Afisa 5:11 - Izere New Testament

¹¹ Kam yin be akpe̱de̱ng ike̱re̱ awhi, ban i te̱s yin ike̱re̱'me ingya.

Afisa 5:11 Referans Kwoze

aRom 13:12

Katuk m be̱ barak ka ta gor, kadiding n be̱ barak ka ta karak. Kamok anong, i wobok yir amaan kunye afurin nukim ne i te yir ike̱re̱ itsom ife akanang.

1 aTimoti 5:20

Natoon ákok kasho̱o̱n Ikilisiya áya a ta nye rine̱n, ku zhe̱e̱r ba nasho̱o̱n ánerawe nong ase̱ ákak ta fok inyim kunye'me.

2 aTasalonika 3:6

Ároneng, kaye̱e̱r riyerek Agwo̱m Ágwo̱m yir aYeso Kiristi, yir fe̱ yir be yin be agbang kuto̱ ye, yin ra kam yin be áronyining yin áya a ta be karuur sang á ta kuus ike̱ng iya yir tá ka bo̱so̱p yin'e baꞌ.

aRom 16:17

Kusuk yin ároneng, sak yin riye̱ be áfe a ta shim á ta shik kugung rice yin ne á ka sak yin ta kpas yin nike̱ng iya á tá ma ka bo̱so̱p yin'e. Kam yin be ba.

Ike̱ng a ta tonong aYohana 18:4

Iyong mi fok kuto̱ kukak natoon kaza, ye, “Áner'i, wuruk yin kaye̱e̱r kuwo̱p'ong, fan rine̱n kuwo̱p'e bin ngarak natoon yin, fan i bu so̱ yin amaan risam mak be ba.

aTitus 2:15

Ka bo̱so̱p ba ike̱re̱ na. Ka tsesek ba ne i ka zhe̱e̱r ba be agbang kuto̱. Sang tu won akak ta ka zhe̱e̱sh baꞌ.

2 aTasalonika 3:14

Ke aner akak rawu ku kuus ike̱ng yir tá zibir kaye̱e̱r kufumung na, to̱, ni sak yin riye̱ ni wu. Sang tu gung yin rice be wu baꞌ, nong ase̱ a tà fok isum.

aRom 6:21

Akye̱ kuri ishorong ne yin tà se̱ yin kaye̱e̱r ike̱re̱ iyong i ta sen ka no̱o̱k yin isum kyo̱o̱rna e̱? Ike̱re̱ iyong be̱e̱n riku!

2 aTimoti 4:2

wan ri tsesek ninye awazi rife̱ Adakunom, ko be izen ko dar izen. Nees ánerawe, kuzhe̱e̱r ba ne i kutsesek ba ne i ka bo̱so̱p ba'me kaye̱e̱r awhiwhe̱.

2 aTimoti 3:5

a tu ku ye̱re̱k ba kyo̱ndi á ren Adakunom, amma á raba kukyem Adakunom kuya ku ta tonong kuse kutek baꞌ. Kam be áner kuri ayong.

aGalati 6:8

Aner aya a ta tuus ike̱ng kaye̱e̱r kuse rinerawe, iyong tà tseng be wu riku. Amma aya ne a tuus kaye̱e̱r Kabik, a tà se̱ kutser kufe izen izen.

1 aTasalonika 5:7

Áya á tan mereng ida, á ra mereng natuk, áya a ta so̱ kugbe̱re̱ ma á feng'e, a ra feng so̱ natuk.

aLuka 3:19

aYohana tigba aHiridus a tá nye agwo̱m, kamok aHiridus'e sok aHirudiya a ta nye abining aronyining wu ne ike̱re̱ imaan'e ikak wu tan nye.

Afisa 5:7

Kamok anong, ike̱ng ikak ta ka gung yin be ba baꞌ.

Afisa 4:22

A tá bo̱so̱p yin'e natoon ye yin riwon yin kuri kuse yin kufe agbugbang nong ta kam yin be kuse yin kuzen ku ta nye kumaan'e, ku ta ka wo̱ro̱k yin i ta nye yin kushim riye̱ yin ma ku ta ra beseng yin.

aMatiyu 18:15

“Ke aronyining wan ta ka nye rine̱n, ne wan tseng nufu awan yin afa nong ta su ku tak rine̱n wu. Ke a fok rife̱ wan, i nye ye, wan tu bun be aronyining wan niren.

1 aTimoti 6:5

ne á ya nanan be áya a ta be akpe̱de̱ng kuto̱ro̱ng ne katsak kam be ba. Ba di ye kusor kuri kuya Adakunom ta shim nye iren ikak ife ba tana se̱ itso̱m.

Itomong Ámanzo 26:18

Wan ta ka karak ba anyisi nong á tà won awhi ne á be̱ na akanang. Á ta won kukuus Ishetan ne á be̱ nufe Adakunom nong ase̱ a ta ka re̱ng ba rine̱n ba, ne a ka sak ba be áya a ta se zhe̱l kamok kuno̱o̱k katsak ba ni mi.’

Afisa 5:12

Kamok i nye ike̱ng isum a tana fe̱ rife̱ natoon ike̱ng iya a ta nye na nune̱re̱ng.

aKolosi 1:12

ne i yiir nye yin riye̱ rikan be Ada, kamok wu ne a sak yir ta kyem i te yir áfe kuya kutse ike̱re̱ na, iya a tá nye kamok ázhe̱l'e kaye̱e̱r rigwo̱m akanang.

1 aTimoti 5:22

Nye tatan be ku nisaas ibo̱k ritek natoon anerawe ye nong a ta sor ako̱k kasho̱o̱n ikilisiya, tu won rine̱n akak tin ngarak natoon wan baꞌ. Amma sor zhe̱l.