Afisa 5:15 - Izere New Testament

¹⁵ Kamok anong, sak yin riye̱ be kuri kusor yin dide̱ng, sang tu sor yin kyo̱ndi áfe a ta se dar ritse̱ng baꞌ, amma sor yin kyo̱ndi áfe a ta be ritse̱ng.

Afisa 5:15 Referans Kwoze

aKolosi 4:5

Sak yin riye̱ be kutseng yin kaye̱e̱r áner aya sang á ta nye áfikuus baꞌ. Ni nye yin itomong be koakye izen ife yin ta se̱ yin.

aYakub 3:13

Angan ne a be kukyem ne a ren ikeng kaye̱e̱r yin e̱? Won a tu tonong be kuse wu kutek, be kunye kutek ne kumees rice riya ri ta ne kaye̱e̱r kukyem.

aFilipi 1:27

Koakye ne i nye, sor yin kusor ku ta taas kufe áner a tanin no̱o̱k katsak Rife̱ Ritek aKiristi. Mi ta be̱ ta ka di yin, ka ta fok itak yin tsek, nong mi ta ren ye yin n gung yin rice be kuto̱ro̱ng kuzining.

1 aKoranti 14:20

Ároneng, won yin kuto̱ kyo̱ndi inoon. Kaye̱e̱r amaan kunye te yin kyo̱ndi inoon nazhizhe̱k'e, amma be yin kuto̱ro̱ng kuri kufe risho̱n.

1 aTimoti 6:9

Amma áner aya a ta shim á ta te arum ti gor ni kon i nye rine̱n ne á ku yiir kaye̱e̱r amaan ike̱re̱ iduk ife kuro̱m, ife i tana kuman ba ma i ta tseng be ba naro̱ á tana ku beseng ne á wei.

1 aBitrus 1:22

Kyo̱o̱rna yin tan sak yin rice yin nong i tá te yin zhe̱l kamok yin tá kuus yin rife̱ Adakunom, shim yin áronyining yin be riye̱ rizining, naka shim yin anong be katsak.

aMatiyu 10:16

Mi sen ka tom yin kyo̱ndi itsamang kaye̱e̱r agabu katse, kamok anong be yin ritseng kyo̱ndi íwhen ne i se yin whiwhe̱ kyo̱ndi ábo̱p.

1 aTasalonika 5:15

Sak yin riye̱, sang tu ku karang yin imaan'e be rimaan'e baꞌ. Amma koakye izen se yin gye̱r be áfudang yin ne ánerawe cice̱r.

aLuka 24:25

Ne aYeso fe̱ be ba ye, “Yin áfunam ákak, akye̱ kuri aye̱ ne yin be yin i ta won dar i ni no̱o̱k yin katsak nike̱re̱ áner kuzarap Adakunom tá fe̱ e̱?

aGalati 3:3

Aser, yin se yin zizik anong a? Yin san yin'e gye̱r kaye̱e̱r Kabik, amma i bun i tse̱r ta gang yin be kuro̱m a?

Ibrani 12:25

Sak yin riye̱, tu rayin aner a ta fe̱ rife̱ na baꞌ. Ke á kyem á wher nizen ba tá raba aner aya a tá ka tigba ba nazatse baꞌ, yir ta nye yir ane̱ ta wher yir ke yir ti nang yir kama ni wu afe a tin tigba yir naza e̱?

aMatiyu 27:24

aBilatus tá di sang ba shishing kuto̱ro̱ng ba baꞌ, ne á bun á shim á ta dorok be riwo̱ng, yong a bo̱ ashi a tin kusu ibo̱k wu nasho̱o̱n ba ne a fe̱ ye, “Ibo̱k'i kuso̱k, naso̱k aner na se rice mi baꞌ. Yin tà fok yin'e.”

Ike̱ng a ta tonong aYohana 19:10

A tá fa fe̱ anong ne mi kpa kaben nong i tú ku ya iben. Ayong a fe̱ be mi ye, “Sang tu nye anong baꞌ, mi gip mi nye asam afudang wan, wan be ribir áfudang wan, áya a tá yiir rife̱ aYeso. Adakunom ne wan tu ku ya iben tsek, kamok Rife̱ Ritek aYeso tá taas ne ri no̱o̱k kukyem kunye kuzarap.”

aMatiyu 8:4

Ayong aYeso fe̱ be wu ye, “Di, sang tú tak akak baꞌ. Amma tseng se tonong rice wan nufe atsi ne i nye asidaka kuri aya aMusa tá fe̱, nong á tà ren ye wan n te atser.”

Afisa 5:33

Gip be anong, koangan kaye̱e̱r yin gip a ra shim abining wu dim kyo̱ndi a ta shim rice wu ne abining'e ma ti yiik amitek wu.

aKolosi 1:9

Kamok anong ne isak kum nizen iya yir tá fok yir itak natoon yin, yir won kunye yir aduwa kamok yin baꞌ. Yir nye yir izong ye Adakunom ra ka tonong yin ike̱ng iya wu ta shim dim nong ase̱ yin ta se̱ yin kukyem Kabik, ne i ren yin ike̱ng kunye.

aGalati 3:1

Ka! Yin áner aGalati, yin yirim a? Angan sak yin te nye yin titak anong e̱? Yin ne a ta ka tak yin itak natoon kutigak aYeso Kiristi gye̱r gye̱r.

aMatiyu 27:4

Ne a fe̱ ye, “Mi nye rine̱n. Mi tá no̱o̱k aner aya sang a tá nye rine̱n baꞌ.” Atsi'me ne ásho̱n'e fe̱ be wu ye, “Akye̱ ti daam yir azong a? Iyong nye kudaam wan.”

aMatiyu 25:2

Atoon kaye̱e̱r ba be kukyem baꞌ, ne atoon be.

Afisa 5:2

Sor yin kusor ku naka shim kyo̱ndi aKiristi tin shim yir, a tá no̱o̱k rice wu kamok yir, kyo̱ndi asidaka aya a ta be iko̱o̱n itek, aya a ta nye kamok Adakunom.