kuno̱o̱k katsak. Ánerawe dide̱ng ti barang kube̱s nufe Agwo̱m Ágwo̱m.

1 aTasalonika 5:7

Áya á tan mereng ida, á ra mereng natuk, áya a ta so̱ kugbe̱re̱ ma á feng'e, a ra feng so̱ natuk.

aLuka 12:45

Ke a fa nye ye asam'me to̱ ríye̱ wu ye, ‘Atekasa mi tà gum be̱ baꞌ,’ ne a kpaan kutsosok ribir ásam'me, ányining be atek, ne a ya ne a so̱ ma rice zim.

aLuka 11:13

Ke yin, i ta nye yin amaan'e ren i nyesek yin inoon yin ike̱re̱ itek, shita Ada afe ta se naza ta won dar a no̱o̱k aya a tu ku rip Kabik Kazhe̱l'e e̱?”

1 aKoranti 6:10

ka ákpatang ka áfe kuye̱re̱k ka áya a ta mak a sok kugbe̱re̱ ka áfe a ta kas naro̱ ka áfe a tà mo̱o̱r ánerawe ta won dar a no̱ kaye̱e̱r rigwo̱m Adakunom baꞌ aꞌa?

aTitus 1:6

Ako̱k kasho̱o̱n ikilisiya ra nye aner aya a se gye̱r nasho̱o̱n ánerawe, aner a ta be abining azining, inoon wu ra nye afikuus sang á tu se kpe̱rde̱k ka á tu shonong baꞌ.

aLuka 21:34

“Sak yin riye̱, so̱. Sang tu won yin kuso̱ ike̱re̱ ne kuya kanu be kushim ike̱re̱ kazatse na ta sok kuto̱ro̱ng yin baꞌ, sang ke anong baꞌ, kunom'e tin be̱ ni yin niburum.

1 aKoranti 11:21

koangan ya kasho̱o̱n be kuya'me dar kutor afudang. Ákak sor be izong. Ákak so̱ ma a feng'e.

aMatiyu 23:25

“Awo̱ be yin áner i ta bo̱so̱p ánerawe'me Itsi ne áner aFarisi, yin ákardak áner, yin kusu yin ares kuya naya ne kufe kuso̱ ashi nama'me tsek, amma kaye̱e̱r'e nye ike̱re̱ rigup be kushim rice kuse.

aMatiyu 24:49

Ne asam'me tsosok ásam afudang ne a ya ne a so̱ mak be áya a ta shim á ta so̱ dide̱ng.

aYohana 2:10

A fe̱ be wu ye, “Koangan san ku be̱e̱n ashi anap aya a tá ta ni ime̱se̱ng'e, nong izen iya ne átsen so̱ dide̱ng, ne a be̱e̱n be aya a ta mak a ta baꞌ nama. Amma wan won aya a tá ta dide̱ng ma kyo̱o̱rna!”