Kamok anong kum yir tanan no̱ yir kaye̱e̱r rigwo̱m riya sang a tana zuur baꞌ, won i tu tonong yir riye̱ rikan, ne iya yir Adakunom iben kyo̱ndi wu ta shim, be kuyiik ne ikap kutiim,
Ke á ta whereng yin natoon rine̱n riya yin ta nye yin, ko yin tsesek kaye̱e̱r'e, yin be yin ishorong ike̱ng ikak natoon'e baꞌ. Amma ke yin so̱ yin risam'me kamok kunye kutek, ne i tsesek yin Adakunom tà ka te yin ritek.
Yin gip, ma te yin kyo̱ndi kuta rino̱k kutser a tanin no̱k kasa kuri kafe kabik nong yin ta nye yin itomong ritsi rizhe̱l'e. Yin ta nye yin asidaka kabik azong kuri aya Adakunom ta shim kamok aYeso Kiristi.
Amma ke akumung'e be inoon ka nabon ayi, inoon'e be nabon'e ra kuus ike̱ng iya rife̱ Adakunom ta fe̱ nong á tin sak riye̱ na ango̱ ba'me. Kamok be anong ne ba tu ku karang ike̱ng iya ángo̱ be ákaka ba'me tá ka nye ba'me. Iyong ne i nye ike̱ng iya Adakunom ta shim.
A min karang cei, ma i nar ike̱ng iya mi ta tse̱r. Mi ma se̱ ike̱ng mi ta tse̱r makong, kyo̱o̱rna mi ta shan ike̱re̱ iya yin tá no̱o̱k yin Apafurotus. Ike̱re̱'me se kyo̱ndi name iko̱o̱n itek, asidaka aya Adakunom ta shan ne a fok kusas'e.
Yir nye yir aduwa nong ase̱ yin ta sor yin kusor kuri kuya ku ta tas kufe áfikuus Agwo̱m Ágwo̱m ne i nye yin ike̱re̱ iya i tana ku kare̱p riye̱ na koakye kuri iren. Kuri kusor yin ta sor yin ta tonong ye kuse kutek ne yin ni barang yin kurasak kaye̱e̱r kuren Adakunom.